ततस् ते रावणामात्या यथाकामं यथाबलम् । अयुध्यन्त महावीर्याः स च राजा दशाननः ॥
ते तु शोणितदिग्धाङ्गाः सर्वशस्त्रसमाहताः । अमात्या राक्षसेन्द्रस्य चक्रुर् आयोधनं महत् ॥
अन्योन्यं च महाभागा जघ्नुः प्रहरणैर् युधि । यमस्य च महत् सैन्यं राक्षसस्य च मन्त्रिणः ॥
अमात्यांस् तांस् तु संत्यज्य राक्षसस्य महौजसः । तम् एव समधावन्त शूलवर्षैर् दशाननम् ॥
ततः शोणितदिग्धाङ्गः प्रहारैर् जर्जरीकृतः । विमाने राक्षसश्रेष्ठः फुल्लाशोक इवाबभौ ॥
स शूलानि गदाः प्रासाञ् शक्तितोमरसायकान् । मुसलानि शिलावृक्षान् मुमोचास्त्रबलाद् बली ॥
तांस् तु सर्वान् समाक्षिप्य तद् अस्त्रम् अपहत्य च । जघ्नुस् ते राक्षसं घोरम् एकं शतसहस्रकः ॥
परिवार्य च तं सर्वे शैलं मेघोत्करा इव । भिन्दिपालैश् च शूलैश् च निरुच्छ्वासम् अकारयन् ॥
tatas te rāvaṇāmātyā yathākāmaṃ yathābalam | ayudhyanta mahāvīryāḥ sa ca rājā daśānanaḥ ||
te tu śoṇitadigdhāṅgāḥ sarvaśastrasamāhatāḥ | amātyā rākṣasendrasya cakrur āyodhanaṃ mahat ||
anyonyaṃ ca mahābhāgā jaghnuḥ praharaṇair yudhi | yamasya ca mahat sainyaṃ rākṣasasya ca mantriṇaḥ ||
amātyāṃs tāṃs tu saṃtyajya rākṣasasya mahaujasaḥ | tam eva samadhāvanta śūlavarṣair daśānanam ||
tataḥ śoṇitadigdhāṅgaḥ prahārair jarjarīkṛtaḥ | vimāne rākṣasaśreṣṭhaḥ phullāśoka ivābabhau ||
sa śūlāni gadāḥ prāsāñ śaktitomarasāyakān | musalāni śilāvṛkṣān mumocāstrabalād balī ||
tāṃs tu sarvān samākṣipya tad astram apahatya ca | jaghnus te rākṣasaṃ ghoram ekaṃ śatasahasrakaḥ ||
parivārya ca taṃ sarve śailaṃ meghotkarā iva | bhindipālaiś ca śūlaiś ca nirucchvāsam akārayan ||
Затем великогероические советники Раваны и сам царь Десятиликий сражались, каждый как хотел и как позволяла сила. Советники владыки ракшасов, с телами, измазанными кровью и поражённые всяким оружием, устроили великую битву. Великое войско Ямы и советники ракшаса били друг друга оружием в бою. Потом, оставив советников могучего ракшаса, воины Ямы бросились прямо на самого Десятиликого, осыпая его ливнями трезубцев. Лучший из ракшасов, стоя в вимане с телом, измазанным кровью и изломанным ударами, сиял, как цветущая ашока. Сильный Равана силой своего оружия отражал трезубцы, булавы, копья, дротики, томары, стрелы, палицы, камни и деревья. Но стотысячная толпа, отбросив все эти удары и сбив его оружие, продолжала бить страшного ракшаса одного; все они окружили его, как скопления облаков окружают гору, и бхиндипалами и трезубцами лишили его дыхания.
dd176ad3c713 · published Jun 22, 2026, 12:00:00 AM UTC
Available inRUPage between verses with
Даже Равана здесь оказывается не безмерным: перед войском Ямы он истекает кровью и теряет дыхание. Но его сила ещё держится на астрах и на даре, из-за чего битва становится столкновением между насилием и космическим порядком.