एतेषां मानसी कन्या अच्छोदा नाम निम्नगा अच्छोदं नाम तद् दिव्यं सरो यस्याः समुत्थितम् ॥
सा दृष्ट्वा पितरं वव्रे वसुं नामान्तरिक्षगम् नाम्ना वसुम् इति ख्यातम् आयोः पुत्रं यशस्विनम् ॥
सा तेन व्यभिचारेण मनसः कामचारिणी पितरं प्रार्थयित्वान्यं योगभ्रष्टा पपात ह ॥
त्रीण्य् अपश्यद् विमानानि पतमाना दिवश् च्युता त्रसरेणुप्रमाणानि सापश्यत् तेषु तान् पितॄन् ॥
सुसूक्ष्मान् अपरिव्यक्तान् अग्नीन् अग्निष्व् इवाहितान् त्रायध्वं इत्य् उवाचार्ता पतन्ती तान् अवाक्शिराः ॥
तैर् उक्ता सा तु मा भैषीर् इति व्योम्नि व्यवस्थिता ततः प्रसादयाम् आस स्वान् पितॄन् दीनया गिरा ॥
ऊचुस् ते पितरः कन्यां भ्रष्टैश्वर्यां व्यतिक्रमात् भ्रष्टैश्वर्या स्वदोषेण पतसि त्वं शुचिस्मिते ॥
यैः क्रियन्ते हि कर्माणि शरीरैर् दिवि दैवतैः तैर् एव तत्कर्मफलं प्राप्नुवन्तीह देवताः ॥
सद्यः फलन्ति कर्माणि देवत्वे प्रेत्य मानुषे तस्मात् त्वं तपसः पुत्रि प्रेत्येह प्राप्स्यसे फलम् ॥
इत्य् उक्ता पितृभिः सा तु पितॄन् स्वान् संप्रसादयत् ध्यात्वा प्रसादं ते चक्रुस् तस्याः सर्वे ऽनुकम्पया ॥
अवश्यंभाविनं ज्ञात्वा ते ऽर्थम् ऊचुस् ततश् च ताम् तस्य राज्ञो वसोः कन्या त्वम् अपत्यं भविष्यसि कन्यैव भूत्वा लोकान् स्वान् पुनः प्राप्स्यसि दुर्लभान् ॥
पराशरस्य दायादं त्वं विप्रं जनयिष्यसि स वेदम् एकं ब्रह्मर्षिश् चतुर्धा विभजिष्यति ॥
महाभिषस्य पुत्रौ च शंतनोः कीर्तिवर्धनौ विचित्रवीर्यं धर्मज्ञं तथा चित्राङ्गदं प्रभुम् ॥
एतान् उत्पाद्य पुत्रांस् त्वं पुनर् लोकान् अवाप्स्यसि व्यतिक्रमात् पितॄणां च जन्म प्राप्स्यसि कुत्सितम् ॥
तस्यैव राज्ञस् त्वं कन्या अद्रिकायां भविष्यसि अष्टाविंशे भवित्री त्वं द्वापरे मत्स्ययोनिजा ॥
एवम् उक्ता तु दासेयी जाता सत्यवती तदा मत्स्ययोनौ अनुपमा राज्ञस् तस्य वसोः सुता ॥
eteṣāṃ mānasī kanyā acchodā nāma nimnagā acchodaṃ nāma tad divyaṃ saro yasyāḥ samutthitam ||
sā dṛṣṭvā pitaraṃ vavre vasuṃ nāmāntarikṣagam nāmnā vasum iti khyātam āyoḥ putraṃ yaśasvinam ||
sā tena vyabhicāreṇa manasaḥ kāmacāriṇī pitaraṃ prārthayitvānyaṃ yogabhraṣṭā papāta ha ||
trīṇy apaśyad vimānāni patamānā divaś cyutā trasareṇupramāṇāni sāpaśyat teṣu tān pitṝn ||
susūkṣmān aparivyaktān agnīn agniṣv ivāhitān trāyadhvaṃ ity uvācārtā patantī tān avākśirāḥ ||
tair uktā sā tu mā bhaiṣīr iti vyomni vyavasthitā tataḥ prasādayām āsa svān pitṝn dīnayā girā ||
ūcus te pitaraḥ kanyāṃ bhraṣṭaiśvaryāṃ vyatikramāt bhraṣṭaiśvaryā svadoṣeṇa patasi tvaṃ śucismite ||
yaiḥ kriyante hi karmāṇi śarīrair divi daivataiḥ tair eva tatkarmaphalaṃ prāpnuvantīha devatāḥ ||
sadyaḥ phalanti karmāṇi devatve pretya mānuṣe tasmāt tvaṃ tapasaḥ putri pretyeha prāpsyase phalam ||
ity uktā pitṛbhiḥ sā tu pitṝn svān saṃprasādayat dhyātvā prasādaṃ te cakrus tasyāḥ sarve 'nukampayā ||
avaśyaṃbhāvinaṃ jñātvā te 'rtham ūcus tataś ca tām tasya rājño vasoḥ kanyā tvam apatyaṃ bhaviṣyasi kanyaiva bhūtvā lokān svān punaḥ prāpsyasi durlabhān ||
