भीष्म उवाच
एतस्मिन्न् अन्तरे शून्ये नारदः समुपागमत् ॥
शुकं स्वाध्यायनिरतं वेदार्थान् वक्तुम् ईप्सितान् ॥
देवर्षिं तु शुको दृष्ट्वा नारदं समुपस्थितम् ॥
अर्घ्यपूर्वेण विधिना वेदोक्तेनाभ्यपूजयत् ॥
नारदो ऽथाब्रवीत् प्रीतो ब्रूहि ब्रह्मविदां वर ॥
केन त्वां श्रेयसा तात योजयामीति हृष्टवत् ॥
नारदस्य वचः श्रुत्वा शुकः प्रोवाच भारत ॥
अस्मिंल् लोके हितं यत् स्यात् तेन मां योक्तुम् अर्हसि ॥
नारद उवाच
तत्त्वं जिज्ञासतां पूर्वम् ऋषीणां भावितात्मनाम् ॥
सनत्कुमारो भगवान् इदं वचनम् अब्रवीत् ॥
नास्ति विद्यासमं चक्षुर् नास्ति विद्यासमं तपः ॥
नास्ति रागसमं दुःखं नास्ति त्यागसमं सुखम् ॥
निवृत्तिः कर्मणः पापात् सततं पुण्यशीलता ॥
सद्वृत्तिः समुदाचारः श्रेय एतद् अनुत्तमम् ॥
मानुष्यम् असुखं प्राप्य यः सज्जति स मुह्यति ॥
नालं स दुःखमोक्षाय सङ्गो वै दुःखलक्षणम् ॥
सक्तस्य बुद्धिश् चलति मोहजालविवर्धिनी ॥
मोहजालावृतो दुःखम् इह चामुत्र चाश्नुते ॥
सर्वोपायेन कामस्य क्रोधस्य च विनिग्रहः ॥
कार्यः श्रेयोर्थिना तौ हि श्रेयोघातार्थम् उद्यतौ ॥
नित्यं क्रोधात् तपो रक्षेच् छ्रियं रक्षेत मत्सरात् ॥
विद्यां मानावमानाभ्याम् आत्मानं तु प्रमादतः ॥
आनृशंस्यं परो धर्मः क्षमा च परमं बलम् ॥
आत्मज्ञानं परं ज्ञानं न सत्याद् विद्यते परम् ॥
bhīṣma uvāca
etasminn antare śūnye nāradaḥ samupāgamat ||
śukaṃ svādhyāyanirataṃ vedārthān vaktum īpsitān ||
devarṣiṃ tu śuko dṛṣṭvā nāradaṃ samupasthitam ||
arghyapūrveṇa vidhinā vedoktenābhyapūjayat ||
nārado 'thābravīt prīto brūhi brahmavidāṃ vara ||
kena tvāṃ śreyasā tāta yojayāmīti hṛṣṭavat ||
nāradasya vacaḥ śrutvā śukaḥ provāca bhārata ||
asmiṃl loke hitaṃ yat syāt tena māṃ yoktum arhasi ||
nārada uvāca
tattvaṃ jijñāsatāṃ pūrvam ṛṣīṇāṃ bhāvitātmanām ||
sanatkumāro bhagavān idaṃ vacanam abravīt ||
nāsti vidyāsamaṃ cakṣur nāsti vidyāsamaṃ tapaḥ ||
nāsti rāgasamaṃ duḥkhaṃ nāsti tyāgasamaṃ sukham ||
nivṛttiḥ karmaṇaḥ pāpāt satataṃ puṇyaśīlatā ||
sadvṛttiḥ samudācāraḥ śreya etad anuttamam ||
mānuṣyam asukhaṃ prāpya yaḥ sajjati sa muhyati ||
nālaṃ sa duḥkhamokṣāya saṅgo vai duḥkhalakṣaṇam ||
saktasya buddhiś calati mohajālavivardhinī ||
mohajālāvṛto duḥkham iha cāmutra cāśnute ||
sarvopāyena kāmasya krodhasya ca vinigrahaḥ ||
kāryaḥ śreyorthinā tau hi śreyoghātārtham udyatau ||
nityaṃ krodhāt tapo rakṣec chriyaṃ rakṣeta matsarāt ||
vidyāṃ mānāvamānābhyām ātmānaṃ tu pramādataḥ ||
ānṛśaṃsyaṃ paro dharmaḥ kṣamā ca paramaṃ balam ||
ātmajñānaṃ paraṃ jñānaṃ na satyād vidyate param ||
Бхишма сказал: В это время, когда вокруг было пусто, пришёл Нарада, желая изложить Шуке смыслы Вед. Шука, занятый священным повторением, увидел божественного риши и почтил его ведическим обрядом, начиная с аргхьи. Довольный Нарада сказал: «Говори, лучший среди знатоков брахмана: каким благом мне соединить тебя, сынок?» Услышав его, Шука ответил: «Соедини меня с тем, что является благом в этом мире». Нарада сказал: «Некогда Бхагаван Санаткумара сказал это риши, желавшим узнать истину и очистившим себя: нет глаза, равного знанию, нет тапаса, равного знанию; нет страдания, равного привязанности, и нет счастья, равного отречению. Отказ от греховного действия, постоянная добродетельность, хорошее поведение и правильный обиход — это непревзойдённое благо. Получив человеческое рождение, полное страдания, тот, кто привязывается, впадает в заблуждение; он не способен освободиться от страдания, ибо привязанность сама несёт признак страдания. У привязанного колеблется разум, увеличивая сеть заблуждения; окутанный этой сетью, он страдает и здесь, и после. Ищущий блага должен всеми средствами обуздать желание и гнев, потому что они поднялись, чтобы разрушить благо. Всегда защищай тапас от гнева, благополучие от зависти, знание от почёта и бесчестья, а себя — от небрежности. Милосердие — высшая дхарма, терпение — высшая сила, знание атмана — высшее знание, и нет ничего выше истины».
0263a28e29c2 · published Jun 21, 2026, 7:50:29 AM UTC
Available inRUPage between verses with
Наставление Нарады открывается резким приоритетом: знание и отречение выше внешней силы. Привязанность описана как сеть, а не как нейтральная эмоция; она закрывает путь к освобождению от страдания.