आत्म-कृतेः परिणामात्
ātma-kṛteḥ pariṇāmāt
Из самоделания — через паринаму [Своих шакти]: виварта же отвергнута самим словом сутры.
आत्म-कृतेः परिणामात् ॥
सोऽकामयत [तै.उ. 2.5.1] इति सृष्टि-कामत्वेन प्रकृतः परमात्मैव तदात्मानं स्वयम् अकुरुतेति सृष्टेः कर्तृ-भूतः कर्म-भूतश् च श्रूयते, अतस् तस्यैव तद्-उभय-रूपत्वम् ।
ननु कथम् एकस्यैव पूर्व-सिद्धस्य कर्तृतया स्थितस्य क्रियमाणत्वं, तत्राह—परिणामाद् इति । कूटस्थत्वाद्य्-अविरोधि-परिणाम-विशेष-सम्भवाद् अविरुद्धं तस्य तत् । इदम् अत्र तत्त्वं—
परास्य शक्तिर् विविधैव श्रूयते
स्वाभाविकी ज्ञान-बल-क्रिया च ॥ [श्वे.उ. 6.8] इति श्रुतेस् त्रिशक्ति ब्रह्म ।
विष्णु-शक्तिः परा प्रोक्ता क्षेत्र-ज्ञाख्या तथापरा ।
अविद्या-कर्म-संज्ञान्या तृतीया शक्तिर् इष्यते ॥ [वि.पु. 6.7.61] इति स्मृतेश् च ।
तस्य निमित्तत्वम् उपादानत्वं चाभिधीयते । तत्राद्यं पराख्य-शक्तिमद्-रूपेण, द्वितीयं तु तद्-अन्य-शक्ति-द्वय-द्वारैव । स-विशेषणे विधि-निषेधौ विशेषणम् उपसङ्क्रामत इति न्यायात् । य एकोऽवर्णो बहुधा शक्ति-योगात् [श्वे.उ. 4.1] इत्य् आदि श्रवणाच् च ।
एवं च निमित्तं कूटस्थम् उपादानं तु परिणामीति सूक्ष्म-प्रकृतिकं कर्तृ स्थूल-प्रकृतिकं कर्म इत्य् एकस्यैव तद्-उभयत्वं सिद्धम्, मृत्-पिण्डादि-दृष्टान्त-श्रवणात् । परिणामाद् इति सूत्राक्षराच् च भ्रान्त्य्-अध्यास-पर्यायोऽतात्त्विकान्यथा-भावात्मा विवर्तः परिहृतः । न च शुक्त्य्-आदि-वद् ब्रह्मण्य् अध्यासः सम्भवति, तद्वत् तस्य पुरो-निहितत्वाभावात् । न चाकाशवत् तत्र सः, तद्वत् तस्य गम्यत्वाभावात् । किं चान्यथा-भावोऽन्यथा-भानम् एव । तच् च नावृत्तिम् अन्तरेण सम्भवेत् । आवृत्तिस् तु ब्रह्मेतरत्वाद् विवर्तान्तः पतेद् इत्य् अनवस्थैव । एवम् अपि क्वचित् तद्-उक्तिर् विरागायैवेति तत्त्व-विदः । इतरथा तन्-मात्र-भूतादीनां न्यूनतातिरेको वा श्रूयते भ्रान्तेर् अनियत-रूपत्वात् । नियत-स्वभावानां वस्तूनां भाव-विनिमयश् च दृश्यते । तस्मात् तात्त्विकान्यथा-भावात्मा परिणाम एव शास्त्रीयः ॥26॥
ātma-kṛteḥ pariṇāmāt ||
so'kāmayata [tai.u. 2.5.1] iti sṛṣṭi-kāmatvena prakṛtaḥ paramātmaiva tadātmānaṁ svayam akuruteti sṛṣṭeḥ kartṛ-bhūtaḥ karma-bhūtaś ca śrūyate, atas tasyaiva tad-ubhaya-rūpatvam |
nanu katham ekasyaiva pūrva-siddhasya kartṛtayā sthitasya kriyamāṇatvaṁ, tatrāha—pariṇāmād iti | kūṭasthatvādy-avirodhi-pariṇāma-viśeṣa-sambhavād aviruddhaṁ tasya tat | idam atra tattvaṁ—
parāsya śaktir vividhaiva śrūyate
svābhāvikī jñāna-bala-kriyā ca || [śve.u. 6.8] iti śrutes triśakti brahma |
viṣṇu-śaktiḥ parā proktā kṣetra-jñākhyā tathāparā |
avidyā-karma-saṁjñānyā tṛtīyā śaktir iṣyate || [vi.pu. 6.7.61] iti smṛteś ca |
tasya nimittatvam upādānatvaṁ cābhidhīyate | tatrādyaṁ parākhya-śaktimad-rūpeṇa, dvitīyaṁ tu tad-anya-śakti-dvaya-dvāraiva | sa-viśeṣaṇe vidhi-niṣedhau viśeṣaṇam upasaṅkrāmata iti nyāyāt | ya eko'varṇo bahudhā śakti-yogāt [śve.u. 4.1] ity ādi śravaṇāc ca |
