विराट उवाच
किमर्थं पाण्डवश्रेष्ठ भार्यां दुहितरं मम ॥
प्रतिग्रहीतुं नेमां त्वं मया दत्ताम् इहेच्छसि ॥
अर्जुन उवाच
अन्तःपुरे ऽहम् उषितः सदा पश्यन् सुतां तव ॥
रहस्यं च प्रकाशं च विश्वस्ता पितृवन् मयि ॥
प्रियो बहुमतश् चाहं नर्तको गीतकोविदः ॥
आचार्यवच् च मां नित्यं मन्यते दुहिता तव ॥
वयःस्थया तया राजन् सह संवत्सरोषितः ॥
अतिशङ्का भवेत् स्थाने तव लोकस्य चाभिभो ॥
तस्मान् निमन्त्रये त्वाहं दुहितुः पृथिवीपते ॥
शुद्धो जितेन्द्रियो दान्तस् तस्याः शुद्धिः कृता मया ॥
स्नुषाया दुहितुर् वापि पुत्रे चात्मनि वा पुनः ॥
अत्र शङ्कां न पश्यामि तेन शुद्धिर् भविष्यति ॥
अभिषङ्गाद् अहं भीतो मिथ्याचारात् परंतप ॥
स्नुषार्थम् उत्तरां राजन् प्रतिगृह्णामि ते सुताम् ॥
स्वस्रीयो वासुदेवस्य साक्षाद् देवशिशुर् यथा ॥
दयितश् चक्रहस्तस्य बाल एवास्त्रकोविदः ॥
अभिमन्युर् महाबाहुः पुत्रो मम विशां पते ॥
जामाता तव युक्तो वै भर्ता च दुहितुस् तव ॥
virāṭa uvāca
kimarthaṃ pāṇḍavaśreṣṭha bhāryāṃ duhitaraṃ mama ||
pratigrahītuṃ nemāṃ tvaṃ mayā dattām ihecchasi ||
arjuna uvāca
antaḥpure 'ham uṣitaḥ sadā paśyan sutāṃ tava ||
rahasyaṃ ca prakāśaṃ ca viśvastā pitṛvan mayi ||
priyo bahumataś cāhaṃ nartako gītakovidaḥ ||
ācāryavac ca māṃ nityaṃ manyate duhitā tava ||
vayaḥsthayā tayā rājan saha saṃvatsaroṣitaḥ ||
atiśaṅkā bhavet sthāne tava lokasya cābhibho ||
tasmān nimantraye tvāhaṃ duhituḥ pṛthivīpate ||
śuddho jitendriyo dāntas tasyāḥ śuddhiḥ kṛtā mayā ||
snuṣāyā duhitur vāpi putre cātmani vā punaḥ ||
atra śaṅkāṃ na paśyāmi tena śuddhir bhaviṣyati ||
abhiṣaṅgād ahaṃ bhīto mithyācārāt paraṃtapa ||
snuṣārtham uttarāṃ rājan pratigṛhṇāmi te sutām ||
svasrīyo vāsudevasya sākṣād devaśiśur yathā ||
dayitaś cakrahastasya bāla evāstrakovidaḥ ||
abhimanyur mahābāhuḥ putro mama viśāṃ pate ||
jāmātā tava yukto vai bhartā ca duhitus tava ||
Virata said: 'Why, best of the Pandavas, do you not wish to accept as wife my daughter, given by me to you here?' Arjuna said: 'I dwelt in the inner chambers and always saw your daughter — both in private and in public. She trusted me as a father. I was dear and honored as a dancer and master of song, and your daughter always regarded me as a teacher. O king, I lived a year together with a girl of ripe age; suspicion on your part and on the part of the people would be natural. Therefore I ask you for your daughter as a daughter-in-law, lord of the earth. I am pure, I have conquered my senses and am self-controlled; her purity has been established by me. Regarding a daughter-in-law or a daughter, a son or oneself, I see no cause for suspicion here; thus purity shall be. I fear accusation and false conduct, O scorcher of foes; therefore I accept your daughter Uttara for my son. Abhimanyu, my great-armed son, nephew of Vasudeva, like a divine child, dear to the wielder of the discus, still young yet skilled in arms — is a fitting son-in-law for you and husband for your daughter, O lord of men.'
cc2a24573fc0 · publicado 16 jul 2026, 18:42:56 UTC
Disponible enRUENPasa de verso en verso con
Arjuna places Uttara's unblemished reputation above his own advantage. His purity shows itself not in words about himself, but in his concern for the girl's dignity.