ततः सहस्रं विप्राणां विदुषां समलंकृतम् ॥
स्नातानाम् अनुसंप्राप्तम् अहतक्षौमवाससाम् ॥
तान् आगतान् द्विजश्रेष्ठान् विरूपाक्षो विशां पते ॥
यथार्हं प्रतिजग्राह विधिदृष्टेन कर्मणा ॥
बृस्यस् तेषां तु संन्यस्ता राक्षसेन्द्रस्य शासनात् ॥
भूमौ वरकुथास्तीर्णाः प्रेष्यैर् भरतसत्तम ॥
तासु ते पूजिता राज्ञा निषण्णा द्विजसत्तमाः ॥
व्यराजन्त महाराज नक्षत्रपतयो यथा ॥
ततो जाम्बूनदाः पात्रीर् वज्राङ्का विमलाः शुभाः ॥
वरान्नपूर्णा विप्रेभ्यः प्रादान् मधुघृताप्लुताः ॥
तस्य नित्यं तथाषाढ्यां माघ्यां च बहवो द्विजाः ॥
ईप्सितं भोजनवरं लभन्ते सत्कृतं सदा ॥
विशेषतस् तु कार्त्तिक्यां द्विजेभ्यः संप्रयच्छति ॥
शरद्व्यपाये रत्नानि पौर्णमास्याम् इति श्रुतिः ॥
सुवर्णं रजतं चैव मणीन् अथ च मौक्तिकम् ॥
वज्रान् महाधनांश् चैव वैडूर्याजिनराङ्कवान् ॥
रत्नराशीन् विनिक्षिप्य दक्षिणार्थे स भारत ॥
ततः प्राह द्विजश्रेष्ठान् विरूपाक्षो महायशाः ॥
tataḥ sahasraṃ viprāṇāṃ viduṣāṃ samalaṃkṛtam ||
snātānām anusaṃprāptam ahatakṣaumavāsasām ||
tān āgatān dvijaśreṣṭhān virūpākṣo viśāṃ pate ||
yathārhaṃ pratijagrāha vidhidṛṣṭena karmaṇā ||
bṛsyas teṣāṃ tu saṃnyastā rākṣasendrasya śāsanāt ||
bhūmau varakuthāstīrṇāḥ preṣyair bharatasattama ||
tāsu te pūjitā rājñā niṣaṇṇā dvijasattamāḥ ||
vyarājanta mahārāja nakṣatrapatayo yathā ||
tato jāmbūnadāḥ pātrīr vajrāṅkā vimalāḥ śubhāḥ ||
varānnapūrṇā viprebhyaḥ prādān madhughṛtāplutāḥ ||
tasya nityaṃ tathāṣāḍhyāṃ māghyāṃ ca bahavo dvijāḥ ||
īpsitaṃ bhojanavaraṃ labhante satkṛtaṃ sadā ||
viśeṣatas tu kārttikyāṃ dvijebhyaḥ saṃprayacchati ||
śaradvyapāye ratnāni paurṇamāsyām iti śrutiḥ ||
suvarṇaṃ rajataṃ caiva maṇīn atha ca mauktikam ||
vajrān mahādhanāṃś caiva vaiḍūryājinarāṅkavān ||
ratnarāśīn vinikṣipya dakṣiṇārthe sa bhārata ||
tataḥ prāha dvijaśreṣṭhān virūpākṣo mahāyaśāḥ ||
Затем пришла тысяча учёных брахманов, красиво украшенных, совершивших омовение и одетых в новые льняные одежды. Вирупакша, о владыка людей, принял этих лучших дваждырождённых как подобает, по установленному обряду. По приказу владыки ракшасов слуги расставили для них подстилки на земле, покрытой лучшими коврами, о лучший Бхарата. Почтённые царём, эти лучшие брахманы сели на них и сияли, о великий царь, словно владыки звёзд. Затем он дал брахманам чистые и прекрасные золотые блюда, отмеченные алмазами, наполненные лучшей пищей и залитые мёдом и гхи. У него всегда, в Ашадху и Магху, многие брахманы получали желанную лучшую пищу и постоянный почёт; особенно же в Картику, в осеннее полнолуние, он раздавал брахманам драгоценности. Разложив для дакшины груды золота, серебра, драгоценных камней, жемчуга, алмазов, больших богатств, вайдурьи, шкур и шерстяных покрывал, великославный Вирупакша сказал лучшим брахманам».
1a938875aba5 · published Jun 20, 2026, 10:41:00 PM UTC
Available inRUPage between verses with
Щедрость Вирупакши описана подробно, чтобы стало ясно: богатство здесь служит дхарме, когда оно превращается в почитание достойных и в дар. На этом фоне жадность Гаутамы будет выглядеть особенно низко.