इत्य् एवं उक्तां रुदतीं बाष्पेणावृतलोचनाम् कुम्भाण्डदुहिता वाक्यं परमं त्व् इदम् अब्रवीत् ॥
उषे यद् उक्ता देव्यासि भर्तारं ध्यायती तदा समीपे देवदेवस्य स्मर भामिनि तद् वचः ॥
द्वादश्यां शुक्लपक्षस्य वैशाखे मासि यो निशि हर्म्ये शयानां रुदतीं स्त्रीभावम् उपनेष्यति ॥
भविता स हि ते भर्ता शूरः शत्रुनिबर्हणः इत्य् उवाच ततो हृष्टा देवी तव मनोगतम् ॥
न हि तद् वचनं मिथ्या पार्वत्या यद् उदाहृतम् तत्त्वं किम् इदम् अत्यर्थं रोदिषीन्दुनिभानने ॥
इत्य् एवम् उक्ता वचनं स्मृत्वा देवीवचस् ततः अभवन् नष्टशोका सा बाणपुत्री शुभेक्षणा ॥
स्मरामि भामिनि वचो देव्याः क्रीडागते भवे यथोक्तं सर्वम् अखिलं प्राप्तं हर्म्यतले मया ॥
भर्ता तु मम यद्य् एष लोकनाथस्य भार्यया व्यादिष्टः स कथं ज्ञेयस् तत्र कार्यं विधीयताम् ॥
इत्य् एवम् उक्ते वचने कुम्भाण्डदुहिता पुनः व्याजहार यथान्यायम् अर्थतत्त्वविशारदा ॥
न हि तस्य कुलं देवि न कीर्तिर् नापि पौरुषम् कश्चिज् जानाति तत्त्वेन किम् इदं त्वं विहन्यसे ॥
अदृष्टश् चाश्रुतश् चैव दृष्टः स्वप्ने त्वयानघे कथं ज्ञेयो भवेद् भीरु सो ऽस्माभी रतितस्करः ॥
येन त्वम् असितापाङ्गे मत्तकाशिनि विक्रमात् रुदती प्रसभं भुक्ता प्रविश्यान्तःपुरं सखि ॥
न ह्य् अयं प्राकृतः कश्चिद् यः प्रविष्टः प्रसह्य नः नगरं लोकविख्यातम् एकः शत्रुनिबर्हणः ॥
आदित्या वसवो रुद्रा अश्विनौ च महौजसौ न शक्ताः शोणितपुरं प्रवेष्टुं भीमविक्रमाः ॥
सो ऽयम् एतैः शतगुणो विशिष्टः शत्रुसूदनः प्रविष्टः शोणितपुरं बाणम् आक्रम्य मूर्धनि ॥
यस्या नैवंविधो भर्ता भवेद् युद्धविशारदः कस् तस्या जीवितेनार्थो भोगैर् वा स्याच् छुभेक्षणे ॥
धन्यास्य् अनुगृहीतासि यस्यास् ते पतिर् ईदृशः प्राप्तो देव्याः प्रसादेन पार्वत्या मत्तकाशिनि ॥
इदं तु ते कार्यतमं शृणु त्वं वै मयेरितम् विज्ञेयो यस्य पुत्रस् तु यन् नामा यत् कुलश् च सः ॥
इत्य् एवम् उक्ते वचने तत्रोषा काममोहिता उवाच कुम्भाण्डसुतां कथं ज्ञास्यामहे सखि ॥
ity evaṃ uktāṃ rudatīṃ bāṣpeṇāvṛtalocanām kumbhāṇḍaduhitā vākyaṃ paramaṃ tv idam abravīt ||
uṣe yad uktā devyāsi bhartāraṃ dhyāyatī tadā samīpe devadevasya smara bhāmini tad vacaḥ ||
dvādaśyāṃ śuklapakṣasya vaiśākhe māsi yo niśi harmye śayānāṃ rudatīṃ strībhāvam upaneṣyati ||
bhavitā sa hi te bhartā śūraḥ śatrunibarhaṇaḥ ity uvāca tato hṛṣṭā devī tava manogatam ||
na hi tad vacanaṃ mithyā pārvatyā yad udāhṛtam tattvaṃ kim idam atyarthaṃ rodiṣīndunibhānane ||
ity evam uktā vacanaṃ smṛtvā devīvacas tataḥ abhavan naṣṭaśokā sā bāṇaputrī śubhekṣaṇā ||
smarāmi bhāmini vaco devyāḥ krīḍāgate bhave yathoktaṃ sarvam akhilaṃ prāptaṃ harmyatale mayā ||
bhartā tu mama yady eṣa lokanāthasya bhāryayā vyādiṣṭaḥ sa kathaṃ jñeyas tatra kāryaṃ vidhīyatām ||
ity evam ukte vacane kumbhāṇḍaduhitā punaḥ vyājahāra yathānyāyam arthatattvaviśāradā ||
na hi tasya kulaṃ devi na kīrtir nāpi pauruṣam kaścij jānāti tattvena kim idaṃ tvaṃ vihanyase ||
adṛṣṭaś cāśrutaś caiva dṛṣṭaḥ svapne tvayānaghe kathaṃ jñeyo bhaved bhīru so 'smābhī ratitaskaraḥ ||
yena tvam asitāpāṅge mattakāśini vikramāt rudatī prasabhaṃ bhuktā praviśyāntaḥpuraṃ sakhi ||
