अथ राक्षससिंहस्य कृष्णान् कनकभूषणान् । शरैश् चतुर्भिः सौमित्रिर् विव्याध चतुरो हयान् ॥
ततो ऽपरेण भल्लेन सूतस्य विचरिष्यतः । लाघवाद् राघवः श्रीमाञ् शिरः कायाद् अपाहरत् ॥
निहतं सारथिं दृष्ट्वा समरे रावणात्मजः । प्रजहौ समरोद्धर्षं विषण्णः स बभूव ह ॥
विषण्णवदनं दृष्ट्वा राक्षसं हरियूथपाः । ततः परमसंहृष्टो लक्ष्मणं चाभ्यपूजयन् ॥
ततः प्रमाथी शरभो रभसो गन्धमादनः । अमृष्यमाणाश् चत्वारश् चक्रुर् वेगं हरीश्वराः ॥
ते चास्य हयमुख्येषु तूर्णम् उत्पत्य वानराः । चतुर्षु सुमहावीर्या निपेतुर् भीमविक्रमाः ॥
तेषाम् अधिष्ठितानां तैर् वानरैः पर्वतोपमैः । मुखेभ्यो रुधिरं व्यक्तं हयानां समवर्तत ॥
ते निहत्य हयांस् तस्य प्रमथ्य च महारथम् । पुनर् उत्पत्य वेगेन तस्थुर् लक्ष्मणपार्श्वतः ॥
स हताश्वाद् अवप्लुत्य रथान् मथितसारथेः । शरवर्षेण सौमित्रिम् अभ्यधावत रावणिः ॥
ततो महेन्द्रप्रतिमंह् स लक्ष्मणः; पदातिनं तं निशितैः शरोत्तमैः । सृजन्तम् आदौ निशिताञ् शरोत्तमान्; भृशं तदा बाणगणैर् न्यवारयत् ॥
atha rākṣasasiṃhasya kṛṣṇān kanakabhūṣaṇān | śaraiś caturbhiḥ saumitrir vivyādha caturo hayān ||
tato 'pareṇa bhallena sūtasya vicariṣyataḥ | lāghavād rāghavaḥ śrīmāñ śiraḥ kāyād apāharat ||
nihataṃ sārathiṃ dṛṣṭvā samare rāvaṇātmajaḥ | prajahau samaroddharṣaṃ viṣaṇṇaḥ sa babhūva ha ||
viṣaṇṇavadanaṃ dṛṣṭvā rākṣasaṃ hariyūthapāḥ | tataḥ paramasaṃhṛṣṭo lakṣmaṇaṃ cābhyapūjayan ||
tataḥ pramāthī śarabho rabhaso gandhamādanaḥ | amṛṣyamāṇāś catvāraś cakrur vegaṃ harīśvarāḥ ||
te cāsya hayamukhyeṣu tūrṇam utpatya vānarāḥ | caturṣu sumahāvīryā nipetur bhīmavikramāḥ ||
teṣām adhiṣṭhitānāṃ tair vānaraiḥ parvatopamaiḥ | mukhebhyo rudhiraṃ vyaktaṃ hayānāṃ samavartata ||
te nihatya hayāṃs tasya pramathya ca mahāratham | punar utpatya vegena tasthur lakṣmaṇapārśvataḥ ||
sa hatāśvād avaplutya rathān mathitasāratheḥ | śaravarṣeṇa saumitrim abhyadhāvata rāvaṇiḥ ||
tato mahendrapratimaṃh sa lakṣmaṇaḥ; padātinaṃ taṃ niśitaiḥ śarottamaiḥ | sṛjantam ādau niśitāñ śarottamān; bhṛśaṃ tadā bāṇagaṇair nyavārayat ||
Затем Саумитри четырьмя стрелами пронзил четырёх чёрных, украшенных золотом коней льва ракшасов. Другой бхаллой славный Рагхава своей ловкостью отделил голову от тела двигавшегося возничего. Увидев в битве убитого возничего, сын Раваны оставил боевой восторг и стал унылым. Вожаки ванаров, увидев ракшаса с унылым лицом, чрезвычайно обрадовались и восхвалили Лакшману. Тогда четыре владыки ванаров — Праматхи, Шарабха, Рабхаса и Гандхамадана — не стерпели и сделали стремительный натиск. Эти ванары великой и страшной доблести быстро вскочили и бросились на четырёх его лучших коней. Когда кони были попраны этими ванарами, подобными горам, из их ртов явно потекла кровь. Убив его коней и разбив большую колесницу, они снова быстро вскочили и стали рядом с Лакшманой. Тогда сын Раваны спрыгнул с колесницы, у которой были убиты кони и уничтожен возничий, и атаковал Саумитри ливнем стрел. Но Лакшмана, подобный Махендре, тогда сильно остановил этого пешего Индраджита множествами острых лучших стрел, хотя тот первым выпускал свои острые лучшие стрелы.
7373578be25f · published Jun 22, 2026, 12:00:00 AM UTC
Available inRUPage between verses with
Лакшмана ломает опору Индраджита последовательно: сначала кони, затем возничий, затем колесница. Когда враг лишается внешней силы, его внутренняя неустойчивость становится видимой.