अथ एवं दिनं नीत्वा हरिस्मरणकीर्तनैः । रात्रौ सुष्वाप गङ्गाया रोधस्युरुफलप्रदे
ददर्श स्वप्नमध्ये तु स स्वात्मानं चतुर्भुजम् । शङ्खचक्रगदापद्मशार्ङ्गकोदण्डधारिणम्
नृत्यन्तं पुरुषोत्तमस्य पुरतः शर्वादिदेवैः सह श्रीमद्भिः स्वतनूयुतैररिगदाम्बूत्थाब्जहेत्यादिभिः । विष्वक्सेनवरैर्गणैः सुतनुभिः श्रीशं सदोपासितं दृष्ट्वा विस्मयमाप लोकविषयं हर्षं तथात्यद्भुतम्
ददतं मनसोऽभीष्टं पुरुषोत्तमसंज्ञितम् । आत्मानं च कृपापात्रममन्यत महामतिः
इत्येवं स्वप्नविषये ददर्श नृपसत्तमः । प्रातः प्रबुद्धो विप्राय जगाद स्वप्नमीक्षितम्
तच्छ्रुत्वा वाडवो धीमान्कथयामास विस्मितः । राजंस्त्वयासौ दृष्टो यः पुरुषोत्तमसंज्ञितः
दास्यते शङ्खचक्रादिचिह्नितां स्वतनुं हरिः । इति श्रुत्वा तु तद्वाक्यं रत्नग्रीवो महामनाः
दापयामास दानानि दीनानां मानसोचितम् । स्नात्वा गङ्गाब्धिसंयोगे तर्पयित्वा पितॄन्सुरान्
गायन्हरिगुणग्रामं प्रत्यैक्षत च दर्शनम् । ततो मध्याह्नसमये दिवि दुन्दुभयो मुहुः
नेदुः सुरकराघातबहुशब्दसुशब्दिताः । अकस्मात्पुष्पवृष्टिश्च बभूव नृपमस्तके
धन्योऽसि नृपवर्य त्वं नीलं पश्याक्षिगोचरम् । शृणोतीति यदा वाक्यं नृपो देवप्रणोदितम्
तदा स सूर्यकोटीनामधिककान्तिधरोऽद्भुतः । राज्ञोऽक्षिगोचरो जातो नीलनामा महागिरिः
राजतैः कानकैः शृङ्गैः समन्तात्परिराजितः । किमग्निः प्रज्वलत्येष द्वितीयः किमु भास्करः
atha evaṃ dinaṃ nītvā harismaraṇakīrtanaiḥ | rātrau suṣvāpa gaṅgāyā rodhasyuruphalaprade
dadarśa svapnamadhye tu sa svātmānaṃ caturbhujam | śaṅkhacakragadāpadmaśārṅgakodaṇḍadhāriṇam
nṛtyantaṃ puruṣottamasya purataḥ śarvādidevaiḥ saha śrīmadbhiḥ svatanūyutairarigadāmbūtthābjahetyādibhiḥ | viṣvaksenavarairgaṇaiḥ sutanubhiḥ śrīśaṃ sadopāsitaṃ dṛṣṭvā vismayamāpa lokaviṣayaṃ harṣaṃ tathātyadbhutam
dadataṃ manaso'bhīṣṭaṃ puruṣottamasaṃjñitam | ātmānaṃ ca kṛpāpātramamanyata mahāmatiḥ
ityevaṃ svapnaviṣaye dadarśa nṛpasattamaḥ | prātaḥ prabuddho viprāya jagāda svapnamīkṣitam
tacchrutvā vāḍavo dhīmānkathayāmāsa vismitaḥ | rājaṃstvayāsau dṛṣṭo yaḥ puruṣottamasaṃjñitaḥ
dāsyate śaṅkhacakrādicihnitāṃ svatanuṃ hariḥ | iti śrutvā tu tadvākyaṃ ratnagrīvo mahāmanāḥ
dāpayāmāsa dānāni dīnānāṃ mānasocitam | snātvā gaṅgābdhisaṃyoge tarpayitvā pitṝnsurān
gāyanhariguṇagrāmaṃ pratyaikṣata ca darśanam | tato madhyāhnasamaye divi dundubhayo muhuḥ
neduḥ surakarāghātabahuśabdasuśabditāḥ | akasmātpuṣpavṛṣṭiśca babhūva nṛpamastake
dhanyo'si nṛpavarya tvaṃ nīlaṃ paśyākṣigocaram | śṛṇotīti yadā vākyaṃ nṛpo devapraṇoditam
tadā sa sūryakoṭīnāmadhikakāntidharo'dbhutaḥ | rājño'kṣigocaro jāto nīlanāmā mahāgiriḥ
rājataiḥ kānakaiḥ śṛṅgaiḥ samantātparirājitaḥ | kimagniḥ prajvalatyeṣa dvitīyaḥ kimu bhāskaraḥ
«Затем, проведя так день памятованием и воспеванием Хари, ночью уснул он на берегу Ганги, дарующем обильный плод. И увидел он во сне себя самого четырёхруким, держащим раковину, диск, палицу, лотос и лук Шарнгу, — пляшущим перед Пурушоттамой вместе с Шарвой и прочими преславными богами; [увидел] владыку Шри, всегда почитаемого воплощёнными диском, палицей, раковиной, лотосом и прочим оружием, Вишваксеной и лучшими прекраснотелыми сонмами. Увидев [это], он обрёл изумление, радость, ведомую миру, и весьма дивную [радость] — [увидев] того, кто даёт желанное уму, называемого Пурушоттамой; и весьма разумный счёл себя сосудом милости. Так вот увидел лучший из царей в сновидении; утром, пробудившись, он поведал випре увиденный сон. Услышав то, мудрый брахман сказал изумлённый: „О царь, тобою увиден тот, кто называется Пурушоттамой; Хари дарует [тебе] своё тело, отмеченное раковиной, диском и прочим“. Услышав то слово, великий духом Ратнагрива велел раздать дары убогим, подобающие сердцу; омывшись у слияния Ганги с океаном, ублаготворив предков и богов, воспевая собрание достоинств Хари, он ожидал лицезрения. Затем в полуденный час в небе снова и снова загремели литавры, звучащие многими звуками от ударов рук богов, и внезапно на голову царя пролился дождь цветов. „Блажен ты, о лучший из царей! Смотри — Нила зрима“. Когда царь услышал это слово, изречённое богом, тогда стала зримой ему дивная великая гора по имени Нила, с сиянием бо́льшим, чем у мириадов солнц, сияющая со всех сторон серебряными и золотыми вершинами: „Огонь ли этот пылает? Или второе солнце?“»
7a45ed66ea46 · published Sep 3, 2026, 4:13:45 AM UTC
Available inRUPage between verses with
Сон приходит раньше исполнения и показывает не награду, а служение: царь видит себя не восседающим, а пляшущим перед Пурушоттамой. Проснувшись, он не садится ждать чуда — раздаёт дары и совершает обычное. И гора является в полдень, ровно так, как было обещано, — но первое, что вырывается у видящего, это вопрос: не пожар ли?