नारद उवाच
प्राणायामयुतां तस्माद्गायत्रीं जप नारद । प्राणायामाः कथं ब्रह्मन्प्रत्येकाक्षरदेवताः
तेषां न्यासं तथांगेषु वद तात यथाक्रमम् । ब्रह्मोवाच गुददेशे त्वपानः स्याद्धृदि प्राणोस्ति देहिनः
तस्माद्गुदं समाकुंच्य प्राणेन सह योजयेत् । पूरकेण तदा पुत्र कृत्वा कुंभकमुत्तमम्
प्राणायामत्रयं कृत्वा गायत्रीं संजपेद्द्विजः । अनेनैव जपेद्यस्तु महापातकसंचयः
सकृदुच्चारितेनैव क्षयं यात्युपपातकम् । प्रतिवर्णस्वरं ज्ञात्वा विन्यस्येद्यः कलेवरे
स जनो ब्रह्मतामेति फलं वक्तुं न शक्नुमः । प्रत्यक्षरस्य यद्दैवं शृणु पुत्र वदाम्यहम्
यज्जप्त्वा च पुनर्मातुस्तनं न पिबति द्विजः । आग्नेयं प्रथमं ज्ञेयं वायव्यं तु द्वितीयकम्
तृतीयं सूर्यदैवत्यं चतुर्थं वैद्युतं तथा । पंचमं यमदैवत्यं वारुणं षष्ठमुच्यते
सप्तमं बार्हस्पत्यं तु पार्जन्यं चाष्टमं विदुः । ऐंद्रं च नवमं ज्ञेयं गांधर्वं दशमं तथा
पौष्णमेकादशं विद्धि मैत्रं द्वादशकं स्मृतम् । त्वाष्ट्रं त्रयोदशं ज्ञेयं वासवं तु चतुर्दशम्
मारुतं पंचदशकं सौम्यं षोडशकं स्मृतम् । आंगिरसं सप्तदशं वैश्वदेवमतः परम्
आश्विनं चैकोनविंशं प्राजापत्यं तु विंशकम् । सर्वदेवमयं ज्ञेयमेकविंशकमक्षरम्
रौद्रं द्वाविंशकं ज्ञेयं ब्राह्मं ज्ञेयमतः परम् । वैष्णवं तु चतुर्विंशमेता अक्षरदेवताः
जपकाले तु संचिंत्य तासु सायुज्यतां ब्रजेत् । ज्ञात्वा तु देवतास्तस्य वाङ्मयं विदितं भवेत्
सर्वपापविनिर्मुक्तो ब्रह्मणः पदवीं ब्रजेत् । गायत्रीं विन्यसेत्पूर्वं शरीरे चात्मनो बुधः
चतुर्विंशति स्थानेषु आपादमस्तकेषु च । तत्कारं विन्यसेद्योगी पदांगुष्ठे विचक्षणः
सकारं गुल्फदेशे तु विकारं जंघयोर्न्यसेत् । तुकारं जानुमध्ये च वकारं चोरुदेशतः
रेकारं गुह्यदेशे तु णिकारं वृषणे न्यसेत् । यंकारं कटिदेशे तु भकारं नाभिमण्डले
गोकारं जठरे न्यस्य देकारं स्तनयोर्न्यसेत् । वकारं हृदये न्यस्य स्यकारं करदेशतः
धीकारं वदनेन्यस्य मकारं तालुके न्यसेत् । हिकारं नासिकाग्रे च धिकारं चक्षुषोर्न्यसेत्
योकारं तु भ्रुवोर्मध्ये योकारं च ललाटके । नः कारं तु मुखे पूर्वे प्रकारं दक्षिणे मुखः
चोकारं पश्चिमेन्यस्य दकारंचोत्तरेन्यसेत् । यात्कारं मूर्ध्निविन्यस्य सर्वव्यापीव्यवस्थितः
एतान्विन्यस्य धर्मात्मा ब्रह्मविष्णुशिवात्मकः । महायोगी महाज्ञानी परं निर्वाणकं व्रजेत्
prāṇāyāmayutāṃ tasmādgāyatrīṃ japa nārada | prāṇāyāmāḥ kathaṃ brahmanpratyekākṣaradevatāḥ
teṣāṃ nyāsaṃ tathāṃgeṣu vada tāta yathākramam | brahmovāca gudadeśe tvapānaḥ syāddhṛdi prāṇosti dehinaḥ
