वीक्षमाणश् च तान् सर्वान् नृपान् यदुवरो ऽव्ययः आत्मानम् आत्मना वाक्यम् उवाच हृदि मन्त्रवित् ॥
इमे ते पृथिवीपालाः पार्थिवे वर्त्मनि स्थिताः ये विनाशम् इहेष्यन्ति शास्त्रदृष्टेन कर्मणा ॥
प्रोक्षिताः खल्व् इमे मन्ये मृत्युना नृपपुंगवाः स्वर्गगानि तथा ह्य् एषां वपूंषि प्रचकाशिरे ॥
स्थाने भारपरिश्रान्ता वसुधेयं दिवं गता एषां नृपतिमुख्यानां बलौघैर् अभिपीडिता भूमिर् निरन्तरा चेयं बलराष्ट्राभिसंवृता ॥
स्वल्पेन खलु कालेन विविक्तं पृथिवीतलम् भविष्यति नरेन्द्रौघैः शतशो विनिपातितैः ॥
जरासंधस् ततः क्रुद्धः प्रभुः सर्वमहीक्षिताम् नराधिपसहस्रौघैर् अनुयातो महाद्युतिः ॥
व्यायतोदग्रतुरगैः सयन्त्रैः सुसमाहितैः रथैः सांग्रामिकैर् युक्तैर् असङ्गगतिभिः क्व चित् ॥
हेमकक्ष्यैर् महाघण्टैर् वारणैर् वारिदोपमैः महामात्रोत्तमारूढैः कल्पितै रणकोविदैः ॥
स्वारूढैः सादिभिर् युक्तैः प्रेक्षमाणैः प्रवल्गितैः वाजिभिर् मेघसंकाशैः प्लवद्भिर् इव पत्तिभिः ॥
खड्गचर्मधरोदग्रैः पत्तिभिर् वल्गिताम्बरैः सहस्रसंख्यासंयुक्तैर् उत्पतद्भिर् इवोरगैः ॥
एवं चतुर्विधैः सैन्यैः कम्पमानैर् इवाम्बुदैः नृपो ऽभियातो बलवाञ् जरासंधो धृतव्रतः ॥
स रथैर् मेघनिर्घोषैर् गजैश् च मदशिञ्चितैः हेषमाणैश् च तुरगैः क्ष्वेडमाणैश् च पत्तिभिः ॥
नादयानो दिशः सर्वास् तस्याः पुर्या वनानि च स राजा सागराकारः ससैन्यः प्रत्यदृश्यत ॥
तद् बलं पृथिवीशानां दृप्तयोधजनाकुलम् क्ष्वेडितास्फोटितरवं मेघसैन्यम् इवाबभौ ॥
रथैः पवनसंपातैर् गजैश् च जलदोपमैः तुरगैश् च जवोपेतैः पत्तिभिः खगमैर् इव ॥
विमिश्रं सर्वतो भाति मत्तद्विपरथाकुलम् घर्मान्ते सागरगतं यथैवाभ्रबलं तथा ॥
vīkṣamāṇaś ca tān sarvān nṛpān yaduvaro 'vyayaḥ ātmānam ātmanā vākyam uvāca hṛdi mantravit ||
ime te pṛthivīpālāḥ pārthive vartmani sthitāḥ ye vināśam iheṣyanti śāstradṛṣṭena karmaṇā ||
prokṣitāḥ khalv ime manye mṛtyunā nṛpapuṃgavāḥ svargagāni tathā hy eṣāṃ vapūṃṣi pracakāśire ||
sthāne bhārapariśrāntā vasudheyaṃ divaṃ gatā eṣāṃ nṛpatimukhyānāṃ balaughair abhipīḍitā bhūmir nirantarā ceyaṃ balarāṣṭrābhisaṃvṛtā ||
svalpena khalu kālena viviktaṃ pṛthivītalam bhaviṣyati narendraughaiḥ śataśo vinipātitaiḥ ||
jarāsaṃdhas tataḥ kruddhaḥ prabhuḥ sarvamahīkṣitām narādhipasahasraughair anuyāto mahādyutiḥ ||
vyāyatodagraturagaiḥ sayantraiḥ susamāhitaiḥ rathaiḥ sāṃgrāmikair yuktair asaṅgagatibhiḥ kva cit ||
hemakakṣyair mahāghaṇṭair vāraṇair vāridopamaiḥ mahāmātrottamārūḍhaiḥ kalpitai raṇakovidaiḥ ||
svārūḍhaiḥ sādibhir yuktaiḥ prekṣamāṇaiḥ pravalgitaiḥ vājibhir meghasaṃkāśaiḥ plavadbhir iva pattibhiḥ ||
khaḍgacarmadharodagraiḥ pattibhir valgitāmbaraiḥ sahasrasaṃkhyāsaṃyuktair utpatadbhir ivoragaiḥ ||
evaṃ caturvidhaiḥ sainyaiḥ kampamānair ivāmbudaiḥ nṛpo 'bhiyāto balavāñ jarāsaṃdho dhṛtavrataḥ ||
sa rathair meghanirghoṣair gajaiś ca madaśiñcitaiḥ heṣamāṇaiś ca turagaiḥ kṣveḍamāṇaiś ca pattibhiḥ ||
nādayāno diśaḥ sarvās tasyāḥ puryā vanāni ca sa rājā sāgarākāraḥ sasainyaḥ pratyadṛśyata ||
tad balaṃ pṛthivīśānāṃ dṛptayodhajanākulam kṣveḍitāsphoṭitaravaṃ meghasainyam ivābabhau ||
rathaiḥ pavanasaṃpātair gajaiś ca jaladopamaiḥ turagaiś ca javopetaiḥ pattibhiḥ khagamair iva ||
vimiśraṃ sarvato bhāti mattadviparathākulam gharmānte sāgaragataṃ yathaivābhrabalaṃ tathā ||
Глядя на всех этих царей, нетленный лучший из Яду, знаток совета, сказал в своём сердце: «Эти защитники земли, стоящие на царском пути, здесь придут к гибели действием, предписанным шастрой. Думаю, смерть уже окропила этих быков среди царей, ибо их тела сияют так, словно уже предназначены для неба. По праву земля, изнурённая бременем войск этих главных царей, обратилась к небу; вся поверхность земли сплошь покрыта армиями и царствами. Через короткое время она очистится от сотен поверженных владык». Затем разгневанный Джарасандха, сияющий владыка всех земных царей, пришёл в сопровождении тысяч царей. Его армия двигалась боевыми колесницами с рослыми конями, облакоподобными слонами с золотой сбруей и большими колоколами, всадниками и тысячами пехотинцев с мечами и щитами. Так могучий Джарасандха, твёрдый в обете, подошёл с четырёхчастным войском, похожим на дрожащие тучи. Грохотом колесниц, рёвом слонов, ржанием коней и криками пехоты он оглашал все стороны и рощи вокруг города; царь с войском был виден как океан. Войско земных владык, полное гордых воинов, шумело криками и хлопками и сияло как армия туч. Колесницы, слоны, быстрые кони и пехота смешались со всех сторон, словно масса облаков над океаном в конце жаркого времени.
a68bc222ecaa · publicado 22 jun 2026, 4:22:32 UTC
Disponible enRUPasa de verso en verso con
Внутренний взгляд Кришны раскрывает смысл битвы: гибель царей не хаотична, а связана с освобождением земли от чрезмерного бремени вооружённой власти.