जपैः स्तोत्रैर्नमस्कारैः पूजयेन्निशि भक्तितः । ततः प्रभातसमये तुलसीमिश्रितैर्जलैः
स्नात्वा सम्यग्विधानेन सन्तर्प्य पितृदेवताः । पूजयेज्जगतामीशं लक्ष्म्या सह जनार्दनम्
कोमलैस्तुलसीपत्रैः पुष्पैश्चैव सुगन्धिभिः । दीपान्नीराजयेत्तत्र वारमष्टोत्तरं शतम्
शतपत्रकृतां मालां ताभ्यां सम्यङ्निवेदयेत् । धूपं दीपं च नैवेद्यं ताम्बूलं च समर्पयेत्
शर्करासहितं दिव्यं पायसान्नं समर्पयेत् । कर्पूरेण च संयुक्तं ताम्बूलं च निवेदयेत्
प्रदक्षिणनमस्कारं कृत्वा भक्त्या समन्वितः । आज्यं च जुहुयाद्वह्नौ शतमष्टोत्तरं तथा
प्रत्यृचं पुरुषसूक्तेन लक्ष्मीसूक्तेन पायसम् । ब्राह्मणान्भोजयेद्भक्त्या स्वयं भुञ्जीत वाग्यतः
पुराणादिप्रपाठेन क्षपयेत्तद्दिनं महत् । क्षितिशायी ब्रह्मचारी तस्यामेव निशि स्वपेत्
एवं सम्पूज्यमानः स द्वादश्यां कमलापतिः । क्षणात्प्रसन्नो भगवान्सर्वाभीष्टप्रदो ध्रुवम्
इत्येतत्कथितं देवि द्वादशीव्रतमुत्तमम् । किमन्यच्छ्रोतुकामासि तद्वक्तव्यं ब्रवीम्यहम्
japaiḥ stotrairnamaskāraiḥ pūjayenniśi bhaktitaḥ | tataḥ prabhātasamaye tulasīmiśritairjalaiḥ
snātvā samyagvidhānena santarpya pitṛdevatāḥ | pūjayejjagatāmīśaṃ lakṣmyā saha janārdanam
komalaistulasīpatraiḥ puṣpaiścaiva sugandhibhiḥ | dīpānnīrājayettatra vāramaṣṭottaraṃ śatam
śatapatrakṛtāṃ mālāṃ tābhyāṃ samyaṅnivedayet | dhūpaṃ dīpaṃ ca naivedyaṃ tāmbūlaṃ ca samarpayet
śarkarāsahitaṃ divyaṃ pāyasānnaṃ samarpayet | karpūreṇa ca saṃyuktaṃ tāmbūlaṃ ca nivedayet
pradakṣiṇanamaskāraṃ kṛtvā bhaktyā samanvitaḥ | ājyaṃ ca juhuyādvahnau śatamaṣṭottaraṃ tathā
pratyṛcaṃ puruṣasūktena lakṣmīsūktena pāyasam | brāhmaṇānbhojayedbhaktyā svayaṃ bhuñjīta vāgyataḥ
purāṇādiprapāṭhena kṣapayettaddinaṃ mahat | kṣitiśāyī brahmacārī tasyāmeva niśi svapet
evaṃ sampūjyamānaḥ sa dvādaśyāṃ kamalāpatiḥ | kṣaṇātprasanno bhagavānsarvābhīṣṭaprado dhruvam
ityetatkathitaṃ devi dvādaśīvratamuttamam | kimanyacchrotukāmāsi tadvaktavyaṃ bravīmyaham
Джапой, гимнами и поклонами да почитает он Его ночью с преданностью. Затем на рассвете, омывшись по должному правилу водами, смешанными с туласи, и насытив предков и божества, да почитает он владыку миров Джанардану вместе с Лакшми. Нежными листьями туласи и благоуханными цветами; и там да совершает арати светильниками сто восемь раз. Венок, сделанный из ста лепестков, да поднесёт он Им двоим как должно; и да поднесёт курение, светильник, подношение пищи и бетель. Да поднесёт дивную сладкую кашу с сахаром и бетель, соединённый с камфорою. Совершив обход посолонь и поклон, исполненный преданности, да возливает он в огонь топлёное масло сто восемь раз. На каждый рич Пуруша-сукты и Лакшми-сукты — сладкую кашу. Да накормит он брахманов с преданностью, а сам да вкушает, обуздав речь. Чтением пуран и прочего да проводит он тот великий день; и в ту же ночь да спит на земле, воздержный. Так почитаемый в двадаши, владыка Камалы, Господь, мгновенно становится доволен и непременно даёт всё желанное. Вот поведан тебе, о богиня, превосходный обет двадаши; что иное желаешь ты слушать? То и скажу».
ba455178e036 · published Sep 3, 2026, 4:14:06 AM UTC
Available inRUPage between verses with
День кончается не разговением, а чтением и ночлегом на земле: обет продолжается и после того, как поел. Внешняя часть сделана, а внутренняя не отпущена.