भीमघोषमहाघोषैः प्रासादवरचत्वरैः समुच्छ्रितपताकानि पारिप्लवनिभानि च ॥
काञ्चनाग्राणि भास्वन्ति मेरुकूटनिभानि च पाण्डुपाण्डुरशृङ्गैश् च शातकुम्भपरिच्छदैः रम्यसानुगुहाशृङ्गैर् विचित्रैर् इव पर्वतैः ॥
पञ्चवर्णसवर्णैश् च पुष्पवृष्टिसमप्रभैः पर्जन्यतुल्यनिर्घोषैर् नानारूपैर् इवाद्रिभिः ॥
दावाग्निज्वलितप्रख्यैर् निर्मितैर् विश्वकर्मणा आलिखद्भिर् इवाकाशम् अतिचन्द्रार्कभास्वरैः ॥
तैर् दाशार्हैर् महाभागैर् बभासे भवनह्रदैः वासुदेवेन्द्रपर्जन्यैर् गृहमेघैर् अलंकृता ॥
ददृशे द्वारका चारु मेघैर् द्यौर् इव संवृता साक्षाद् भगवतो वेश्म विहितं विश्वकर्मणा ॥
ददृशे वासुदेवस्य चतुर्योजनम् आयतम् तावद् एव च विस्तीर्णम् अप्रमेयं महाधनैः ॥
प्रासादवरसंपन्नैर् युक्तं जगति पर्वतैः यश् चकार महाभागस् त्वष्टा वासवचोदितः ॥
प्रासादं चैव हेमाभं सर्वभूतमनोहरम् मेरोर् इव गिरेः शृङ्गम् उच्छ्रितं काञ्चनं महत् रुक्मिण्याः प्रवरं वासं विहितं विश्वकर्मणा ॥
सत्यभामा पुनर् वेश्म यदावसत पाण्डुरम् विचित्रमणिसोपानं तद् विदुर् भोगवान् इति विमलादित्यवर्णाभिः पताकाभिर् अलंकृतम् ॥
bhīmaghoṣamahāghoṣaiḥ prāsādavaracatvaraiḥ samucchritapatākāni pāriplavanibhāni ca ||
kāñcanāgrāṇi bhāsvanti merukūṭanibhāni ca pāṇḍupāṇḍuraśṛṅgaiś ca śātakumbhaparicchadaiḥ ramyasānuguhāśṛṅgair vicitrair iva parvataiḥ ||
pañcavarṇasavarṇaiś ca puṣpavṛṣṭisamaprabhaiḥ parjanyatulyanirghoṣair nānārūpair ivādribhiḥ ||
dāvāgnijvalitaprakhyair nirmitair viśvakarmaṇā ālikhadbhir ivākāśam aticandrārkabhāsvaraiḥ ||
tair dāśārhair mahābhāgair babhāse bhavanahradaiḥ vāsudevendraparjanyair gṛhameghair alaṃkṛtā ||
dadṛśe dvārakā cāru meghair dyaur iva saṃvṛtā sākṣād bhagavato veśma vihitaṃ viśvakarmaṇā ||
dadṛśe vāsudevasya caturyojanam āyatam tāvad eva ca vistīrṇam aprameyaṃ mahādhanaiḥ ||
prāsādavarasaṃpannair yuktaṃ jagati parvataiḥ yaś cakāra mahābhāgas tvaṣṭā vāsavacoditaḥ ||
prāsādaṃ caiva hemābhaṃ sarvabhūtamanoharam meror iva gireḥ śṛṅgam ucchritaṃ kāñcanaṃ mahat rukmiṇyāḥ pravaraṃ vāsaṃ vihitaṃ viśvakarmaṇā ||
satyabhāmā punar veśma yadāvasata pāṇḍuram vicitramaṇisopānaṃ tad vidur bhogavān iti vimalādityavarṇābhiḥ patākābhir alaṃkṛtam ||
Дворцы с великим грозным звуком, с прекрасными площадями и поднятыми знамёнами казались плывущими судами. Они сияли золотыми верхами, были подобны вершинам Меру, с белыми шпилями, золотыми покрытиями, прекрасными склонами, пещерами и пиками, словно пёстрые горы. Пятицветные, сияющие как дождь цветов, гремящие как дождевые облака, они были похожи на разнообразные горы; созданные Вишвакармой, подобные пылающему лесному пожару, они словно чертили небо и сияли ярче луны и солнца. Дварака, украшенная благословенными Дашархами, домами-озёрами и домами-облаками Васудевы, Индры и Парджаньи, сияла прекрасно, словно небо, покрытое облаками. Сам дом Господа, устроенный Вишвакармой, был виден там. Кришна увидел дворец Васудевы: четыре йоджаны в длину, столько же в ширину, неизмеримо богатый, полный превосходных дворцов и подобный горам на земле; благой Тваштар создал его по велению Индры. Вишвакарма устроил для Рукмини превосходное жилище: высокий, великий, золотой дворец, чарующий всех существ, словно вершина горы Меру. А белый дом Сатьябхамы, где она жила, с разноцветными самоцветными лестницами, украшенный знамёнами, сияющими как чистое солнце, был известен как Бхогаван.
af544ed2b4d8 · publicado 22 jun 2026, 5:14:49 UTC
Disponible enRUPasa de verso en verso con
Дворцы жён Кришны описаны как части космического ландшафта: горы, облака, солнце, Меру. Дом Кришны не отделён от мира, а собирает небесные формы в человеческом городе.