na hy ayaṃ prākṛtaḥ kaścid yaḥ praviṣṭaḥ prasahya naḥ nagaraṃ lokavikhyātam ekaḥ śatrunibarhaṇaḥ ||
ādityā vasavo rudrā aśvinau ca mahaujasau na śaktāḥ śoṇitapuraṃ praveṣṭuṃ bhīmavikramāḥ ||
so 'yam etaiḥ śataguṇo viśiṣṭaḥ śatrusūdanaḥ praviṣṭaḥ śoṇitapuraṃ bāṇam ākramya mūrdhani ||
yasyā naivaṃvidho bhartā bhaved yuddhaviśāradaḥ kas tasyā jīvitenārtho bhogair vā syāc chubhekṣaṇe ||
dhanyāsy anugṛhītāsi yasyās te patir īdṛśaḥ prāpto devyāḥ prasādena pārvatyā mattakāśini ||
idaṃ tu te kāryatamaṃ śṛṇu tvaṃ vai mayeritam vijñeyo yasya putras tu yan nāmā yat kulaś ca saḥ ||
ity evam ukte vacane tatroṣā kāmamohitā uvāca kumbhāṇḍasutāṃ kathaṃ jñāsyāmahe sakhi ||
«Тогда дочерь Кумбханды сказала плачущей Уше, чьи глаза были закрыты слезами, важные слова: “Уша, вспомни то слово, которое Деви сказала тебе, когда ты думала о муже рядом с богом богов. Тот герой, сокрушитель врагов, кто ночью в месяце Вайшакха, на двадаши светлой половины, приведёт тебя, лежащую и плачущую в чертоге, к женскому состоянию, и станет твоим мужем. Так радостная Деви сказала о твоём желании. Слово Парвати не бывает ложным. Если так, почему ты так сильно плачешь, луноликая?” Услышав это и вспомнив речь Деви, прекрасноглазая дочь Баны оставила скорбь. Она сказала: “Красавица, я помню слова Деви, сказанные во время игры Бхавы. Всё, как было сказано, полностью сбылось со мной в чертоге. Но если он мой муж, назначенный супругой владыки мира, как его узнать? Надо устроить это дело”. Тогда дочь Кумбханды, знаток сути дела, снова ответила как следует: “Деви, никто точно не знает ни его рода, ни славы, ни мужества. Почему ты мучишься? Он невиданный и неслыханный, и ты видела его во сне, безгрешная. Как нам узнать этого похитителя любви, робкая? Он силой вошёл в женские покои и насильно взял тебя, плачущую, темноглазая подруга. Но он явно не обычный: один вошёл к нам силой, в город, известный миру, как сокрушитель врагов. Адитьи, Васу, Рудры и два могучих Ашвина не способны войти в Шонитапуру, хотя страшно сильны. Значит, этот губитель врагов превосходит их в сто раз, раз он вошёл в Шонитапуру, словно наступив на голову Баны. Прекрасноглазая, какая польза от жизни или наслаждений той, у кого нет такого мужа, искусного в бою? Ты счастлива и благословлена, сияющая красавица: милостью Парвати ты обрела такого мужа. Но вот главное дело: надо узнать, чей он сын, как его имя и род”. Когда были сказаны эти слова, Уша, охваченная любовью, сказала дочери Кумбханды: “Как мы узнаем это, подруга?”»
ca19d1ec3a1a · publicado 22 jun 2026, 6:08:03 UTC
Disponible enRUPasa de verso en verso con
Читралекха переводит событие из стыда в распознавание судьбы. Если слово Парвати истинно, задача уже не в том, чтобы отвергнуть случившееся, а в том, чтобы узнать назначенного мужа.