tasmādgudaṃ samākuṃcya prāṇena saha yojayet | pūrakeṇa tadā putra kṛtvā kuṃbhakamuttamam
prāṇāyāmatrayaṃ kṛtvā gāyatrīṃ saṃjapeddvijaḥ | anenaiva japedyastu mahāpātakasaṃcayaḥ
sakṛduccāritenaiva kṣayaṃ yātyupapātakam | prativarṇasvaraṃ jñātvā vinyasyedyaḥ kalevare
sa jano brahmatāmeti phalaṃ vaktuṃ na śaknumaḥ | pratyakṣarasya yaddaivaṃ śṛṇu putra vadāmyaham
yajjaptvā ca punarmātustanaṃ na pibati dvijaḥ | āgneyaṃ prathamaṃ jñeyaṃ vāyavyaṃ tu dvitīyakam
tṛtīyaṃ sūryadaivatyaṃ caturthaṃ vaidyutaṃ tathā | paṃcamaṃ yamadaivatyaṃ vāruṇaṃ ṣaṣṭhamucyate
saptamaṃ bārhaspatyaṃ tu pārjanyaṃ cāṣṭamaṃ viduḥ | aiṃdraṃ ca navamaṃ jñeyaṃ gāṃdharvaṃ daśamaṃ tathā
pauṣṇamekādaśaṃ viddhi maitraṃ dvādaśakaṃ smṛtam | tvāṣṭraṃ trayodaśaṃ jñeyaṃ vāsavaṃ tu caturdaśam
mārutaṃ paṃcadaśakaṃ saumyaṃ ṣoḍaśakaṃ smṛtam | āṃgirasaṃ saptadaśaṃ vaiśvadevamataḥ param
āśvinaṃ caikonaviṃśaṃ prājāpatyaṃ tu viṃśakam | sarvadevamayaṃ jñeyamekaviṃśakamakṣaram
raudraṃ dvāviṃśakaṃ jñeyaṃ brāhmaṃ jñeyamataḥ param | vaiṣṇavaṃ tu caturviṃśametā akṣaradevatāḥ
japakāle tu saṃciṃtya tāsu sāyujyatāṃ brajet | jñātvā tu devatāstasya vāṅmayaṃ viditaṃ bhavet
sarvapāpavinirmukto brahmaṇaḥ padavīṃ brajet | gāyatrīṃ vinyasetpūrvaṃ śarīre cātmano budhaḥ
caturviṃśati sthāneṣu āpādamastakeṣu ca | tatkāraṃ vinyasedyogī padāṃguṣṭhe vicakṣaṇaḥ
sakāraṃ gulphadeśe tu vikāraṃ jaṃghayornyaset | tukāraṃ jānumadhye ca vakāraṃ corudeśataḥ
rekāraṃ guhyadeśe tu ṇikāraṃ vṛṣaṇe nyaset | yaṃkāraṃ kaṭideśe tu bhakāraṃ nābhimaṇḍale
gokāraṃ jaṭhare nyasya dekāraṃ stanayornyaset | vakāraṃ hṛdaye nyasya syakāraṃ karadeśataḥ
dhīkāraṃ vadanenyasya makāraṃ tāluke nyaset | hikāraṃ nāsikāgre ca dhikāraṃ cakṣuṣornyaset
yokāraṃ tu bhruvormadhye yokāraṃ ca lalāṭake | naḥ kāraṃ tu mukhe pūrve prakāraṃ dakṣiṇe mukhaḥ
cokāraṃ paścimenyasya dakāraṃcottarenyaset | yātkāraṃ mūrdhnivinyasya sarvavyāpīvyavasthitaḥ
etānvinyasya dharmātmā brahmaviṣṇuśivātmakaḥ | mahāyogī mahājñānī paraṃ nirvāṇakaṃ vrajet
«Потому шепчи, о Нарада, гаятри, соединённую с пранаямой». — «Как творятся пранаямы, о Брахма, и каковы божества каждого слога? Скажи, отец, по порядку и расстановку их по членам».
