ते तस्य सत्यसंधस्य विष्णोर् वाक्येन तोषिताः देवाः प्रीतिं परां जग्मुः प्राप्येवामृतम् उत्तमम् ॥
ततस् तमः संह्रियते विनेशुश् च बलाहकाः प्रववुश् च शिवा वाताः प्रसन्नाश् च दिशो दश ॥
सुप्रभाणि च ज्योतिंषि चन्द्रं चक्रुः प्रदक्षिणम् दीप्तिमन्ति च तेजांसि चक्रुर् अर्कं प्रदक्षिणम् ॥
न विग्रहं ग्रहाश् चक्रुः प्रसेदुश् चापि सिन्धवः विरजस्का बभुर् मार्गा नाकमार्गादयस् त्रयः ॥
यथार्थम् ऊहुः सरितो नापि चुक्षुभिरे ऽर्णवाः आसञ् शुभानीन्द्रियाणि नराणाम् अन्तरात्मसु ॥
महर्षयो वीतशोका वेदानुच्चैर् अधीयिरे यज्ञेषु च हविः स्वादु शिवम् आप च पावकः ॥
प्रवृत्तधर्माः संवृत्ता लोका मुदितमानसाः विष्णोर् दत्तप्रतिज्ञस्य श्रुत्वारिनिधने गिरम् ॥
te tasya satyasaṃdhasya viṣṇor vākyena toṣitāḥ devāḥ prītiṃ parāṃ jagmuḥ prāpyevāmṛtam uttamam ||
tatas tamaḥ saṃhriyate vineśuś ca balāhakāḥ pravavuś ca śivā vātāḥ prasannāś ca diśo daśa ||
suprabhāṇi ca jyotiṃṣi candraṃ cakruḥ pradakṣiṇam dīptimanti ca tejāṃsi cakrur arkaṃ pradakṣiṇam ||
na vigrahaṃ grahāś cakruḥ praseduś cāpi sindhavaḥ virajaskā babhur mārgā nākamārgādayas trayaḥ ||
yathārtham ūhuḥ sarito nāpi cukṣubhire 'rṇavāḥ āsañ śubhānīndriyāṇi narāṇām antarātmasu ||
maharṣayo vītaśokā vedānuccair adhīyire yajñeṣu ca haviḥ svādu śivam āpa ca pāvakaḥ ||
pravṛttadharmāḥ saṃvṛttā lokā muditamānasāḥ viṣṇor dattapratijñasya śrutvārinidhane giram ||
Боги, обрадованные словом Вишну, верного своему обету, достигли высшей радости, словно обрели превосходную амриту. Тогда тьма отступила, тучи исчезли, подули благие ветры, и десять сторон света прояснились. Яркие светила совершили правый обход луны, а лучезарные огни — правый обход солнца. Планеты не враждовали, океаны успокоились, и три пути, начиная с небесного, стали свободны от пыли. Реки потекли как должно, моря не волновались, и в глубине человеческих сердец способности чувств стали благими. Великие риши, свободные от скорби, громко повторяли Веды; в жертвоприношениях хави стало приятным, а очистительный огонь обрёл благость. Услышав речь Вишну, давшего обет уничтожить врагов, миры вернулись к действующей дхарме и стали радостны сердцем.
838251b68b56 · publicado 22 jun 2026, 3:30:55 UTC
Disponible enRUPasa de verso en verso con
Ответ мира на обет Вишну выражен через ясность, благой ветер, очищенный путь, правильное жертвоприношение и внутреннее умиротворение людей. Когда Господь утверждает защиту дхармы, порядок возвращается не только на поле битвы, но и в сердце, в обряде и в самой ткани космоса.