तत्र प्रासादमुख्यो वै यं त्वष्टा विदधे स्वयम् योजनायतविष्कम्भः सर्वरत्नमयः शुभः ॥
स श्रीमान् विरजो नाम व्यराजत् तत्र सुप्रभः उपस्थानगृहं यत्र केशवस्य महात्मनः ॥
तस्मिन् सुविहिताः सर्वे रुक्मदण्डाः पताकिनः सदने वासुदेवस्य मार्गसंजवनध्वजाः रत्नजालानि तत्रैव तत्र तत्र निवेशिताः ॥
आहृत्य यदुसिंहेन वैजयन्तो ऽचलो महान् हंसकूटस्य यच्छृङ्गम् इन्द्रद्युम्नसरः प्रति षष्टितालसमुत्सेधम् अर्धयोजनम् आयतम् ॥
सकिंनरमहानागं तद् अप्य् अमिततेजसा पश्यतां सर्वभूतानाम् आनीतं लोकविश्रुतम् ॥
आदित्यपथगं यत् तु मेरोः शिखरम् उत्तमम् जाम्बूनदमयं दिव्यं त्रिषु लोकेषु विश्रुतम् तद् अप्य् उत्पाट्य कृष्णार्थम् आनीतं विश्वकर्मणा ॥
भ्राजमानम् अतीवोग्रं सर्वौषधिविभूषितम् तद् इन्द्रवचनात् त्वष्टा आनयत् कार्यहेतुना पारिजातस् तु तत्रैव केशवेनाहृतः स्वयम् ॥
नीयमाने हि तत्रासीद् युद्धम् अद्भुतकर्मणः कृष्णस्य यो ऽभ्यरक्षंस् तं देवाः पादपम् उत्तमम् पुण्डरीकशतैर् जुष्टं विमानैश् च हिरण्मयैः ॥
tatra prāsādamukhyo vai yaṃ tvaṣṭā vidadhe svayam yojanāyataviṣkambhaḥ sarvaratnamayaḥ śubhaḥ ||
sa śrīmān virajo nāma vyarājat tatra suprabhaḥ upasthānagṛhaṃ yatra keśavasya mahātmanaḥ ||
tasmin suvihitāḥ sarve rukmadaṇḍāḥ patākinaḥ sadane vāsudevasya mārgasaṃjavanadhvajāḥ ratnajālāni tatraiva tatra tatra niveśitāḥ ||
āhṛtya yadusiṃhena vaijayanto 'calo mahān haṃsakūṭasya yacchṛṅgam indradyumnasaraḥ prati ṣaṣṭitālasamutsedham ardhayojanam āyatam ||
sakiṃnaramahānāgaṃ tad apy amitatejasā paśyatāṃ sarvabhūtānām ānītaṃ lokaviśrutam ||
ādityapathagaṃ yat tu meroḥ śikharam uttamam jāmbūnadamayaṃ divyaṃ triṣu lokeṣu viśrutam tad apy utpāṭya kṛṣṇārtham ānītaṃ viśvakarmaṇā ||
bhrājamānam atīvograṃ sarvauṣadhivibhūṣitam tad indravacanāt tvaṣṭā ānayat kāryahetunā pārijātas tu tatraiva keśavenāhṛtaḥ svayam ||
nīyamāne hi tatrāsīd yuddham adbhutakarmaṇaḥ kṛṣṇasya yo 'bhyarakṣaṃs taṃ devāḥ pādapam uttamam puṇḍarīkaśatair juṣṭaṃ vimānaiś ca hiraṇmayaiḥ ||
Там главный дворец, который сам Тваштар создал, был прекрасен, весь из драгоценностей, в йоджану длиной и шириной. Этот славный дворец по имени Вираджа сиял ярким блеском; в нём находился приёмный зал великого Кешавы. В доме Васудевы были хорошо устроены знамена с золотыми древками, знамёна улиц и проходов, и повсюду были размещены самоцветные решётки. Великая гора Вайджаянта, принесённая львом Яду, и вершина Хамсакуты у озера Индрадьюмны, высотой в шестьдесят пальм и длиной в пол-йоджаны, с киннарами и великими нагами, также была принесена безмерно сияющим на глазах всех существ и прославилась в мире. Высшая вершина Меру, стоящая на пути солнца, божественная, из золота джамбунады и прославленная в трёх мирах, тоже была вырвана и принесена Вишвакармой ради Кришны. Сияющую, чрезвычайно грозную, украшенную всеми целебными травами, Тваштар принёс по слову Индры ради дела. А париджата была принесена самим Кешавой. Когда это превосходное дерево, украшенное сотнями лотосов и золотыми виманами, уносили, там была битва чудеснодейственного Кришны с богами, которые защищали его.
a1335dff98b7 · publicado 22 jun 2026, 5:14:49 UTC
Disponible enRUPasa de verso en verso con
В Двараку входят вершины, деревья и святыни, принадлежащие небесному пространству. Это подчёркивает, что город Кришны становится местом, куда сходятся силы трёх миров.