अथ मेघस्वनो धीमान् व्याजहार शुभां गिरम् ॥
यमः परमधर्मज्ञो दक्षिणां दिशम् आस्थितः ॥
अर्जुनार्जुन पश्यास्मांल् लोकपालान् समागतान् ॥
दृष्टिं ते वितरामो ऽद्य भवान् अर्हो हि दर्शनम् ॥
पूर्वर्षिर् अमितात्मा त्वं नरो नाम महाबलः ॥
नियोगाद् ब्रह्मणस् तात मर्त्यतां समुपागतः ॥
त्वं वासवसमुद्भूतो महावीर्यपराक्रमः ॥
क्षत्रं चाग्निसमस्पर्शं भारद्वाजेन रक्षितम् ॥
दानवाश् च महावीर्या ये मनुष्यत्वम् आगताः ॥
निवातकवचाश् चैव संसाध्याः कुरुनन्दन ॥
पितुर् ममांशो देवस्य सर्वलोकप्रतापिनः ॥
कर्णः स सुमहावीर्यस् त्वया वध्यो धनंजय ॥
अंशाश् च क्षितिसंप्राप्ता देवगन्धर्वरक्षसाम् ॥
तया निपातिता युद्धे स्वकर्मफलनिर्जिताम् ॥
गतिं प्राप्स्यन्ति कौन्तेय यथास्वम् अरिकर्शन ॥
अक्षया तव कीर्तिश् च लोके स्थास्यति फल्गुन ॥
त्वया साक्षान् महादेवस् तोषितो हि महामृधे ॥
लघ्वी वसुमती चापि कर्तव्या विष्णुना सह ॥
गृहाणास्त्रं महाबाहो दण्डम् अप्रतिवारणम् ॥
अनेनास्त्रेण सुमहत् त्वं हि कर्म करिष्यसि ॥
प्रतिजग्राह तत् पार्थो विधिवत् कुरुनन्दनः ॥
समन्त्रं सोपचारं च समोक्षं सनिवर्तनम् ॥
atha meghasvano dhīmān vyājahāra śubhāṃ giram ||
yamaḥ paramadharmajño dakṣiṇāṃ diśam āsthitaḥ ||
arjunārjuna paśyāsmāṃl lokapālān samāgatān ||
dṛṣṭiṃ te vitarāmo 'dya bhavān arho hi darśanam ||
pūrvarṣir amitātmā tvaṃ naro nāma mahābalaḥ ||
niyogād brahmaṇas tāta martyatāṃ samupāgataḥ ||
tvaṃ vāsavasamudbhūto mahāvīryaparākramaḥ ||
kṣatraṃ cāgnisamasparśaṃ bhāradvājena rakṣitam ||
dānavāś ca mahāvīryā ye manuṣyatvam āgatāḥ ||
nivātakavacāś caiva saṃsādhyāḥ kurunandana ||
pitur mamāṃśo devasya sarvalokapratāpinaḥ ||
karṇaḥ sa sumahāvīryas tvayā vadhyo dhanaṃjaya ||
aṃśāś ca kṣitisaṃprāptā devagandharvarakṣasām ||
tayā nipātitā yuddhe svakarmaphalanirjitām ||
gatiṃ prāpsyanti kaunteya yathāsvam arikarśana ||
akṣayā tava kīrtiś ca loke sthāsyati phalguna ||
tvayā sākṣān mahādevas toṣito hi mahāmṛdhe ||
laghvī vasumatī cāpi kartavyā viṣṇunā saha ||
gṛhāṇāstraṃ mahābāho daṇḍam aprativāraṇam ||
anenāstreṇa sumahat tvaṃ hi karma kariṣyasi ||
pratijagrāha tat pārtho vidhivat kurunandanaḥ ||
samantraṃ sopacāraṃ ca samokṣaṃ sanivartanam ||
From the southern quarter Yama spoke: 'Arjuna, behold us, the assembled guardians of the world. We grant you sight: you are worthy to see us. You are the ancient sage Nara, come into mortality by Brahma's command, and you are born of Vasava. The kshatriya power guarded by Bharadvaja, the great danavas who have become men, and the Nivatakavachas must be overcome. Karna, a portion of my all-blazing father, will be slain by you. Beings fallen in battle will attain the fruit of their deeds. Your glory shall stand imperishable in the world, for you have satisfied Mahadeva; together with Vishnu you must lighten the earth's burden. Take my irresistible rod: with this weapon you shall accomplish a great deed.' Partha accepted it according to rule, with its mantras, rites, release, and recall.
c8b347f24ed8 · publicado 16 jul 2026, 16:51:20 UTC
Disponible enRUENPasa de verso en verso con
Yama speaks of war as the restoration of balance: some forces must fall, others must reap the fruit of their karma. Arjuna becomes an instrument not of vengeance, but of the earth's purification.