वैशंपायन उवाच
इत्य् उक्त्वा स नृपः शोचन् निषसाद महीतले ॥
तम् अध्यात्मरतिर् विद्वाञ् शौनको नाम वै द्विजः ॥
योगे सांख्ये च कुशलो राजानम् इदम् अब्रवीत् ॥
शोकस्थानसहस्राणि भयस्थानशतानि च ॥
दिवसे दिवसे मूढम् आविशन्ति न पण्डितम् ॥
न हि ज्ञानविरुद्धेषु बहुदोषेषु कर्मसु ॥
श्रेयोघातिषु सज्जन्ते बुद्धिमन्तो भवद्विधाः ॥
अष्टाङ्गां बुद्धिम् आहुर् यां सर्वाश्रेयोविघातिनीम् ॥
श्रुतिस्मृतिसमायुक्तां सा राजंस् त्वय्य् अवस्थिता ॥
अर्थकृच्छ्रेषु दुर्गेषु व्यापत्सु स्वजनस्य च ॥
शारीरमानसैर् दुःखैर् न सीदन्ति भवद्विधाः ॥
श्रूयतां चाभिधास्यामि जनकेन यथा पुरा ॥
आत्मव्यवस्थानकरा गीताः श्लोका महात्मना ॥
मनोदेहसमुत्थाभ्यां दुःखाभ्याम् अर्दितं जगत् ॥
तयोर् व्याससमासाभ्यां शमोपायम् इमं शृणु ॥
vaiśaṃpāyana uvāca
ity uktvā sa nṛpaḥ śocan niṣasāda mahītale ||
tam adhyātmaratir vidvāñ śaunako nāma vai dvijaḥ ||
yoge sāṃkhye ca kuśalo rājānam idam abravīt ||
śokasthānasahasrāṇi bhayasthānaśatāni ca ||
divase divase mūḍham āviśanti na paṇḍitam ||
na hi jñānaviruddheṣu bahudoṣeṣu karmasu ||
śreyoghātiṣu sajjante buddhimanto bhavadvidhāḥ ||
aṣṭāṅgāṃ buddhim āhur yāṃ sarvāśreyovighātinīm ||
śrutismṛtisamāyuktāṃ sā rājaṃs tvayy avasthitā ||
arthakṛcchreṣu durgeṣu vyāpatsu svajanasya ca ||
śārīramānasair duḥkhair na sīdanti bhavadvidhāḥ ||
śrūyatāṃ cābhidhāsyāmi janakena yathā purā ||
ātmavyavasthānakarā gītāḥ ślokā mahātmanā ||
manodehasamutthābhyāṃ duḥkhābhyām arditaṃ jagat ||
tayor vyāsasamāsābhyāṃ śamopāyam imaṃ śṛṇu ||
Having said this, the king, grieving, sat down upon the ground. Then the wise brahmin named Shaunaka, who delighted in spiritual knowledge and was skilled in yoga and sankhya, said to him: ‘Thousands of grounds for grief and hundreds of grounds for fear enter the foolish day after day, but not the wise. The intelligent, such as you, do not cling to deeds contrary to knowledge, full of faults, and destructive of the highest good. That eightfold wisdom, joined with shruti and smriti, which destroys all that is unfavorable, abides in you, O king. In hardships born of want, in dangers, and in the misfortunes of kin, people like you do not sink under bodily and mental suffering. Listen, and I will tell you the verses once sung by the great Janaka, which establish the self within itself. The world is tormented by two sufferings, born of mind and body; hear now, briefly and in detail, the means of pacifying them.’
72082cf5b85d · publicado 16 jul 2026, 16:33:27 UTC
Disponible enRUENPasa de verso en verso con
Shaunaka does not dismiss Yudhishthira's pain, but restores it to its proper place. Grief is acknowledged as real, yet not as supreme. Above it stands knowledge, remembrance of the self, and the path of inner mastery.