ततो मुहूर्ताद् अथ धर्मराजो; वाक्यानि तेषाम् अनुचिन्त्य सम्यक् ॥
उवाच वाचावितथं स्मयन् वै; बहुश्रुतो धर्मभृतां वरिष्ठः ॥
निःसंशयं निश्चितधर्मशास्त्राः; सर्वे भवन्तो विदितप्रमाणाः ॥
विज्ञातुकामस्य ममेह वाक्यम्; उक्तं यद् वै नैष्ठिकं तच् छ्रुतं मे ॥
इह त्व् अवश्यं गदतो ममापि; वाक्यं निबोधध्वम् अनन्यभावाः ॥
यो वै न पापे निरतो न पुण्ये; नार्थे न धर्मे मनुजो न कामे ॥
विमुक्तदोषः समलोष्टकाञ्चनः; स मुच्यते दुःखसुखार्थसिद्धेः ॥
भूतानि जातीमरणान्वितानि; जराविकारैश् च समन्वितानि ॥
भूयश् च तैस् तैः प्रतिबोधितानि; मोक्षं प्रशंसन्ति न तं च विद्मः ॥
स्नेहे नबद्धस्य न सन्ति तानीत्य्; एवं स्वयंभूर् भगवान् उवाच ॥
बुधाश् च निर्वाणपरा वदन्ति; तस्मान् न कुर्यात् प्रियम् अप्रियं च ॥
एतत् प्रधानं न तु कामकारो; यथा नियुक्तो ऽस्मि तथा चरामि ॥
भूतानि सर्वाणि विधिर् नियुङ्क्ते; विधिर् बलीयान् इति वित्त सर्वे ॥
न कर्मणाप्नोत्य् अनवाप्यम् अर्थं; यद् भावि सर्वं भवतीति वित्त ॥
त्रिवर्गहीनो ऽपि हि विन्दते ऽर्थं; तस्माद् इदं लोकहिताय गुह्यम् ॥
ततस् तद् अग्र्यं वचनं मनोनुगं; समस्तम् आज्ञाय ततो ऽतिहेतुमत् ॥
तदा प्रणेदुश् च जहर्षिरे च ते; कुरुप्रवीराय च चक्रुर् अञ्जलीन् ॥
सुचारुवर्णाक्षरशब्दभूषितां; मनोनुगां निर्धुतवाक्यकण्टकाम् ॥
निशम्य तां पार्थिव पार्थभाषितां; गिरं नरेन्द्राः प्रशशंसुर् एव ते ॥
पुनश् च पप्रच्छ सरिद्वरासुतं; ततः परं धर्मम् अहीनसत्त्वः ॥
tato muhūrtād atha dharmarājo; vākyāni teṣām anucintya samyak ||
uvāca vācāvitathaṃ smayan vai; bahuśruto dharmabhṛtāṃ variṣṭhaḥ ||
niḥsaṃśayaṃ niścitadharmaśāstrāḥ; sarve bhavanto viditapramāṇāḥ ||
vijñātukāmasya mameha vākyam; uktaṃ yad vai naiṣṭhikaṃ tac chrutaṃ me ||
iha tv avaśyaṃ gadato mamāpi; vākyaṃ nibodhadhvam ananyabhāvāḥ ||
yo vai na pāpe nirato na puṇye; nārthe na dharme manujo na kāme ||
vimuktadoṣaḥ samaloṣṭakāñcanaḥ; sa mucyate duḥkhasukhārthasiddheḥ ||
bhūtāni jātīmaraṇānvitāni; jarāvikāraiś ca samanvitāni ||
bhūyaś ca tais taiḥ pratibodhitāni; mokṣaṃ praśaṃsanti na taṃ ca vidmaḥ ||
snehe nabaddhasya na santi tānīty; evaṃ svayaṃbhūr bhagavān uvāca ||
budhāś ca nirvāṇaparā vadanti; tasmān na kuryāt priyam apriyaṃ ca ||
etat pradhānaṃ na tu kāmakāro; yathā niyukto 'smi tathā carāmi ||
bhūtāni sarvāṇi vidhir niyuṅkte; vidhir balīyān iti vitta sarve ||
na karmaṇāpnoty anavāpyam arthaṃ; yad bhāvi sarvaṃ bhavatīti vitta ||
trivargahīno 'pi hi vindate 'rthaṃ; tasmād idaṃ lokahitāya guhyam ||
tatas tad agryaṃ vacanaṃ manonugaṃ; samastam ājñāya tato 'tihetumat ||
tadā praṇeduś ca jaharṣire ca te; kurupravīrāya ca cakrur añjalīn ||
sucāruvarṇākṣaraśabdabhūṣitāṃ; manonugāṃ nirdhutavākyakaṇṭakām ||
niśamya tāṃ pārthiva pārthabhāṣitāṃ; giraṃ narendrāḥ praśaśaṃsur eva te ||
punaś ca papraccha saridvarāsutaṃ; tataḥ paraṃ dharmam ahīnasattvaḥ ||
Затем через мгновение Дхармараджа, как следует обдумав их слова, улыбаясь, сказал истинной речью, он, многоучёный и лучший из носителей дхармы: «Вы все, без сомнения, твёрдо знаете дхарма-шастры и авторитетные мерила. Я услышал сказанное вами окончательное слово для меня, желавшего узнать. Но теперь и моё слово выслушайте внимательно. Человек, который не предан ни греху, ни заслуге, ни артхе, ни дхарме, ни каме, свободен от порока и одинаково смотрит на ком земли и золото, освобождается от достижения плодов горя, счастья и выгоды. Существа соединены с рождением, смертью и изменениями старости; снова и снова пробуждаемые этим, они восхваляют мокшу, но мы её не знаем. “Для того, кто не связан привязанностью, этих уз нет” — так сказал благословенный Сваямбху; так говорят и мудрые, устремлённые к нирване. Поэтому не следует делать приятное и неприятное. Это главное, а не произвол желания: как я назначен, так и действую. Судьба назначает всех существ; судьба сильнее — знайте это все. Действием человек не получает того, что недостижимо; что должно быть, то бывает. Даже лишённый триварги может обрести цель; поэтому это тайное сказано ради блага мира». Поняв это высшее, приятное уму и очень основательное слово, они возликовали и сложили ладони перед лучшим из Куру. Услышав эту речь Партхи, украшенную прекрасными слогами и звуками, приятную уму и очищенную от словесных шипов, цари восхвалили её. Затем стойкий Юдхиштхира снова спросил сына лучшей реки о дальнейшей, высшей дхарме».
2c8c3d778ab6 · published Jun 21, 2026, 6:34:52 AM UTC
Available inRUPage between verses with
Юдхиштхира принимает аргументы о триварге, но поднимает их выше: освобождение не в выборе одной цели против другой, а в выходе за привязанность к плодам, приятному и неприятному.