देवदास उवाच
अङ्गदस्तु महाबुद्धिर्गृहभारं बभार ह । पितृवत्सर्वशास्त्रज्ञो यौवनश्रीविभूषितः
एकदा स तु विप्रेन्द्रः पुत्रं तं गृहकर्मणि । क्षमं विज्ञाय राजेन्द्र निजभार्यामुवाच ह
समाकर्णय मे साध्वि कालेऽस्मिन्नुचितं वचः । ततो यदुचितं भद्रे तदह्नाय विधीयताम्
एषा जरा समायाता शरीरं पातयिष्यति । अङ्गान्याकम्पयन्तीव वात्या पक्वफलं यथा
अक्ष्णामपि द्युतिं मन्दां नूनमेषा करिष्यति । नक्षत्राणां सचन्द्राणां प्रातर्वेलेव सुव्रते
स्खलतोः पादयोर्मन्दां गतिं प्रतिपदक्रमम् । करिष्यति जरा ह्येषा यथा निगडशृङ्खला
तस्मादेषा जरा यावन्न प्रौढा जायते शुभे । आत्मनस्तावदावाभ्यां करणीयं हितं द्रुतम्
गृहपुत्रसुहृद्भ्रातृपितरो हि विनश्वराः । द्रव्यादिकं च सुभगे तेषु सज्जेत नो बुधः
अतोऽहं सर्वतीर्थेषु पर्यटन्विजितेन्द्रियः । वानप्रस्थेन विधिना वीक्षिष्ये हरिमीश्वरम्
ततः संन्यासमादाय क्वचित्तीर्थोत्तमे शुभे । प्रारब्धकर्मणामन्ते त्यक्ष्यामि स्वं कलेवरम्
एवं चेत्प्राणमुक्तः स्यान्मुक्तिः स्यान्नात्र संशयः । मम श्रीपतिपादाब्जसम्यगवस्थापितचेतसः
संसारे माधवं मुक्त्वा नान्यदस्ति परायणम्
aṅgadastu mahābuddhirgṛhabhāraṃ babhāra ha | pitṛvatsarvaśāstrajño yauvanaśrīvibhūṣitaḥ
ekadā sa tu viprendraḥ putraṃ taṃ gṛhakarmaṇi | kṣamaṃ vijñāya rājendra nijabhāryāmuvāca ha
samākarṇaya me sādhvi kāle'sminnucitaṃ vacaḥ | tato yaducitaṃ bhadre tadahnāya vidhīyatām
eṣā jarā samāyātā śarīraṃ pātayiṣyati | aṅgānyākampayantīva vātyā pakvaphalaṃ yathā
akṣṇāmapi dyutiṃ mandāṃ nūnameṣā kariṣyati | nakṣatrāṇāṃ sacandrāṇāṃ prātarveleva suvrate
skhalatoḥ pādayormandāṃ gatiṃ pratipadakramam | kariṣyati jarā hyeṣā yathā nigaḍaśṛṅkhalā
tasmādeṣā jarā yāvanna prauḍhā jāyate śubhe | ātmanastāvadāvābhyāṃ karaṇīyaṃ hitaṃ drutam
gṛhaputrasuhṛdbhrātṛpitaro hi vinaśvarāḥ | dravyādikaṃ ca subhage teṣu sajjeta no budhaḥ
ato'haṃ sarvatīrtheṣu paryaṭanvijitendriyaḥ | vānaprasthena vidhinā vīkṣiṣye harimīśvaram
tataḥ saṃnyāsamādāya kvacittīrthottame śubhe | prārabdhakarmaṇāmante tyakṣyāmi svaṃ kalevaram
evaṃ cetprāṇamuktaḥ syānmuktiḥ syānnātra saṃśayaḥ | mama śrīpatipādābjasamyagavasthāpitacetasaḥ
saṃsāre mādhavaṃ muktvā nānyadasti parāyaṇam
«А весьма разумный Ангада понёс бремя дома, как отец: знающий все шастры, украшенный красою юности. Однажды тот владыка брахманов, признав сына способным к домашнему делу, сказал своей жене, о владыка царей: «Выслушай, о верная, моё слово, уместное в это время; и затем, о благая, немедля да будет сделано, что уместно. Пришла эта старость и повалит тело, сотрясая члены, точно вихрь — спелый плод. И блеск очей она непременно сделает тусклым — как утренняя пора у звёзд вместе с луною, о твёрдая в обете. Походку спотыкающихся стоп эта старость с каждым шагом сделает медленной, точно оковы и цепь. Потому, пока она не стала зрелой, о благая, нам двоим надлежит скоро сделать благо для себя. Ведь дом, сын, друзья, братья и родители преходящи, и имущество тоже, о счастливая; да не привяжется к ним мудрый. Потому я, обуздав чувства и странствуя по всем тиртхам по правилу ванапрастхи, узрю владыку Хари. Затем, приняв санньясу в какой-нибудь благой и лучшей из тиртх, в конце начатых деяний оставлю своё тело. Если так расстанусь с жизнью, будет освобождение — нет в том сомнения — мне, чьё сердце твёрдо утверждено на лотосных стопах владыки Шри. В круговороте нет иного прибежища, кроме Мадхавы».
31773f5e7240 · published Sep 3, 2026, 4:14:05 AM UTC
Available inRUPage between verses with
Он не бранит дом и не объявляет его злом: дом хорош, но преходящ. Три образа старости — вихрь над спелым плодом, рассвет над звёздами, цепь на ногах — говорят одно: время уйти есть, но оно кончается.