evaṁ ca nimittaṁ kūṭastham upādānaṁ tu pariṇāmīti sūkṣma-prakṛtikaṁ kartṛ sthūla-prakṛtikaṁ karma ity ekasyaiva tad-ubhayatvaṁ siddham, mṛt-piṇḍādi-dṛṣṭānta-śravaṇāt | pariṇāmād iti sūtrākṣarāc ca bhrānty-adhyāsa-paryāyo'tāttvikānyathā-bhāvātmā vivartaḥ parihṛtaḥ | na ca śukty-ādi-vad brahmaṇy adhyāsaḥ sambhavati, tadvat tasya puro-nihitatvābhāvāt | na cākāśavat tatra saḥ, tadvat tasya gamyatvābhāvāt | kiṁ cānyathā-bhāvo'nyathā-bhānam eva | tac ca nāvṛttim antareṇa sambhavet | āvṛttis tu brahmetaratvād vivartāntaḥ pated ity anavasthaiva | evam api kvacit tad-uktir virāgāyaiveti tattva-vidaḥ | itarathā tan-mātra-bhūtādīnāṁ nyūnatātireko vā śrūyate bhrānter aniyata-rūpatvāt | niyata-svabhāvānāṁ vastūnāṁ bhāva-vinimayaś ca dṛśyate | tasmāt tāttvikānyathā-bhāvātmā pariṇāma eva śāstrīyaḥ ||26||
176dd76ee208 · published Jul 27, 2026, 4:22:00 AM UTC
Available inRUPage between verses with
«Из самоделания — через превращение».
Параматма — тема [раздела] как желающий творить («Он возжелал») — слышится [в] «то само себя соделало» и деятелем творения, и [его] предметом; потому Он же — обоих образов. Но как у одного, прежде сущего, стоящего деятелем, — делаемость? На это: «через превращение»: возможно особое превращение, не противоречащее неизменности [кутастхе]; то у Него непротиворечиво. Вот здешняя суть: по шрути «слышится Его высшая многообразная сила — прирождённые знание, мощь и действие» Брахман трёхшактен; и по смрити: «шакти Вишну речена высшей; другая зовётся кшетраджней; третья, именуемая авидья-кармой, — признаётся» [Вишну-пурана 6.7.61]. О Нём именуются и действенность и вещественность: первое — в образе Владельца шакти, зовомой высшей; второе же — лишь через две другие Его шакти: по правилу «предписание и запрет об определяемом переходят на определение», и по слышанию «один, без цвета, многообразно — связью с шакти». И так: действующая причина — Неизменный, вещественная — превращающееся: деятель — с тонкой пракрити, предмет — с грубой; так у одного утверждены оба — по слышанию примера кома глины. И самим слогом сутры «через превращение» устранена виварта — неистинное инобытие, синоним заблуждения-наложения. Наложение на Брахмана невозможно как на раковину — ибо Он не лежит перед [глазами]; и не как на пространство — ибо Он не достижим [чувству]. К тому же [их] инобытие — лишь ино-видение, а оно невозможно без покрова; покров же, как иное от Брахмана, пал бы внутрь виварты — дурная бесконечность. И всё же кое-где речь о ней — лишь для бесстрастия: так знатоки истины. Иначе слышались бы недостача или избыток танматр и стихий — у заблуждения нет устойчивой формы; а у вещей устойчивой природы видится [лишь] обмен состояний. Потому шастрова именно паринама — истинное инобытие.