parāśarasya dāyādaṃ tvaṃ vipraṃ janayiṣyasi sa vedam ekaṃ brahmarṣiś caturdhā vibhajiṣyati ||
mahābhiṣasya putrau ca śaṃtanoḥ kīrtivardhanau vicitravīryaṃ dharmajñaṃ tathā citrāṅgadaṃ prabhum ||
etān utpādya putrāṃs tvaṃ punar lokān avāpsyasi vyatikramāt pitṝṇāṃ ca janma prāpsyasi kutsitam ||
tasyaiva rājñas tvaṃ kanyā adrikāyāṃ bhaviṣyasi aṣṭāviṃśe bhavitrī tvaṃ dvāpare matsyayonijā ||
evam uktā tu dāseyī jātā satyavatī tadā matsyayonau anupamā rājñas tasya vasoḥ sutā ||
«Их уморождённой дочерью была река Аччхода; от неё возникло божественное озеро, тоже называемое Аччходой. Увидев небесного Васу, славного сына Аю, она пожелала его себе отцом. Из-за этого мысленного отступления и движения за желанием она пожелала иного отца, отпала от йоги и низверглась. Сорвавшись с неба, падая, она увидела три виманы; в них она узрела своих питаров, тонких как пылинки, едва различимых, словно огни, вложенные в огни. Падая вниз головой, она в страдании сказала им: “Спасите!” Они сказали ей: “Не бойся”, и она остановилась в воздухе. Затем жалким голосом она стала умилостивлять своих предков. Питары сказали деве, лишённой величия из-за проступка: “О чистоулыбная, ты падаешь, потеряв силу по собственной вине. Боги получают здесь плод тех действий, которые совершают своими божественными телами на небе. Действия дают плод сразу в божественном состоянии, а после смерти — в человеческом. Поэтому, дочь тапаса, после ухода ты получишь здесь плод”. Услышав это от питаров, она стала умилостивлять своих предков; все они, созерцая, из сострадания даровали ей милость. Поняв неизбежное, они объяснили ей: “Ты станешь дочерью царя Васу, его потомством; родившись девой, ты снова достигнешь своих труднодоступных миров. Ты родишь брахмана, наследника Парашары; этот брахмариши разделит единую Веду на четыре части. Ты родишь также двух сыновей Шантану, Махабхиши, умножающих его славу: дхармичного Вичитравирью и владыку Читрангаду. Произведя этих сыновей, ты снова достигнешь своих миров, но из-за проступка против питаров получишь порицаемое рождение. Ты будешь дочерью того самого царя от Адрики; в двадцать восьмую Двапару родишься из рыбы”. Так сказанная, дасейи, несравненная в рыбьем лоне дочь царя Васу, тогда стала Сатьявати».
0eee9db0d523 · publicado 22 jun 2026, 3:30:39 UTC
Disponible enRUPasa de verso en verso con
История Аччходы раскрывает строгий закон действия: даже небесное существо падает из-за смещения желания. Но питары не только карают; они дают путь восстановления. Так рождается связь с Сатьявати, Вьясой и будущей историей Бхаратов.