प्रस्थं वाहसहस्रेषु यात्रार्थं चैव कोटिषु ॥
प्रासादे मञ्चकस्थानं यः पश्यति स मुच्यते ॥
मृत्युनाभ्याहतं लोकं व्याधिभिश् चोपपीडितम् ॥
अवृत्तिकर्शितं चैव यः पश्यति स मुच्यते ॥
यः पश्यति सुखी तुष्टो नपश्यंश् च विहन्यते ॥
यश् चाप्य् अल्पेन संतुष्टो लोके ऽस्मिन् मुक्त एव सः ॥
अग्नीषोमाव् इदं सर्वम् इति यश् चानुपश्यति ॥
न च संस्पृश्यते भावैर् अद्भुतैर् मुक्त एव सः ॥
पर्यङ्कशय्या भूमिश् च समाने यस्य देहिनः ॥
शालयश् च कदन्नं च यस्य स्यान् मुक्त एव सः ॥
क्षौमं च कुशचीरं च कौशेयं वल्कलानि च ॥
आविकं चर्म च समं यस्य स्यान् मुक्त एव सः ॥
पञ्चभूतसमुद्भूतं लोकं यश् चानुपश्यति ॥
तथा च वर्तते दृष्ट्वा लोके ऽस्मिन् मुक्त एव सः ॥
सुखदुःखे समे यस्य लाभालाभौ जयाजयौ ॥
इच्छाद्वेषौ भयोद्वेगौ सर्वथा मुक्त एव सः ॥
रक्तमूत्रपुरीषाणां दोषाणां संचयं तथा ॥
शरीरं दोषबहुलं दृष्ट्वा चेदं विमुच्यते ॥
वलीपलितसंयोगं कार्श्यं वैवर्ण्यम् एव च ॥
कुब्जभावं च जरया यः पश्यति स मुच्यते ॥
पुंस्त्वोपघातं कालेन दर्शनोपरमं तथा ॥
बाधिर्यं प्राणमन्दत्वं यः पश्यति स मुच्यते ॥
prasthaṃ vāhasahasreṣu yātrārthaṃ caiva koṭiṣu ||
prāsāde mañcakasthānaṃ yaḥ paśyati sa mucyate ||
mṛtyunābhyāhataṃ lokaṃ vyādhibhiś copapīḍitam ||
avṛttikarśitaṃ caiva yaḥ paśyati sa mucyate ||
yaḥ paśyati sukhī tuṣṭo napaśyaṃś ca vihanyate ||
yaś cāpy alpena saṃtuṣṭo loke 'smin mukta eva saḥ ||
agnīṣomāv idaṃ sarvam iti yaś cānupaśyati ||
na ca saṃspṛśyate bhāvair adbhutair mukta eva saḥ ||
paryaṅkaśayyā bhūmiś ca samāne yasya dehinaḥ ||
śālayaś ca kadannaṃ ca yasya syān mukta eva saḥ ||
kṣaumaṃ ca kuśacīraṃ ca kauśeyaṃ valkalāni ca ||
āvikaṃ carma ca samaṃ yasya syān mukta eva saḥ ||
pañcabhūtasamudbhūtaṃ lokaṃ yaś cānupaśyati ||
tathā ca vartate dṛṣṭvā loke 'smin mukta eva saḥ ||
sukhaduḥkhe same yasya lābhālābhau jayājayau ||
icchādveṣau bhayodvegau sarvathā mukta eva saḥ ||
raktamūtrapurīṣāṇāṃ doṣāṇāṃ saṃcayaṃ tathā ||
śarīraṃ doṣabahulaṃ dṛṣṭvā cedaṃ vimucyate ||
valīpalitasaṃyogaṃ kārśyaṃ vaivarṇyam eva ca ||
kubjabhāvaṃ ca jarayā yaḥ paśyati sa mucyate ||
puṃstvopaghātaṃ kālena darśanoparamaṃ tathā ||
bādhiryaṃ prāṇamandatvaṃ yaḥ paśyati sa mucyate ||
«Кто видит в тысячах повозок только малую меру для пути, а во дворце — лишь место для кровати, тот освобождается. Кто видит мир, поражённый смертью, измученный болезнями и истощённый недостатком средств, тот освобождается. Кто видит это и остаётся счастливым и довольным, тот свободен; не видящий же гибнет. Кто доволен малым в этом мире, тот свободен. Кто созерцает: “Всё это — Агни и Сома”, и не затрагивается удивительными состояниями, тот свободен. Для кого ложе на кровати и земля равны, рис и плохая пища равны, лён, одежда из травы, шёлк, лыко, шерсть и кожа равны, тот свободен. Кто видит мир возникшим из пяти элементов и, увидев это, живёт соответственно, тот свободен в этом мире. Для кого счастье и горе, приобретение и потеря, победа и поражение, желание и ненависть, страх и тревога равны, тот свободен во всех отношениях. Увидев, что это тело — скопление крови, мочи, кала и множества изъянов, человек освобождается. Кто видит морщины, седину, худобу, изменение цвета и сгорбленность от старости, тот освобождается. Кто видит, как время поражает мужскую силу, прекращает зрение, приносит глухоту и слабость дыхания, тот освобождается».
87e1b18213de · published Jun 21, 2026, 6:29:33 AM UTC
Available inRUPage between verses with
Ариштaнеми учит не отвращению к миру ради горечи, а освобождающему реализму. Равное видение рождается, когда роскошь, бедность, тело и старость видятся такими, каковы они есть.