अनुगम्यमानः कृष्णश् च तेन म्लेच्छेन शत्रुणा तां गुहां मुचुकुन्दस्य प्रविवेश विनीतवत् ॥
शिरःस्थाने तु राजर्षेर् मुचुकुन्दस्य केशवः संदर्शनपथं त्यक्त्वा तस्थौ बुद्धिमतां वरः ॥
अनुप्रविश्य यवनो ददर्श पृथिवीपतिम् प्रस्वपन्तं कृतान्ताभम् आससाद सुदुर्मतिः ॥
वासुदेवं तु तं मत्वा घट्टयाम् आस पार्थिवम् पादेनात्मविनाशाय शलभः पावकं यथा ॥
मुचुकुन्दश् च राजर्षिः पादस्पर्शविबोधितः चुकोप निच्राच्छेदेन पादस्पर्शेन तेन च ॥
संस्मृत्य च वरं शक्राद् अवैक्षत तमग्रतः स दृष्टमात्रः क्रुद्धेन संप्रजज्वाल सर्वतः ॥
ददाह पावकस् तं तु शुष्कं वृक्षम् इवाशनिः क्षणेन कालयवनं नेत्रतेजोविनिर्गतः ॥
तं वासुदेवः श्रीमन्तं चिरसुप्तं नराधिपम् कृतकार्यो ऽब्रवीद् धीमान् इदं वचनम् उत्तमम् ॥
राजंश् चिरप्रसुप्तो ऽसि कथितो नारदेन मे कृतं मे सुमहत् कार्यं स्वस्ति ते ऽस्तु व्रजाम्य् अहम् ॥
वासुदेवम् अथालक्श्य राजा ह्रस्वं प्रमाणतः परिवृत्तं युगं मेने कालेन महता ततः ॥
उवाच राजा गोविन्दं को भवान् किम् इहागतः कश् च कालः प्रसुप्तस्य यदि जानासि कथ्यताम् ॥
anugamyamānaḥ kṛṣṇaś ca tena mlecchena śatruṇā tāṃ guhāṃ mucukundasya praviveśa vinītavat ||
śiraḥsthāne tu rājarṣer mucukundasya keśavaḥ saṃdarśanapathaṃ tyaktvā tasthau buddhimatāṃ varaḥ ||
anupraviśya yavano dadarśa pṛthivīpatim prasvapantaṃ kṛtāntābham āsasāda sudurmatiḥ ||
vāsudevaṃ tu taṃ matvā ghaṭṭayām āsa pārthivam pādenātmavināśāya śalabhaḥ pāvakaṃ yathā ||
mucukundaś ca rājarṣiḥ pādasparśavibodhitaḥ cukopa nicrācchedena pādasparśena tena ca ||
saṃsmṛtya ca varaṃ śakrād avaikṣata tamagrataḥ sa dṛṣṭamātraḥ kruddhena saṃprajajvāla sarvataḥ ||
dadāha pāvakas taṃ tu śuṣkaṃ vṛkṣam ivāśaniḥ kṣaṇena kālayavanaṃ netratejovinirgataḥ ||
taṃ vāsudevaḥ śrīmantaṃ cirasuptaṃ narādhipam kṛtakāryo 'bravīd dhīmān idaṃ vacanam uttamam ||
rājaṃś ciraprasupto 'si kathito nāradena me kṛtaṃ me sumahat kāryaṃ svasti te 'stu vrajāmy aham ||
vāsudevam athālakśya rājā hrasvaṃ pramāṇataḥ parivṛttaṃ yugaṃ mene kālena mahatā tataḥ ||
uvāca rājā govindaṃ ko bhavān kim ihāgataḥ kaś ca kālaḥ prasuptasya yadi jānāsi kathyatām ||
Преследуемый этим млекчхским врагом, Кришна смиренно вошёл в пещеру Мучукунды. Лучший из мудрых Кешава встал у головы царственного риши Мучукунды, уйдя с линии взгляда. Явана, войдя следом, увидел спящего царя, подобного смерти, и крайне глупо приблизился. Приняв его за Васудеву, он ударил царя ногой на собственную погибель, как мотылёк летит в огонь. Царственный риши Мучукунда, разбуженный прикосновением ноги и разгневанный прерыванием сна, вспомнил дар Шакры и посмотрел на стоявшего перед ним. Едва увиденный разгневанным Мучукундой, Калаявана запылал со всех сторон. Огонь, вышедший из силы глаз, в мгновение сжёг Калаявану, как молния сухое дерево. Тогда мудрый Васудева, завершив дело, сказал славному царю, долго спавшему, такую превосходную речь: «О царь, ты спал долго. Нарада рассказал мне о тебе. Мною совершено очень великое дело. Да будет тебе благо; я ухожу». Увидев Васудеву, малого по размеру, царь понял, что за великое время сменилась юга, и сказал Говинде: «Кто ты? Зачем пришёл сюда? И сколько времени прошло, пока я спал? Если знаешь, расскажи».
21f2074b1ad6 · publicado 22 jun 2026, 4:37:05 UTC
Disponible enRUPasa de verso en verso con
Калаявана гибнет не от оружия Кришны, а от оскорбления спящего праведного царя. Его невежество само приводит его к огню, который был предназначен для такого пробуждения.