एवम् उक्ता हनुमता तापसी वाक्यम् अब्रवीत् । जीवता दुष्करं मन्ये प्रविष्टेन निवर्तितुम् ॥
तपसस् तु प्रभावेन नियमोपार्जितेन च । सर्वान् एव बिलाद् अस्माद् उद्धरिष्यामि वानरान् ॥
निमीलयत चक्षूंषि सर्वे वानरपुंगवाः । न हि निष्क्रमितुं शक्यम् अनिमीलितलोचनैः ॥
ततः संमीलिताः सर्वे सुकुमाराङ्गुलैः करैः । सहसा पिदधुर् दृष्टिं हृष्टा गमनकाङ्क्षिणः ॥
वानरास् तु महात्मानो हस्तरुद्धमुखास् तदा । निमेषान्तरमात्रेण बिलाद् उत्तारितास् तया ॥
ततस् तान् वानरान् सर्वांस् तापसी धर्मचारिणी । निःसृतान् विषमात् तस्मात् समाश्वास्येदम् अब्रवीत् ॥
एष विन्ध्यो गिरिः श्रीमान् नानाद्रुमलतायुतः । एष प्रसवणः शैलः सागरो ऽयं महोदधिः ॥
स्वस्ति वो ऽस्तु गमिष्यामि भवनं वानरर्षभाः । इत्य् उक्त्वा तद् बिलं श्रीमत् प्रविवेश स्वयंप्रभा ॥
evam uktā hanumatā tāpasī vākyam abravīt | jīvatā duṣkaraṃ manye praviṣṭena nivartitum ||
tapasas tu prabhāvena niyamopārjitena ca | sarvān eva bilād asmād uddhariṣyāmi vānarān ||
nimīlayata cakṣūṃṣi sarve vānarapuṃgavāḥ | na hi niṣkramituṃ śakyam animīlitalocanaiḥ ||
tataḥ saṃmīlitāḥ sarve sukumārāṅgulaiḥ karaiḥ | sahasā pidadhur dṛṣṭiṃ hṛṣṭā gamanakāṅkṣiṇaḥ ||
vānarās tu mahātmāno hastaruddhamukhās tadā | nimeṣāntaramātreṇa bilād uttāritās tayā ||
tatas tān vānarān sarvāṃs tāpasī dharmacāriṇī | niḥsṛtān viṣamāt tasmāt samāśvāsyedam abravīt ||
eṣa vindhyo giriḥ śrīmān nānādrumalatāyutaḥ | eṣa prasavaṇaḥ śailaḥ sāgaro 'yaṃ mahodadhiḥ ||
svasti vo 'stu gamiṣyāmi bhavanaṃ vānararṣabhāḥ | ity uktvā tad bilaṃ śrīmat praviveśa svayaṃprabhā ||
На слова Ханумана подвижница ответила: «Я считаю, что вошедшему сюда живым трудно вернуться. Но силой подвига, обретённой обетом, я выведу всех ванаров из этой пещеры. Закройте глаза, о лучшие ванары, потому что выйти с открытыми глазами невозможно». Тогда все они нежнопалыми руками быстро закрыли глаза, радостные и желавшие уйти. Великодушные ванары, закрыв лица руками, были выведены ею из пещеры за одно мгновение. Затем подвижница, следующая дхарме, ободрила всех ванаров, вышедших из того трудного места, и сказала: «Вот славная гора Виндхья, полная разных деревьев и лиан. Вот гора Прасавана, а это океан, великий водоём. Да будет вам благо, о быки среди ванаров; я пойду в своё жилище». Сказав так, Сваямпрабха вошла в прекрасную пещеру.
be2fd624b810 · published Jun 22, 2026, 12:00:00 AM UTC
Available inRUPage between verses with
Выход из пещеры совершается не силой ванаров, а силой подвига Сваямпрабхи. Иногда путь вперёд требует закрыть глаза на собственный контроль и принять помощь святого человека.