वैशंपायन उवाच
ततो व्यावृत्य राजानं दुर्योधनम् अमर्षणम् ॥
उवाच श्लक्ष्णया वाचा मैत्रेयो भगवान् ऋषिः ॥
दुर्योधन महाबाहो निबोध वदतां वर ॥
वचनं मे महाप्राज्ञ ब्रुवतो यद् धितं तव ॥
मा द्रुहः पाण्डवान् राजन् कुरुष्व हितम् आत्मनः ॥
पाण्डवानां कुरूणां च लोकस्य च नरर्षभ ॥
ते हि सर्वे नरव्याघ्राः शूरा विक्रान्तयोधिनः ॥
सर्वे नागायुतप्राणा वज्रसंहनना दृढाः ॥
सत्यव्रतपराः सर्वे सर्वे पुरुषमानिनः ॥
हन्तारो देवशत्रूणां रक्षसां कामरूपिणाम् ॥
हिडिम्बबकमुख्यानां किर्मीरस्य च रक्षसः ॥
इतः प्रच्यवतां रात्रौ यः स तेषां महात्मनाम् ॥
आवृत्य मार्गं रौद्रात्मा तस्थौ गिरिर् इवाचलः ॥
तं भीमः समरश्लाघी बलेन बलिनां वरः ॥
जघान पशुमारेण व्याघ्रः क्षुद्रमृगं यथा ॥
पश्य दिग्विजये राजन् यथा भीमेन पातितः ॥
जरासंधो महेष्वासो नागायुतबलो युधि ॥
संबन्धी वासुदेवश् च येषां श्यालश् च पार्षतः ॥
कस् तान् युधि समासीत जरामरणवान् नरः ॥
तस्य ते शम एवास्तु पाण्डवैर् भरतर्षभ ॥
कुरु मे वचनं राजन् मा मृत्युवशम् अन्वगाः ॥
vaiśaṃpāyana uvāca
tato vyāvṛtya rājānaṃ duryodhanam amarṣaṇam ||
uvāca ślakṣṇayā vācā maitreyo bhagavān ṛṣiḥ ||
duryodhana mahābāho nibodha vadatāṃ vara ||
vacanaṃ me mahāprājña bruvato yad dhitaṃ tava ||
mā druhaḥ pāṇḍavān rājan kuruṣva hitam ātmanaḥ ||
pāṇḍavānāṃ kurūṇāṃ ca lokasya ca nararṣabha ||
te hi sarve naravyāghrāḥ śūrā vikrāntayodhinaḥ ||
sarve nāgāyutaprāṇā vajrasaṃhananā dṛḍhāḥ ||
satyavrataparāḥ sarve sarve puruṣamāninaḥ ||
hantāro devaśatrūṇāṃ rakṣasāṃ kāmarūpiṇām ||
hiḍimbabakamukhyānāṃ kirmīrasya ca rakṣasaḥ ||
itaḥ pracyavatāṃ rātrau yaḥ sa teṣāṃ mahātmanām ||
āvṛtya mārgaṃ raudrātmā tasthau girir ivācalaḥ ||
taṃ bhīmaḥ samaraślāghī balena balināṃ varaḥ ||
jaghāna paśumāreṇa vyāghraḥ kṣudramṛgaṃ yathā ||
paśya digvijaye rājan yathā bhīmena pātitaḥ ||
jarāsaṃdho maheṣvāso nāgāyutabalo yudhi ||
saṃbandhī vāsudevaś ca yeṣāṃ śyālaś ca pārṣataḥ ||
kas tān yudhi samāsīta jarāmaraṇavān naraḥ ||
tasya te śama evāstu pāṇḍavair bharatarṣabha ||
kuru me vacanaṃ rājan mā mṛtyuvaśam anvagāḥ ||
Vaishampayana said: "Then the venerable sage Maitreya, turning from the king to the intolerant Duryodhana, spoke gently: 'Duryodhana, mighty-armed one, hear my word, spoken for your own good. Do not harm the Pandavas; do good for yourself, for the Pandavas, for the Kurus, and for the world. They are all tigers among men, heroes, valiant warriors, with the strength of ten thousand elephants, firm as if forged of thunderbolt. They are devoted to truth and hold to manly honor; they have slain enemies of the gods — rakshasas who take any form at will, such as Hidimba, Baka, and Kirmira. When they were leaving this place by night, the fierce Kirmira blocked their path, standing unmoving like a mountain, but Bhima, the foremost of the strong, killed him as a tiger kills small game. Remember too Jarasandha, the great archer, whose strength equaled ten thousand elephants, whom Bhima felled in battle. Their kinsman is Vasudeva, their ally is the son of Prishata. What mortal man, subject to old age and death, would face them in battle? Therefore let there be peace with the Pandavas. Do as I say and do not fall under the sway of death.'"
ccd105ffa2be · publicado 16 jul 2026, 16:44:34 UTC
Disponible enRUENPasa de verso en verso con
Maitreya begins gently, but his gentleness is not weakness. He shows Duryodhana not only moral duty but the reality of strength: the righteous Pandavas are not helpless. Peace is offered here as the last reasonable door before self-destruction.