कृष्णे च भवतो द्वेषाद् वसुदेवविगर्हणात् शंसन्ति हीमानि भयं निमित्तान्य् अशुभानि ते ॥
सर्पाणां दर्शनं तीव्रं स्वप्नानां च निशाक्षये पुर्या वैधव्यशंसीनि कारणैर् अनुमीमहे ॥
एष घोरो ग्रहः स्वातीम् उल्लिखन् खे गभस्तिभिः वक्रम् अङ्गारकश् चक्रे व्याहरन्ति खरं द्विजाः ॥
शिवा श्मशानान् निष्क्रम्य निःश्वासाङ्गारवर्षिणी उभे संध्ये पुरीं घोरा पर्येति बहु वाशती ॥
उल्का निर्घातनादेन पपात धरणीतले चलत्य् अपर्वणि मही गिरीणां शिखराणि च ॥
प्राक्संध्या परिघग्रस् ता भाभिर् बध्नाति भास्करम् प्रतिलोमं च यान्त्य् एते व्याहरन्तो मृगद्विजाः ॥
ग्रस्तः स्वर्भानुना सूर्यो दिवा नक्तम् अजायत धूमोत्पातैर् दिशो व्याप्ताः शुष्काशनिसमाहताः ॥
प्रस्रवन्ति घना रक्तं साशनिस्तनयित्नवः चलिता देवताः स्थानात् त्यजन्ति विहगा नगान् ॥
यानि राजविनाशाय दैवज्ञाः कथयन्ति हि तानि सर्वाणि पश्यामो निमित्तान्य् अशुभानि वै ॥
त्वं चापि स्वजनद्वेषी राजधर्मपराङ्मुखः अनिमित्तागतक्रोधः संनिकृष्टभयो ह्य् असि ॥
यस् त्वं देवोपमं वृद्धं वसुदेवम् धृतव्रतम् मोहात् क्षिपसि दुर्बुद्धे कुतस् ते शान्तिर् आत्मनः ॥
kṛṣṇe ca bhavato dveṣād vasudevavigarhaṇāt śaṃsanti hīmāni bhayaṃ nimittāny aśubhāni te ||
sarpāṇāṃ darśanaṃ tīvraṃ svapnānāṃ ca niśākṣaye puryā vaidhavyaśaṃsīni kāraṇair anumīmahe ||
eṣa ghoro grahaḥ svātīm ullikhan khe gabhastibhiḥ vakram aṅgārakaś cakre vyāharanti kharaṃ dvijāḥ ||
śivā śmaśānān niṣkramya niḥśvāsāṅgāravarṣiṇī ubhe saṃdhye purīṃ ghorā paryeti bahu vāśatī ||
ulkā nirghātanādena papāta dharaṇītale calaty aparvaṇi mahī girīṇāṃ śikharāṇi ca ||
prāksaṃdhyā parighagras tā bhābhir badhnāti bhāskaram pratilomaṃ ca yānty ete vyāharanto mṛgadvijāḥ ||
grastaḥ svarbhānunā sūryo divā naktam ajāyata dhūmotpātair diśo vyāptāḥ śuṣkāśanisamāhatāḥ ||
prasravanti ghanā raktaṃ sāśanistanayitnavaḥ calitā devatāḥ sthānāt tyajanti vihagā nagān ||
yāni rājavināśāya daivajñāḥ kathayanti hi tāni sarvāṇi paśyāmo nimittāny aśubhāni vai ||
tvaṃ cāpi svajanadveṣī rājadharmaparāṅmukhaḥ animittāgatakrodhaḥ saṃnikṛṣṭabhayo hy asi ||
yas tvaṃ devopamaṃ vṛddhaṃ vasudevam dhṛtavratam mohāt kṣipasi durbuddhe kutas te śāntir ātmanaḥ ||
«Из-за твоей ненависти к Кришне и порицания Васудевы эти дурные знамения предвещают тебе страх. Мы заключаем по признакам: страшные видения змей и сны на исходе ночи указывают на вдовство города. Страшная планета царапает лучами Свати, Марс движется вспять, птицы кричат грубо. Шакалиха выходит из кремаций, словно выдыхая угли, и в обе сумерки страшно обходит город, много воя. Метеор с громовым звуком падает на землю, земля движется не в срок, как и вершины гор. Заря, охваченная паригхой, лучами связывает солнце, а звери и птицы кричат и идут против обычного пути. Солнце схвачено Сварбхану, днём становится ночь, стороны света покрыты дымными знамениями и поражены сухими молниями. Облака источают кровь вместе с молниями и громом, божества сдвигаются со своих мест, птицы оставляют деревья. Все дурные знамения, которые астрологи называют предвестниками гибели царя, мы видим теперь. Ты же ненавидишь своих, отворачиваешься от царской дхармы, гневаешься без причины и потому близок к опасности. Какой мир души может быть у тебя, дурноумный, если ты по заблуждению оскорбляешь богоподобного старца Васудеву, держащего обет?»
05d4c3af75d2 · publicado 22 jun 2026, 3:44:13 UTC
Disponible enRUPasa de verso en verso con
Дурные знамения не просто украшают речь: они показывают, что неправда царя отражается в городе, небе, животных и стихиях. Камса нарушил порядок, и весь мир вокруг него отвечает тревогой.