अथ तस्मिन् निमित्तानि दृष्ट्वा लक्ष्मणपूर्वजः । लक्ष्मणं लक्ष्मिसंपन्नम् इदं वचनम् अब्रवीत् ॥
परिगृह्योदकं शीतं वनानि फलवन्ति च । बलौघं संविभज्येमं व्यूह्य तिष्ठेम लक्ष्मण ॥
लोकक्षयकरं भीमं भयं पश्याम्य् उपस्थितम् । निबर्हणं प्रवीराणाम् ऋक्षवानररक्षसाम् ॥
वाताश् च परुषं वान्ति कम्पते च वसुंधरा । पर्वताग्राणि वेपन्ते पतन्ति धरणीधराः ॥
मेघाः क्रव्यादसंकाशाः परुषाः परुषस्वनाः । क्रूराः क्रूरं प्रवर्षन्ति मिश्रं शोणितबिन्दुभिः ॥
रक्तचन्दनसंकाशा संध्यापरमदारुणा । ज्वलच् च निपतत्य् एतद् आदित्याद् अग्निमण्डलम् ॥
आदित्यम् अभिवाश्यन्ते जनयन्तो महद् भयम् । दीना दीनस्वरा घोरा अप्रशस्ता मृगद्विजाः ॥
रजन्याम् अप्रकाशश् च संतापयति चन्द्रमाः । कृष्णरक्तांशुपर्यन्तो यथा लोकस्य संक्षये ॥
ह्रस्वो रूक्षो ऽप्रशस्तश् च परिवेषः सुलोहितः । आदित्यमण्डले नीलं लक्ष्म लक्ष्मण दृश्यते ॥
दृश्यन्ते न यथावच् च नक्षत्राण्य् अभिवर्तते । युगान्तम् इव लोकस्य पश्य लक्ष्मण शंसति ॥
काकाः श्येनास् तथा गृध्रा नीचैः परिपतन्ति च । शिवाश् चाप्य् अशिवा वाचः प्रवदन्ति महास्वनाः ॥
क्षिप्रम् अद्य दुराधर्षां पुरीं रावणपालिताम् । अभियाम जवेनैव सर्वतो हरिभिर् वृताः ॥
atha tasmin nimittāni dṛṣṭvā lakṣmaṇapūrvajaḥ | lakṣmaṇaṃ lakṣmisaṃpannam idaṃ vacanam abravīt ||
parigṛhyodakaṃ śītaṃ vanāni phalavanti ca | balaughaṃ saṃvibhajyemaṃ vyūhya tiṣṭhema lakṣmaṇa ||
lokakṣayakaraṃ bhīmaṃ bhayaṃ paśyāmy upasthitam | nibarhaṇaṃ pravīrāṇām ṛkṣavānararakṣasām ||
vātāś ca paruṣaṃ vānti kampate ca vasuṃdharā | parvatāgrāṇi vepante patanti dharaṇīdharāḥ ||
meghāḥ kravyādasaṃkāśāḥ paruṣāḥ paruṣasvanāḥ | krūrāḥ krūraṃ pravarṣanti miśraṃ śoṇitabindubhiḥ ||
raktacandanasaṃkāśā saṃdhyāparamadāruṇā | jvalac ca nipataty etad ādityād agnimaṇḍalam ||
ādityam abhivāśyante janayanto mahad bhayam | dīnā dīnasvarā ghorā apraśastā mṛgadvijāḥ ||
rajanyām aprakāśaś ca saṃtāpayati candramāḥ | kṛṣṇaraktāṃśuparyanto yathā lokasya saṃkṣaye ||
hrasvo rūkṣo 'praśastaś ca pariveṣaḥ sulohitaḥ | ādityamaṇḍale nīlaṃ lakṣma lakṣmaṇa dṛśyate ||
dṛśyante na yathāvac ca nakṣatrāṇy abhivartate | yugāntam iva lokasya paśya lakṣmaṇa śaṃsati ||
kākāḥ śyenās tathā gṛdhrā nīcaiḥ paripatanti ca | śivāś cāpy aśivā vācaḥ pravadanti mahāsvanāḥ ||
kṣipram adya durādharṣāṃ purīṃ rāvaṇapālitām | abhiyāma javenaiva sarvato haribhir vṛtāḥ ||
Увидев эти знамения, старший брат Лакшманы сказал Лакшмане, наделённому благой удачей: «О Лакшмана, обеспечим прохладную воду и плодородные леса, разделим это огромное войско, выстроим его и станем на позиции. Я вижу, что приблизилась страшная опасность, несущая гибель миру: истребление великих героев — медведей, ванар и ракшасов. Ветры дуют сурово, земля дрожит, вершины гор трясутся, горы падают. Облака, подобные пожирателям плоти, суровые и грубозвучные, жестоко проливают дождь, смешанный с каплями крови. Заря, подобная красному сандалу, стала крайне ужасной, и от солнца падает пылающий огненный круг. Жалкие, страшные, неблагие звери и птицы с жалобными голосами оглашают солнце, порождая великий страх. Ночью тусклая луна мучит, её край лучей чёрно-красен, как при гибели мира. О Лакшмана, в солнечном круге видно тёмное пятно, а красный ореол мал, сух и неблаг. Созвездия не видны как следует: посмотри, Лакшмана, это предвещает для мира словно конец века. Вороны, ястребы и грифы летают низко, а громкоголосые шакалы издают недобрые крики. Поэтому сегодня же быстро пойдём против трудноодолимого города, охраняемого Раваной, окружив его ванарами со всех сторон».
c3ebc4c45d69 · published Jun 22, 2026, 12:00:00 AM UTC
Available inRUPage between verses with
Рама читает знамения без суеверного смятения: опасность названа ясно, и сразу следует правильное действие. В дхарме видение беды не парализует, а приводит к собранности.