वैरस्यान्तं विधित्संस् तु वासुदेवो महायशाः निवेश्य द्वारकां राजन् वृष्णीन् आश्वास्य चैव ह ॥
पदातिः पुरुषव्याघ्रो बाहुप्रहरणस् तदा आजगाम महायोगी मथुरां मधुसूदनः ॥
तं दृष्ट्वा निर्ययौ हृष्टः स कालयवनो रुषा प्रेक्षापूर्वं च कृष्णो ऽपि निश्चक्राम महाबलः ॥
अथान्वगच्छद् गोविन्दं जिघृक्षुर् यवनेश्वरः न चैनम् अशकद् राजा ग्रहीतुं योगधर्मिणम् ॥
मान्धातुस् तु सुतो राजा मुचुकुन्दो महायशाः पुरा देवासुरे युद्धे कृतकर्मा महाबलः ॥
वरेण च्छन्दितो देवैर् निद्राम् एव गृहीतवान् श्रान्तस्य तस्य वाग् एवं तदा प्रादुर् अभूत् किल ॥
प्रसुप्तम् बोधयेद् यो मां तं दहेयम् अहं सुराः चक्षुषा क्रोधदीप्तेन एवम् आह पुनः पुनः ॥
एवम् अस्त्व् इति शक्रस् तम् उवाच त्रिदशैः सह स सुरैर् अभ्यनुज्ञातो लोकं मानुषम् आगमत् ॥
स पर्वतगुहां कांचित् प्रविश्य श्रमकर्शितः सुष्वाप कालम् एतं वै यावत् कृष्णस्य दर्शनम् ॥
तत् सर्वं वासुदेवस्य नारदेन निवेदितम् वरदानं च देवेभ्यस् तेजस् तस्य च भूपतेः ॥
vairasyāntaṃ vidhitsaṃs tu vāsudevo mahāyaśāḥ niveśya dvārakāṃ rājan vṛṣṇīn āśvāsya caiva ha ||
padātiḥ puruṣavyāghro bāhupraharaṇas tadā ājagāma mahāyogī mathurāṃ madhusūdanaḥ ||
taṃ dṛṣṭvā niryayau hṛṣṭaḥ sa kālayavano ruṣā prekṣāpūrvaṃ ca kṛṣṇo 'pi niścakrāma mahābalaḥ ||
athānvagacchad govindaṃ jighṛkṣur yavaneśvaraḥ na cainam aśakad rājā grahītuṃ yogadharmiṇam ||
māndhātus tu suto rājā mucukundo mahāyaśāḥ purā devāsure yuddhe kṛtakarmā mahābalaḥ ||
vareṇa cchandito devair nidrām eva gṛhītavān śrāntasya tasya vāg evaṃ tadā prādur abhūt kila ||
prasuptam bodhayed yo māṃ taṃ daheyam ahaṃ surāḥ cakṣuṣā krodhadīptena evam āha punaḥ punaḥ ||
evam astv iti śakras tam uvāca tridaśaiḥ saha sa surair abhyanujñāto lokaṃ mānuṣam āgamat ||
sa parvataguhāṃ kāṃcit praviśya śramakarśitaḥ suṣvāpa kālam etaṃ vai yāvat kṛṣṇasya darśanam ||
tat sarvaṃ vāsudevasya nāradena niveditam varadānaṃ ca devebhyas tejas tasya ca bhūpateḥ ||
Желая положить конец вражде, славный Васудева основал Двараку, успокоил Вришни, а затем пешком, как тигр среди людей, вооружённый только руками, великий йог Мадхусудана пришёл в Матхуру. Увидев его, Калаявана радостно вышел в гневе, а могучий Кришна, бросив на него взгляд, тоже вышел. Владыка Яванов, желая схватить Говинду, погнался за ним, но не смог поймать того, чья природа йогична. У Мандхаты был сын, прославленный царь Мучукунда. В древности, совершив великий подвиг в битве богов и асуров, он был приглашён богами выбрать дар и избрал только сон. Для утомлённого царя тогда прозвучала такая речь: «О боги, кто разбудит меня спящего, того я сожгу взглядом, пылающим гневом». Он говорил это снова и снова. Шакра вместе с богами сказал ему: «Да будет так». Получив разрешение богов, Мучукунда пришёл в человеческий мир, вошёл в одну горную пещеру и, измученный трудом, спал всё это время до встречи с Кришной. Всё это было сообщено Васудеве Нарадой: и дар от богов, и сила того царя.
727803cfe5d5 · publicado 22 jun 2026, 4:37:05 UTC
Disponible enRUPasa de verso en verso con
Кришна не убегает от Калаяваны; он ведёт его к уже приготовленному законом судьбы месту. Мучукунда становится орудием божественного замысла, сам того ещё не зная.