नूनं काञ्चनपृष्ठस्य विकृष्टस्य मया रणे । द्रष्टुम् इच्छन्ति चापस्य रूपं विद्युद्गणोपमम् ॥
घोरं ज्यातलनिर्घोषं क्रुद्धस्य मम संयुगे । निर्घोषम् इव वज्रस्य पुनः संश्रोतुम् इच्छति ॥
कामम् एवं गते ऽप्य् अस्य परिज्ञाते पराक्रमे । त्वत्सहायस्य मे वीर न चिन्ता स्यान् नृपात्मज ॥
यदर्थम् अयम् आरम्भः कृतः परपुरंजय । समयं नाभिजानाति कृतार्थः प्लवगेश्वरः ॥
वर्षासमयकालं तु प्रतिज्ञाय हरीश्वरः । व्यतीतांश् चतुरो मासान् विहरन् नावबुध्यते ॥
सामात्यपरिषत् क्रीडन् पानम् एवोपसेवते । शोकदीनेषु नास्मासु सुग्रीवः कुरुते दयाम् ॥
उच्यतां गच्छ सुग्रीवस् त्वया वत्स महाबल । मम रोषस्य यद्रूपं ब्रूयाश् चैनम् इदं वचः ॥
न च संकुचितः पन्था येन वाली हतो गतः । समये तिष्ठ सुग्रीवमा वालिपथम् अन्वगाः ॥
एक एव रणे वाली शरेण निहतो मया । त्वां तु सत्याद् अतिक्रान्तं हनिष्यामि सबान्धवम् ॥
तद् एवं विहिते कार्ये यद् धितं पुरुषर्षभ । तत् तद् ब्रूहि नरश्रेष्ठ त्वर कालव्यतिक्रमः ॥
कुरुष्व सत्यं मयि वानरेश्वर; प्रतिश्रुतं धर्मम् अवेक्ष्य शाश्वतम् । मा वालिनं प्रेत्य गतो यमक्षयं; त्वम् अद्य पश्येर् मम चोदितैः शरैः ॥
nūnaṃ kāñcanapṛṣṭhasya vikṛṣṭasya mayā raṇe | draṣṭum icchanti cāpasya rūpaṃ vidyudgaṇopamam ||
ghoraṃ jyātalanirghoṣaṃ kruddhasya mama saṃyuge | nirghoṣam iva vajrasya punaḥ saṃśrotum icchati ||
kāmam evaṃ gate 'py asya parijñāte parākrame | tvatsahāyasya me vīra na cintā syān nṛpātmaja ||
yadartham ayam ārambhaḥ kṛtaḥ parapuraṃjaya | samayaṃ nābhijānāti kṛtārthaḥ plavageśvaraḥ ||
varṣāsamayakālaṃ tu pratijñāya harīśvaraḥ | vyatītāṃś caturo māsān viharan nāvabudhyate ||
sāmātyapariṣat krīḍan pānam evopasevate | śokadīneṣu nāsmāsu sugrīvaḥ kurute dayām ||
ucyatāṃ gaccha sugrīvas tvayā vatsa mahābala | mama roṣasya yadrūpaṃ brūyāś cainam idaṃ vacaḥ ||
na ca saṃkucitaḥ panthā yena vālī hato gataḥ | samaye tiṣṭha sugrīvamā vālipatham anvagāḥ ||
eka eva raṇe vālī śareṇa nihato mayā | tvāṃ tu satyād atikrāntaṃ haniṣyāmi sabāndhavam ||
tad evaṃ vihite kārye yad dhitaṃ puruṣarṣabha | tat tad brūhi naraśreṣṭha tvara kālavyatikramaḥ ||
kuruṣva satyaṃ mayi vānareśvara; pratiśrutaṃ dharmam avekṣya śāśvatam | mā vālinaṃ pretya gato yamakṣayaṃ; tvam adya paśyer mama coditaiḥ śaraiḥ ||
«Наверное, они хотят увидеть вид моего золотоспинного лука, натянутого в бою, подобный сонму молний. Наверное, он снова хочет услышать страшный звук тетивы и ладони разгневанного меня в битве, грохочущий как громовой удар. Пусть всё так и произошло, пусть его доблесть известна; с тобой в помощниках, о герой, у меня не было бы тревоги. Но владыка обезьян, достигнув своей цели, не признаёт договора, ради которого всё это начинание было совершено. Обещав срок дождей, владыка обезьян развлекается и не замечает, что четыре месяца прошли. Играя с министрами и советом, он предаётся одному питью и не проявляет милости к нам, униженным скорбью. Иди, о дитя, великосильный, и скажи Сугриве, каков образ моего гнева; передай ему эти слова: “Путь, по которому ушёл убитый Вали, не закрыт и не узок. Стой в договоре, о Сугрива, не иди путём Вали. Один Вали был убит мной в бою одной стрелой; тебя же, преступившего истину, я убью вместе с родичами. Поэтому, когда дело так поставлено, скажи всё, что полезно, о бык среди людей, о лучший из людей. Спеши: время уже нарушено. О владыка обезьян, сделай истинным обещанное мне, учитывая вечную дхарму, чтобы сегодня моими пущенными стрелами ты не увидел Вали, ушедшего после смерти в обитель Ямы”».
c4f8e7d00407 · published Jun 22, 2026, 12:00:00 AM UTC
Available inRUPage between verses with
Гнев Рамы направлен не против слабости, а против нарушения истины. Договор, благодарность и данное слово здесь становятся частью дхармы; когда они попраны, милость уступает место строгому напоминанию.