लोमश उवाच
एतस्मिन्न् एव काले तु बृहद्द्युम्नो महीपतिः ॥
सत्रम् आस्ते महाभागो रैभ्ययाज्यः प्रतापवान् ॥
तेन रैभ्यस्य वै पुत्राव् अर्वावसुपरावसू ॥
वृतौ सहायौ सत्रार्थे बृहद्द्युम्नेन धीमता ॥
तत्र तौ समनुज्ञातौ पित्रा कौन्तेय जग्मतुः ॥
आश्रमे त्व् अभवद् रैभ्यो भार्या चैव परावसोः ॥
अथावलोकको ऽगच्छद् गृहान् एकः परावसुः ॥
कृष्णाजिनेन संवीतं ददर्श पितरं वने ॥
जघन्यरात्रे निद्रान्धः सावशेषे तमस्य् अपि ॥
चरन्तं गहने ऽरण्ये मेने स पितरं मृगम् ॥
मृगं तु मन्यमानेन पिता वै तेन हिंसितः ॥
अकामयानेन तदा शरीरत्राणम् इच्छता ॥
स तस्य प्रेतकार्याणि कृत्वा सर्वाणि भारत ॥
पुनर् आगम्य तत् सत्रम् अब्रवीद् भ्रातरं वचः ॥
इदं कर्म न शक्तस् त्वं वोढुम् एकः कथं चन ॥
मया तु हिंसितस् तातो मन्यमानेन तं मृगम् ॥
सो ऽस्मदर्थे व्रतं साधु चर त्वं ब्रह्महिंसनम् ॥
समर्थो ह्य् अहम् एकाकी कर्म कर्तुम् इदं मुने ॥
अर्वावसुर् उवाच
करोतु वै भवान् सत्रं बृहद्द्युम्नस्य धीमतः ॥
ब्रह्महत्यां चरिष्ये ऽहं त्वदर्थं नियतेन्द्रियः ॥
lomaśa uvāca
etasminn eva kāle tu bṛhaddyumno mahīpatiḥ ||
satram āste mahābhāgo raibhyayājyaḥ pratāpavān ||
tena raibhyasya vai putrāv arvāvasuparāvasū ||
vṛtau sahāyau satrārthe bṛhaddyumnena dhīmatā ||
tatra tau samanujñātau pitrā kaunteya jagmatuḥ ||
āśrame tv abhavad raibhyo bhāryā caiva parāvasoḥ ||
athāvalokako 'gacchad gṛhān ekaḥ parāvasuḥ ||
kṛṣṇājinena saṃvītaṃ dadarśa pitaraṃ vane ||
jaghanyarātre nidrāndhaḥ sāvaśeṣe tamasy api ||
carantaṃ gahane 'raṇye mene sa pitaraṃ mṛgam ||
mṛgaṃ tu manyamānena pitā vai tena hiṃsitaḥ ||
akāmayānena tadā śarīratrāṇam icchatā ||
sa tasya pretakāryāṇi kṛtvā sarvāṇi bhārata ||
punar āgamya tat satram abravīd bhrātaraṃ vacaḥ ||
idaṃ karma na śaktas tvaṃ voḍhum ekaḥ kathaṃ cana ||
mayā tu hiṃsitas tāto manyamānena taṃ mṛgam ||
so 'smadarthe vrataṃ sādhu cara tvaṃ brahmahiṃsanam ||
samartho hy aham ekākī karma kartum idaṃ mune ||
arvāvasur uvāca
karotu vai bhavān satraṃ bṛhaddyumnasya dhīmataḥ ||
brahmahatyāṃ cariṣye 'haṃ tvadarthaṃ niyatendriyaḥ ||
Lomasha said: "At this very time, the great king Brihaddyumna, blessed and mighty, was performing a sattra, and Raibhya was his priest. The wise Brihaddyumna chose Raibhya's two sons, Arvavasu and Paravasu, as his assistants for the sattra. With their father's permission, O Kaunteya, the two of them set out for it; Raibhya and Paravasu's wife remained behind in the ashram. One day Paravasu went home alone to look in, and in the forest he saw his father, wrapped in a black antelope skin. In the last watch of the night, blinded by sleep, while darkness still remained, he mistook his father, who was walking in the dense forest, for a wild beast. Taking him for a beast, he unwittingly killed his father, wishing only to protect his own body. Having performed all the funeral rites, O Bharata, he came again to the sattra and said to his brother: 'You alone can never bear this task. For I have killed our father, mistaking him for a beast. For our sake, perform well the vow of atonement for the killing of a brahmin; and I, O sage, am able to carry out this work alone.' Arvavasu said: 'Let you carry on the sattra of the wise Brihaddyumna. I, restraining my senses, will perform the brahmahatya-vow for your sake.'"
b8bd82dcc603 · publicado 16 jul 2026, 17:06:20 UTC
Disponible enRUENPasa de verso en verso con
Paravasu commits an involuntary sin, but then shifts the atonement onto his brother. Thus guilt begins to deepen: a mistake becomes a lie once a person hides it behind another's penance.