युधिष्ठिर उवाच
धर्मम् अर्थं च कामं च वेदाः शंसन्ति भारत ॥
कस्य लाभो विशिष्टो ऽत्र तन् मे ब्रूहि पितामह ॥
भीष्म उवाच
अत्र ते वर्तयिष्यामि इतिहासं पुरातनम् ॥
कुण्डधारेण यत् प्रीत्या भक्तायोपकृतं पुरा ॥
अधनो ब्राह्मणः कश् चित् कामाद् धर्मम् अवैक्षत ॥
यज्ञार्थं स ततो ऽर्थार्थी तपो ऽतप्यत दारुणम् ॥
स निश्चयम् अथो कृत्वा पूजयाम् आस देवताः ॥
भक्त्या न चैवाध्यगच्छद् धनं संपूज्य देवताः ॥
ततश् चिन्तां पुनः प्राप्तः कतमद् दैवतं नु तत् ॥
यन् मे द्रुतं प्रसीदेत मानुषैर् अजडीकृतम् ॥
अथ सौम्येन वपुषा देवानुचरम् अन्तिके ॥
प्रत्यपश्यज् जलधरं कुण्डधारम् अवस्थितम् ॥
दृष्ट्वैव तं महात्मानं तस्य भक्तिर् अजायत ॥
अयं मे धास्यति श्रेयो वपुर् एतद् धि तादृशम् ॥
संनिकृष्टश् च देवस्य न चान्यैर् मानुषैर् वृतः ॥
एष मे दास्यति धनं प्रभूतं शीघ्रम् एव च ॥
ततो धूपैश् च गन्धैश् च माल्यैर् उच्चावचैर् अपि ॥
बलिभिर् विविधैश् चापि पूजयाम् आस तं द्विजः ॥
ततः स्वल्पेन कालेन तुष्टो जलधरस् तदा ॥
तस्योपकारे नियताम् इमां वाचम् उवाच ह ॥
yudhiṣṭhira uvāca
dharmam arthaṃ ca kāmaṃ ca vedāḥ śaṃsanti bhārata ||
kasya lābho viśiṣṭo 'tra tan me brūhi pitāmaha ||
bhīṣma uvāca
atra te vartayiṣyāmi itihāsaṃ purātanam ||
kuṇḍadhāreṇa yat prītyā bhaktāyopakṛtaṃ purā ||
adhano brāhmaṇaḥ kaś cit kāmād dharmam avaikṣata ||
yajñārthaṃ sa tato 'rthārthī tapo 'tapyata dāruṇam ||
sa niścayam atho kṛtvā pūjayām āsa devatāḥ ||
bhaktyā na caivādhyagacchad dhanaṃ saṃpūjya devatāḥ ||
tataś cintāṃ punaḥ prāptaḥ katamad daivataṃ nu tat ||
yan me drutaṃ prasīdeta mānuṣair ajaḍīkṛtam ||
atha saumyena vapuṣā devānucaram antike ||
pratyapaśyaj jaladharaṃ kuṇḍadhāram avasthitam ||
dṛṣṭvaiva taṃ mahātmānaṃ tasya bhaktir ajāyata ||
ayaṃ me dhāsyati śreyo vapur etad dhi tādṛśam ||
saṃnikṛṣṭaś ca devasya na cānyair mānuṣair vṛtaḥ ||
eṣa me dāsyati dhanaṃ prabhūtaṃ śīghram eva ca ||
tato dhūpaiś ca gandhaiś ca mālyair uccāvacair api ||
balibhir vividhaiś cāpi pūjayām āsa taṃ dvijaḥ ||
tataḥ svalpena kālena tuṣṭo jaladharas tadā ||
tasyopakāre niyatām imāṃ vācam uvāca ha ||
Юдхиштхира сказал: «Веды провозглашают дхарму, артху и каму, о Бхарата. Чьё обретение здесь превосходнее? Скажи мне, о дед». Бхишма сказал: «Об этом я расскажу тебе древнюю историю: как Кундадхара из любви помог своему преданному. Жил неимущий брахман. Из желания совершить жертву он обратился к дхарме и, нуждаясь в средствах, стал совершать суровый тапас. Приняв решение, он с преданностью почитал богов, но богатства так и не обрёл. Тогда он снова задумался: “Какое божество быстро смилуется ко мне, не будучи огрублено людским обращением?” И он увидел рядом спутника богов — облаконосца Кундадхару, стоящего в мягком облике. Увидев эту великую душу, он проникся к нему почтением: “Он даст мне благо; его облик говорит об этом. Он близок к божеству и не окружён другими людьми; он быстро даст мне большое богатство”. Тогда брахман стал почитать его благовониями, ароматами, разными гирляндами и подношениями. Вскоре Кундадхара, довольный им, произнёс речь, направленную на его благо».
9217a3fb1ab8 · published Jun 21, 2026, 7:35:30 AM UTC
Available inRUPage between verses with
Вопрос Юдхиштхиры ставит три цели человеческой жизни рядом, но рассказ сразу показывает опасность: даже обращение к дхарме может быть смешано с желанием богатства. Кундадхара отвечает не исполнением желания, а заботой о высшем благе просителя.