तच्चित्रं वीक्ष्य लोकास्ते प्रशंसन्तो महोदयम् । गङ्गासागरसंयोगे स्नात्वागुस्तं पुरं प्रति
अहोभाग्यं भूमिपते रत्नग्रीवस्य सन्मतेः । जगामानेन देहेन तद्विष्णोः परमं पदम्
राजन्नसौ नीलगिरिः पुरुषोत्तमसत्कृतः । यं वीक्ष्यैव व्रजन्त्यद्धा वैकुण्ठं परमायनम्
एतन्नीलस्य माहात्म्यं यः शृणोति स भाग्यवान् । यः श्रावयति लोकान्वै तौ गच्छेतां परं पदम्
एतच्छ्रुत्वा तु दुःस्वप्नो नश्यति स्मृतिमात्रतः । प्रान्ते संसारनिस्तारं ददाति पुरुषोत्तमः
योऽसौ नीलाधिवासी च स रामः पुरुषोत्तमः । सीता साक्षान्महालक्ष्मीः सर्वकारणकारणम्
हयमेधं चरित्वा स लोकान्वै पावयिष्यति । यन्नाम ब्रह्महत्यायाः प्रायश्चित्ते प्रदिश्यते
इदानीं त्वद्धयः प्राप्तो नीले पर्वतसत्तमे । पुरुषोत्तमदेवं त्वं नमस्कुरु महामते
तत्र निष्पापिनो भूत्वा यास्यामः परमं पदम् । यस्य प्रसादाद्बहवो निस्तीर्णा भवसागरात्
एवं प्रवदतस्तस्य प्राप्तोऽश्वो नीलपर्वतम् । वायुवेगेन पृथिवीं कुर्वन्संक्षुण्णमण्डलाम्
तदा राजापि तत्पृष्ठचारी नीलाभिधं गिरिम् । प्राप्तो गङ्गाब्धिसंयोगे स्नात्वागात्पुरुषोत्तमम्
स्तुत्वा नत्वा च देवेशं सुरासुरनमस्कृतम् । जातं कृतार्थमात्मानममन्यत स शत्रुहा
taccitraṃ vīkṣya lokāste praśaṃsanto mahodayam | gaṅgāsāgarasaṃyoge snātvāgustaṃ puraṃ prati
ahobhāgyaṃ bhūmipate ratnagrīvasya sanmateḥ | jagāmānena dehena tadviṣṇoḥ paramaṃ padam
rājannasau nīlagiriḥ puruṣottamasatkṛtaḥ | yaṃ vīkṣyaiva vrajantyaddhā vaikuṇṭhaṃ paramāyanam
etannīlasya māhātmyaṃ yaḥ śṛṇoti sa bhāgyavān | yaḥ śrāvayati lokānvai tau gacchetāṃ paraṃ padam
etacchrutvā tu duḥsvapno naśyati smṛtimātrataḥ | prānte saṃsāranistāraṃ dadāti puruṣottamaḥ
yo'sau nīlādhivāsī ca sa rāmaḥ puruṣottamaḥ | sītā sākṣānmahālakṣmīḥ sarvakāraṇakāraṇam
hayamedhaṃ caritvā sa lokānvai pāvayiṣyati | yannāma brahmahatyāyāḥ prāyaścitte pradiśyate
idānīṃ tvaddhayaḥ prāpto nīle parvatasattame | puruṣottamadevaṃ tvaṃ namaskuru mahāmate
tatra niṣpāpino bhūtvā yāsyāmaḥ paramaṃ padam | yasya prasādādbahavo nistīrṇā bhavasāgarāt
evaṃ pravadatastasya prāpto'śvo nīlaparvatam | vāyuvegena pṛthivīṃ kurvansaṃkṣuṇṇamaṇḍalām
tadā rājāpi tatpṛṣṭhacārī nīlābhidhaṃ girim | prāpto gaṅgābdhisaṃyoge snātvāgātpuruṣottamam
stutvā natvā ca deveśaṃ surāsuranamaskṛtam | jātaṃ kṛtārthamātmānamamanyata sa śatruhā
«Увидев то диво, те люди, восхваляя великое возвышение, омылись у слияния Ганги с океаном и пошли в тот город: „О, счастье владыки земли, благомысленного Ратнагривы! В этом самом теле ушёл он в ту высшую обитель Вишну“. — „О царь, эта гора Нила почтена Пурушоттамой; лишь увидев её, воистину идут на Вайкунтху, высшее прибежище. Кто слушает это величие Нилы — тот счастлив; а кто даёт слушать людям — да пойдут оба в высшую обитель. Услышав это, дурной сон гибнет от одного памятования, а в конце Пурушоттама даёт избавление от круговорота. И тот, кто обитает на Ниле, — он и есть Рама, Пурушоттама; а Сита — воистину Махалакшми, причина всех причин. Совершив жертву коня, он очистит миры — тот, чьё имя предписывается в искуплении за убийство брахмана. Ныне твой конь пришёл на Нилу, лучшую из гор; поклонись же богу Пурушоттаме, о мудрый. Став там безгрешными, пойдём мы в высшую обитель — [обитель того], чьею милостью многие переправлены через океан бытия“. Пока он так говорил, конь достиг горы Нилы, с быстротою ветра делая землю с истоптанным кругом. Тогда и царь, идущий следом за ним, достиг горы по имени Нила; омывшись у слияния Ганги с океаном, пошёл он к Пурушоттаме. Восхвалив и поклонившись владыке богов, чтимому богами и асурами, тот губитель врагов счёл себя ставшим достигшим цели.»
f427ec2f5682 · published Sep 3, 2026, 4:13:45 AM UTC
Available inRUPage between verses with
Рассказ смыкается с настоящим: тот, кто обитает на Ниле, — это и есть Рама, за чьим конём идёт войско, а Сита — Махалакшми. Сказано и то, ради чего вся жертва: имя его назначено искуплением за убийство брахмана. Шатругхна, слушавший историю, теперь стоит на той самой горе.