संभाव्य पुत्रान् कालेन यौवनस्थान् निवेश्य च ॥
समर्थाञ् जीवने ज्ञात्वा मुक्तश् चर यथासुखम् ॥
भार्यां पुत्रवतीं वृद्धां लालितां पुत्रवत्सलाम् ॥
ज्ञात्वा प्रजहि काले त्वं परार्थम् अनुदृश्य च ॥
सापत्यो निरपत्यो वा मुक्तश् चर यथासुखम् ॥
इन्द्रियैर् इन्द्रियार्थांस् त्वम् अनुभूय यथाविधि ॥
कृतकौतूहलस् तेषु मुक्तश् चर यथासुखम् ॥
उपपत्त्योपलब्धेषु लाभेषु च समो भव ॥
एष तावत् समासेन तव संकीर्तितो मया ॥
मोक्षार्थो विस्तरेणापि भूयो वक्ष्यामि तच् छृणु ॥
मुक्ता वीतभया लोके चरन्ति सुखिनो नराः ॥
सक्तभावा विनश्यन्ति नरास् तत्र न संशयः ॥
आहारसंचयाश् चैव तथा कीटपिपीलिकाः ॥
असक्ताः सुखिनो लोके सक्ताश् चैव विनाशिनः ॥
स्वजने न च ते चिन्ता कर्तव्या मोक्षबुद्धिना ॥
इमे मया विनाभूता भविष्यन्ति कथं त्व् इति ॥
स्वयम् उत्पद्यते जन्तुः स्वयम् एव विवर्धते ॥
सुखदुःखे तथा मृत्युं स्वयम् एवाधिगच्छति ॥
भोजनाच्छादने चैव मात्रा पित्रा च संग्रहम् ॥
स्वकृतेनाधिगच्छन्ति लोके नास्त्य् अकृतं पुरा ॥
धात्रा विहितभक्ष्याणि सर्वभूतानि मेदिनीम् ॥
लोके विपरिधावन्ति रक्षितानि स्वकर्मभिः ॥
saṃbhāvya putrān kālena yauvanasthān niveśya ca ||
samarthāñ jīvane jñātvā muktaś cara yathāsukham ||
bhāryāṃ putravatīṃ vṛddhāṃ lālitāṃ putravatsalām ||
jñātvā prajahi kāle tvaṃ parārtham anudṛśya ca ||
sāpatyo nirapatyo vā muktaś cara yathāsukham ||
indriyair indriyārthāṃs tvam anubhūya yathāvidhi ||
kṛtakautūhalas teṣu muktaś cara yathāsukham ||
upapattyopalabdheṣu lābheṣu ca samo bhava ||
eṣa tāvat samāsena tava saṃkīrtito mayā ||
mokṣārtho vistareṇāpi bhūyo vakṣyāmi tac chṛṇu ||
muktā vītabhayā loke caranti sukhino narāḥ ||
saktabhāvā vinaśyanti narās tatra na saṃśayaḥ ||
āhārasaṃcayāś caiva tathā kīṭapipīlikāḥ ||
asaktāḥ sukhino loke saktāś caiva vināśinaḥ ||
svajane na ca te cintā kartavyā mokṣabuddhinā ||
ime mayā vinābhūtā bhaviṣyanti kathaṃ tv iti ||
svayam utpadyate jantuḥ svayam eva vivardhate ||
sukhaduḥkhe tathā mṛtyuṃ svayam evādhigacchati ||
bhojanācchādane caiva mātrā pitrā ca saṃgraham ||
svakṛtenādhigacchanti loke nāsty akṛtaṃ purā ||
dhātrā vihitabhakṣyāṇi sarvabhūtāni medinīm ||
loke viparidhāvanti rakṣitāni svakarmabhiḥ ||
«В должное время воспитай сыновей, устрой их в зрелости, узнай, что они способны жить самостоятельно, и, став свободным, живи как пожелаешь. Жену, имеющую сыновей, постаревшую, взлелеянную и любящую детей, в должное время отпусти, видя её дальнейшее благо. С потомством или без потомства, став свободным, живи счастливо. Испытав предметы чувств через чувства как положено и удовлетворив своё любопытство к ним, живи свободно. Будь равен к приобретениям, которые приходят по обстоятельствам. Так я вкратце изложил тебе смысл мокши; теперь скажу подробнее, слушай. Освобождённые и лишённые страха люди живут в мире счастливо; привязанные же погибают — в этом нет сомнения. Даже насекомые и муравьи накапливают пищу; непривязанные счастливы в мире, а привязанные гибнут. Человеку с мыслью о мокше не следует тревожиться о своих: “Как они будут без меня?” Существо само рождается, само растёт и само получает счастье, горе и смерть. Пищу, одежду и поддержку матери и отца получают по собственной карме; в мире нет ничего, что не было бы прежде сделано. Все существа, которым Творец назначил пищу, бегают по земле, охраняемые своими собственными делами».
a6d98bdc4e64 · published Jun 21, 2026, 6:29:33 AM UTC
Available inRUPage between verses with
Наставление звучит резко, но его смысл не в жестокости к семье. Нужно исполнить долг, дать близким опору и затем признать: их жизнь держится не моей тревогой, а их собственной кармой и волей Провидения.