ततो ऽपश्यत चीराणि सूक्ष्माणि द्विजसत्तमः ॥
पार्श्वतो ऽभ्यागतो न्यस्तान्य् अथ निर्वेदम् आगतः ॥
ब्राह्मण उवाच
अयं न सुकृतं वेत्ति को न्व् अन्यो वेत्स्यते कृतम् ॥
गच्छामि वनम् एवाहं वरं धर्मेण जीवितुम् ॥
भीष्म उवाच
निर्वेदाद् देवतानां च प्रसादात् स द्विजोत्तमः ॥
वनं प्रविश्य सुमहत् तप आरब्धवांस् तदा ॥
देवतातिथिशेषेण फलमूलाशनो द्विजः ॥
धर्मे चापि महाराज रतिर् अस्याभ्यजायत ॥
त्यक्त्वा मूलफलं सर्वं पर्णाहारो ऽभवद् द्विजः ॥
पर्णं त्यक्त्वा जलाहारस् तदासीद् द्विजसत्तमः ॥
वायुभक्षस् ततः पश्चाद् बहून् वर्षगणान् अभूत् ॥
न चास्य क्षीयते प्राणस् तद् अद्भुतम् इवाभवत् ॥
धर्मे च श्रद्दधानस्य तपस्य् उग्रे च वर्ततः ॥
कालेन महता तस्य दिव्या दृष्टिर् अजायत ॥
तस्य बुद्धिः प्रादुरासीद् यदि दद्यां महद् धनम् ॥
तुष्टः कस्मै चिद् एवाहं न मिथ्या वाग् भवेन् मम ॥
ततः प्रहृष्टवदनो भूय आरब्धवांस् तपः ॥
भूयश् चाचिन्तयत् सिद्धो यत् परं सो ऽभ्यपद्यत ॥
tato 'paśyata cīrāṇi sūkṣmāṇi dvijasattamaḥ ||
pārśvato 'bhyāgato nyastāny atha nirvedam āgataḥ ||
brāhmaṇa uvāca
ayaṃ na sukṛtaṃ vetti ko nv anyo vetsyate kṛtam ||
gacchāmi vanam evāhaṃ varaṃ dharmeṇa jīvitum ||
bhīṣma uvāca
nirvedād devatānāṃ ca prasādāt sa dvijottamaḥ ||
vanaṃ praviśya sumahat tapa ārabdhavāṃs tadā ||
devatātithiśeṣeṇa phalamūlāśano dvijaḥ ||
dharme cāpi mahārāja ratir asyābhyajāyata ||
tyaktvā mūlaphalaṃ sarvaṃ parṇāhāro 'bhavad dvijaḥ ||
parṇaṃ tyaktvā jalāhāras tadāsīd dvijasattamaḥ ||
vāyubhakṣas tataḥ paścād bahūn varṣagaṇān abhūt ||
na cāsya kṣīyate prāṇas tad adbhutam ivābhavat ||
dharme ca śraddadhānasya tapasy ugre ca vartataḥ ||
kālena mahatā tasya divyā dṛṣṭir ajāyata ||
tasya buddhiḥ prādurāsīd yadi dadyāṃ mahad dhanam ||
tuṣṭaḥ kasmai cid evāhaṃ na mithyā vāg bhaven mama ||
tataḥ prahṛṣṭavadano bhūya ārabdhavāṃs tapaḥ ||
bhūyaś cācintayat siddho yat paraṃ so 'bhyapadyata ||
Затем лучший брахман увидел рядом оставленные тонкие лохмотья и пришёл к отречению. Он сказал: «Этот не понимает доброго дела; кто же другой оценит сделанное? Я уйду в лес; лучше жить дхармой». Бхишма продолжил: Благодаря отречению и милости богов тот лучший брахман вошёл в лес и начал великий тапас. Питаясь только остатками плодов и корней после подношения богам и гостям, он обрёл радость в дхарме, о великий царь. Затем он оставил корни и плоды и стал питаться листьями; оставив листья, стал жить водой; потом многие годы питался воздухом. Его жизнь не истощалась, и это казалось чудом. Когда он с верой пребывал в дхарме и суровом тапасе, спустя долгое время у него возникло божественное зрение. Тогда у него появилась мысль: “Если бы я, будучи доволен, дал кому-нибудь большое богатство, моё слово не оказалось бы ложным”. С радостным лицом он снова начал тапас, и, став сиддхой, размышлял о высшем, которого достиг.
a4562154c36d · published Jun 21, 2026, 7:35:30 AM UTC
Available inRUPage between verses with
Брахман проходит путь от ожидания награды к вкусу самой дхармы. Когда желание богатства ослабевает, сила приходит сама, но теперь она уже не является главной ценностью.