भीष्म उवाच
अत्राप्य् उदाहरन्तीमम् इतिहासं पुरातनम् ॥
तुलाधारस्य वाक्यानि धर्मे जाजलिना सह ॥
वने वनचरः कश् चिज् जाजलिर् नाम वै द्विजः ॥
सागरोद्देशम् आगम्य तपस् तेपे महातपाः ॥
नियतो नियताहारश् चीराजिनजटाधरः ॥
मलपङ्कधरो धीमान् बहून् वर्षगणान् मुनिः ॥
स कदा चिन् महातेजा जलवासो महीपते ॥
चचार लोकान् विप्रर्षिः प्रेक्षमाणो मनोजवः ॥
स चिन्तयाम् आस मुनिर् जलमध्ये कदा चन ॥
विप्रेक्ष्य सागरान्तां वै महीं सवनकाननाम् ॥
न मया सदृशो ऽस्तीह लोके स्थावरजङ्गमे ॥
अप्सु वैहायसं गच्छेन् मया यो ऽन्यः सहेति वै ॥
स दृश्यमानो रक्षोभिर् जलमध्ये ऽवदत् ततः ॥
अब्रुवंश् च पिशाचास् तं नैवं त्वं वक्तुम् अर्हसि ॥
तुलाधारो वणिग्धर्मा वाराणस्यां महायशाः ॥
सो ऽप्य् एवं नार्हते वक्तुं यथा त्वं द्विजसत्तम ॥
इत्य् उक्तो जाजलिर् भूतैः प्रत्युवाच महातपाः ॥
पश्येयं तम् अहं प्राज्ञं तुलाधारं यशस्विनम् ॥
इति ब्रुवाणं तम् ऋषिं रक्षांस्य् उद्धृत्य सागरात् ॥
अब्रुवन् गच्छ पन्थानम् आस्थायेमं द्विजोत्तम ॥
इत्य् उक्तो जाजलिर् भूतैर् जगाम विमनास् तदा ॥
वाराणस्यां तुलाधारं समासाद्याब्रवीद् वचः ॥
bhīṣma uvāca
atrāpy udāharantīmam itihāsaṃ purātanam ||
tulādhārasya vākyāni dharme jājalinā saha ||
vane vanacaraḥ kaś cij jājalir nāma vai dvijaḥ ||
sāgaroddeśam āgamya tapas tepe mahātapāḥ ||
niyato niyatāhāraś cīrājinajaṭādharaḥ ||
malapaṅkadharo dhīmān bahūn varṣagaṇān muniḥ ||
sa kadā cin mahātejā jalavāso mahīpate ||
cacāra lokān viprarṣiḥ prekṣamāṇo manojavaḥ ||
sa cintayām āsa munir jalamadhye kadā cana ||
viprekṣya sāgarāntāṃ vai mahīṃ savanakānanām ||
na mayā sadṛśo 'stīha loke sthāvarajaṅgame ||
apsu vaihāyasaṃ gacchen mayā yo 'nyaḥ saheti vai ||
sa dṛśyamāno rakṣobhir jalamadhye 'vadat tataḥ ||
abruvaṃś ca piśācās taṃ naivaṃ tvaṃ vaktum arhasi ||
tulādhāro vaṇigdharmā vārāṇasyāṃ mahāyaśāḥ ||
so 'py evaṃ nārhate vaktuṃ yathā tvaṃ dvijasattama ||
ity ukto jājalir bhūtaiḥ pratyuvāca mahātapāḥ ||
paśyeyaṃ tam ahaṃ prājñaṃ tulādhāraṃ yaśasvinam ||
iti bruvāṇaṃ tam ṛṣiṃ rakṣāṃsy uddhṛtya sāgarāt ||
abruvan gaccha panthānam āsthāyemaṃ dvijottama ||
ity ukto jājalir bhūtair jagāma vimanās tadā ||
vārāṇasyāṃ tulādhāraṃ samāsādyābravīd vacaḥ ||
Бхишма сказал: «И здесь приводят древнюю историю — слова Туладхары о дхарме в беседе с Джаджали. В лесу жил некий брахман, по имени Джаджали. Придя к берегу океана, этот великий подвижник совершал тапас. Сдержанный, умеренный в пище, носивший лохмотья, оленью шкуру и спутанные волосы, покрытый грязью и илом, разумный мудрец провёл так многие годы. Однажды этот великосияющий брахман-риши, живший в воде, быстрый как мысль, стал обходить миры, созерцая их. Посреди воды, окинув взглядом землю до предела океана, с её лесами и рощами, он подумал: “В мире движущегося и неподвижного нет равного мне: кто ещё, кроме меня, мог бы идти по водам и воздуху?” Когда он сказал это посреди воды, ракшасы и пишачи, видя его, сказали: “Ты не должен так говорить. В Варанаси есть великославный Туладхара, торговец, живущий по дхарме; даже он не стал бы говорить так, как говоришь ты, лучший из брахманов”. Услышав это от существ, великий подвижник Джаджали ответил: “Я хотел бы увидеть этого мудрого и славного Туладхару”. Тогда ракшасы, подняв риши из океана, сказали: “Иди этим путём, лучший из дваждырождённых”. Смущённый их словами, Джаджали отправился и, придя в Варанаси к Туладхаре, сказал ему слово».
3cdc63a44d0c · published Jun 21, 2026, 7:05:33 AM UTC
Available inRUPage between verses with
История сразу показывает опасность тонкой гордости. Джаджали обрёл необычайную аскетическую силу, но сравнение себя с другими уже стало падением с внутренней дхармы.