ततो धर्मार्थकुशलौ माद्रीपुत्राव् अनन्तरम् ॥
नकुलः सहदेवश् च वाक्यं जगदतुः परम् ॥
आसीनश् च शयानश् च विचरन्न् अपि च स्थितः ॥
अर्थयोगं दृढं कुर्याद् योगैर् उच्चावचैर् अपि ॥
अस्मिंस् तु वै सुसंवृत्ते दुर्लभे परमप्रिये ॥
इह कामान् अवाप्नोति प्रत्यक्षं नात्र संशयः ॥
यो ऽर्थो धर्मेण संयुक्तो धर्मो यश् चार्थसंयुतः ॥
मध्व् इवामृतसंयुक्तं तस्माद् एतौ मताव् इह ॥
अनर्थस्य न कामो ऽस्ति तथार्थो ऽधर्मिणः कुतः ॥
तस्माद् उद्विजते लोको धर्मार्थाद् यो बहिष्कृतः ॥
तस्माद् धर्मप्रधानेन साध्यो ऽर्थः संयतात्मना ॥
विश्वस्तेषु च भूतेषु कल्पते सर्व एव हि ॥
धर्मं समाचरेत् पूर्वं तथार्थं धर्मसंयुतम् ॥
ततः कामं चरेत् पश्चात् सिद्धार्थस्य हि तत् फलम् ॥
विरेमतुस् तु तद् वाक्यम् उक्त्वा ताव् अश्विनोः सुतौ ॥
भीमसेनस् तदा वाक्यम् इदं वक्तुं प्रचक्रमे ॥
tato dharmārthakuśalau mādrīputrāv anantaram ||
nakulaḥ sahadevaś ca vākyaṃ jagadatuḥ param ||
āsīnaś ca śayānaś ca vicarann api ca sthitaḥ ||
arthayogaṃ dṛḍhaṃ kuryād yogair uccāvacair api ||
asmiṃs tu vai susaṃvṛtte durlabhe paramapriye ||
iha kāmān avāpnoti pratyakṣaṃ nātra saṃśayaḥ ||
yo 'rtho dharmeṇa saṃyukto dharmo yaś cārthasaṃyutaḥ ||
madhv ivāmṛtasaṃyuktaṃ tasmād etau matāv iha ||
anarthasya na kāmo 'sti tathārtho 'dharmiṇaḥ kutaḥ ||
tasmād udvijate loko dharmārthād yo bahiṣkṛtaḥ ||
tasmād dharmapradhānena sādhyo 'rthaḥ saṃyatātmanā ||
viśvasteṣu ca bhūteṣu kalpate sarva eva hi ||
dharmaṃ samācaret pūrvaṃ tathārthaṃ dharmasaṃyutam ||
tataḥ kāmaṃ caret paścāt siddhārthasya hi tat phalam ||
virematus tu tad vākyam uktvā tāv aśvinoḥ sutau ||
bhīmasenas tadā vākyam idaṃ vaktuṃ pracakrame ||
Затем сыновья Мадри, Накула и Сахадева, искусные в дхарме и артхе, сказали важное слово: «Сидит человек, лежит, ходит или стоит — он должен твёрдо укреплять связь с артхой разными средствами. Когда это редкое и высше ценное дело хорошо устроено, он очевидно достигает желаний здесь, и в этом нет сомнения. Артха, соединённая с дхармой, и дхарма, соединённая с артхой, подобны мёду, соединённому с амритой; поэтому эти двое здесь почитаются вместе. У того, кто лишён артхи, нет камы; но откуда артха у лишённого дхармы? Поэтому мир отвращается от того, кто исключён из дхармы и артхи. Следовательно, обузданный собой должен достигать артхи с дхармой как главным началом. Среди существ, которым можно доверять, всё становится возможным. Сначала пусть человек исполняет дхарму, затем артху, соединённую с дхармой, и потом каму, ибо она — плод достигшей артхи». Сказав это, два сына Ашвинов замолчали, и Бхимасена начал говорить».
3c6e0360abe7 · published Jun 21, 2026, 6:34:52 AM UTC
Available inRUPage between verses with
Накула и Сахадева предлагают синтез: артха нужна, но должна быть ведомой дхармой. Кама допустима как плод упорядоченной жизни, а не как независимый господин.