Брахма сказал: «У воплощённого апана бывает в области заднего прохода, а прана — в сердце. Потому, сжав задний проход, пусть соединит его с праной; и тогда, совершив пуракой наилучшую кумбхаку, сын, — совершив три пранаямы, пусть шепчет дваждырождённый гаятри. Кто шепчет ею, у того груда великих грехов; и одним произнесением приходит гибель малому греху. А кто, познав каждый звук и слог, расставит их по телу, — тот человек обретает состояние Брахмана: плода мы высказать не можем.
Слушай, я скажу, какое божество у каждого слога — прошептав их, дваждырождённый уже не сосёт снова материнской груди. Первый — огненный, второй — ветровой, третий с божеством Сурьей, четвёртый — молниевый, пятый с божеством Ямой, шестой зовётся Варуновым, седьмой — Брихаспатиев, восьмым знают Парджаньев, девятым — Индров, десятым — гандхарвов, одиннадцатым знай Пушанов, двенадцатым назван Митров, тринадцатым — Тваштаров, четырнадцатым — Васавов, пятнадцатым — Марутов, шестнадцатым — Сомов, семнадцатым — Ангирасов, затем — Вишведевов, девятнадцатый — Ашвинов, двадцатый — Праджапатиев, двадцать первый слог состоит из всех богов, двадцать вторым знай Рудров, затем — Брахмов, а двадцать четвёртый — Вишнуев: таковы божества слогов.
Созерцая их во время джапы, обретёт он в них единение; познав же божества, станет ему познанным всё словесное, и, свободный от всех грехов, обретёт он стезю Брахмы.
Мудрый пусть сперва расставит гаятри по собственному телу — в двадцати четырёх местах, от стоп до макушки. Слог „тат“ искусный йогин пусть расставит на большом пальце ноги, „са“ — в области лодыжек, „ви“ положит на голенях, „ту“ — посреди колен, „ва“ — на бёдрах, „ре“ — в тайном месте, „ни“ — на мошонке, „ям“ — на пояснице, „бха“ — в круге пупа, „го“ — на чреве, „де“ — на груди, „ва“ — в сердце, „сья“ — на руках, „дхи“ — на устах, „ма“ — на нёбе, „хи“ — на кончике носа, „дхи“ — на глазах, „йо“ — между бровями и „йо“ — на лбу, „нах“ — на восточном лице, „пра“ — на южном, „чо“ — на западном, „да“ — на северном, а „ят“ — на темени, утвердившись как всепроникающий.
Расставив их, праведный, состоящий из Брахмы, Вишну и Шивы, великий йогин и великий знающий, обретёт высшую нирвану».
9ca0f0c4d58f · published Sep 3, 2026, 4:13:29 AM UTC
Available inRUPage between verses with
Пранаяма объяснена телесно, без иносказаний: где сидит апана, где прана, что сжать и с чем соединить. Наставление рассчитано на того, кто будет делать, а не рассуждать.
Двадцать четыре слога получают двадцать четыре божества и двадцать четыре места на теле. Мантра перестаёт быть словом и становится картой: у произносящего она разложена от большого пальца ноги до темени.
И обещание сказано короче всего: прошептавший больше не сосёт материнской груди. Не рай и не власть — просто конец рождениям, названный домашним образом.