चतुरङ्गबलं व्यूह्य जरासंधो व्यवस्थितः अथाभ्ययाद् यदून् क्रुद्धः सह सर्वैर् नराधिपैः प्रतिजग्मुर् दशार्हास् तं व्यूढानीकाः प्रहारिणः ॥
तद् युद्धम् अभवद् घोरं तेषां देवासुरोपमम् अल्पानां बहुभिः सार्धं व्यतिषक्तरथद्विपम् ॥
नगरान् निःसृतौ दृष्ट्वा वसुदेवसुताव् उबौ क्षुब्धं नरवरानीकं त्रस्तसंमूढवाहनम् ॥
रथस्थौ दंशितौ चैव चेरतुस् तत्र यादवौ मकराव् इव संरब्धौ समुद्रक्षोभणाव् उभौ ॥
ताभ्यां मृधे प्रयुक्ताभ्यां यादवाभ्यां मतिर् बभौ आयुधानां पुराणानाम् आदाने कृतलक्षणा ॥
ततः खान् निपतन्ति स्म दीप्तान्य् आहवसंप्लवे लेलिहानानि दिव्यानि महान्ति सुदृढानि च ॥
क्रव्यादैर् अनुयातानि मूर्तिमन्ति बृहन्ति च तृषितान्य् आहवे भोक्तुं नृपमांसानि वै भृशम् ॥
दिव्यस्रग्दामधारीणि त्रासयन्ति नभश्चरान् प्रभया भासमानानि दंशितानि दिशो दश ॥
हलं संवर्तकं नाम सौनन्दं मुसलं तथा धनुषां प्रवरं शार्ङ्गं गदा कौमोदकी च ह ॥
चत्वार्य् एतानि तेजांसि विष्णुप्रहरणानि च ताभ्यां समवतीर्णानि यादवाभ्यां महारणे ॥
जग्राह प्रथमं रामो ललामप्रतिमं हलम् तं सर्पम् इव सर्पन्तं दिव्यमालाकुलं मृधे ॥
सौनन्दं च ततः श्रीमान् निरानन्दकरं द्विषाम् सव्येन सात्वतां श्रेष्ठो जग्राह मुसलोत्तमम् ॥
दर्शनीयं च लोकेषु धनुर् जलदनिस्वनम् नाम्ना शार्ङ्गम् इति ख्यातं विष्णुर् जग्राह वीर्यवान् ॥
देवैर् निगदितार्थस्य गदा तस्यापरे करे विषक्ता कुमुदाक्षस्य नाम्ना कौमोदकीति सा ॥
caturaṅgabalaṃ vyūhya jarāsaṃdho vyavasthitaḥ athābhyayād yadūn kruddhaḥ saha sarvair narādhipaiḥ pratijagmur daśārhās taṃ vyūḍhānīkāḥ prahāriṇaḥ ||
tad yuddham abhavad ghoraṃ teṣāṃ devāsuropamam alpānāṃ bahubhiḥ sārdhaṃ vyatiṣaktarathadvipam ||
nagarān niḥsṛtau dṛṣṭvā vasudevasutāv ubau kṣubdhaṃ naravarānīkaṃ trastasaṃmūḍhavāhanam ||
rathasthau daṃśitau caiva ceratus tatra yādavau makarāv iva saṃrabdhau samudrakṣobhaṇāv ubhau ||
tābhyāṃ mṛdhe prayuktābhyāṃ yādavābhyāṃ matir babhau āyudhānāṃ purāṇānām ādāne kṛtalakṣaṇā ||
tataḥ khān nipatanti sma dīptāny āhavasaṃplave lelihānāni divyāni mahānti sudṛḍhāni ca ||
kravyādair anuyātāni mūrtimanti bṛhanti ca tṛṣitāny āhave bhoktuṃ nṛpamāṃsāni vai bhṛśam ||
divyasragdāmadhārīṇi trāsayanti nabhaścarān prabhayā bhāsamānāni daṃśitāni diśo daśa ||
halaṃ saṃvartakaṃ nāma saunandaṃ musalaṃ tathā dhanuṣāṃ pravaraṃ śārṅgaṃ gadā kaumodakī ca ha ||
catvāry etāni tejāṃsi viṣṇupraharaṇāni ca tābhyāṃ samavatīrṇāni yādavābhyāṃ mahāraṇe ||
jagrāha prathamaṃ rāmo lalāmapratimaṃ halam taṃ sarpam iva sarpantaṃ divyamālākulaṃ mṛdhe ||
saunandaṃ ca tataḥ śrīmān nirānandakaraṃ dviṣām savyena sātvatāṃ śreṣṭho jagrāha musalottamam ||
darśanīyaṃ ca lokeṣu dhanur jaladanisvanam nāmnā śārṅgam iti khyātaṃ viṣṇur jagrāha vīryavān ||
devair nigaditārthasya gadā tasyāpare kare viṣaktā kumudākṣasya nāmnā kaumodakīti sā ||
Выстроив четырёхчастное войско, Джарасандха занял позицию и в гневе вместе со всеми царями двинулся на Ядавов. Дашархи с развёрнутыми рядами выступили ему навстречу. Началась страшная битва, подобная сражению богов и асуров: немногие бились со многими, колесницы и слоны смешались. Увидев двух сыновей Васудевы, вышедших из города, строй царей пришёл в смятение, и ездовые животные испугались и сбились. Два Ядава, стоя на колесницах в доспехах, двигались там как два разъярённых макара, способных взбаламутить океан. Когда они вступили в бой, их мысль обратилась к принятию древних оружий. Тогда с неба в поток битвы стали падать сияющие, божественные, огромные и крепкие оружия, словно воплощённые, сопровождаемые пожирателями мяса, жаждущие в бою пожрать плоть царей. Они были украшены небесными гирляндами, пугали небожителей и сиянием озаряли десять сторон. Плуг Самвартака, пест Саунанда, лучший из луков Шарнга и булава Каумодаки — эти четыре сияющих оружия Вишну сошли к двум Ядавам в великой битве. Рама первым взял плуг, подобный украшению, извивающийся как змей и увитый божественными гирляндами, а затем левой рукой взял Саунанду, лучший мусал, лишающий врагов радости. Доблестный Вишну взял лук Шарнга, прекрасный в мирах и грохочущий как туча; в другой руке лотосоокого оказалась булава Каумодаки, предназначенная богами.
06e7d3c7512f · publicado 22 jun 2026, 4:22:32 UTC
Disponible enRUPasa de verso en verso con
Когда битва достигает предела, оружия Вишну сами нисходят к Кришне и Балараме. Это не обычное вооружение героев, а раскрытие их вечной природы посреди человеческой войны.