हेमकूटस् तु सुमहान् कैलासो नाम पर्वतः ॥
यत्र वैश्रवणो राजा गुह्यकैः सह मोदते ॥
अस्त्य् उत्तरेण कैलासं मैनाकं पर्वतं प्रति ॥
हिरण्यशृङ्गः सुमहान् दिव्यो मणिमयो गिरिः ॥
तस्य पार्श्वे महद् दिव्यं शुभं काञ्चनवालुकम् ॥
रम्यं बिन्दुसरो नाम यत्र राजा भगीरथः ॥
दृष्ट्वा भागीरथीं गङ्गाम् उवास बहुलाः समाः ॥
यूपा मणिमयास् तत्र चित्याश् चापि हिरण्मयाः ॥
तत्रेष्ट्वा तु गतः सिद्धिं सहस्राक्षो महायशाः ॥
सृष्ट्वा भूतपतिर् यत्र सर्वलोकान् सनातनः ॥
उपास्यते तिग्मतेजा वृतो भूतैः समागतैः ॥
नरनारायणौ ब्रह्मा मनुः स्थाणुश् च पञ्चमः ॥
तत्र त्रिपथगा देवी प्रथमं तु प्रतिष्ठिता ॥
ब्रह्मलोकाद् अपक्रान्ता सप्तधा प्रतिपद्यते ॥
वस्वोकसारा नलिनी पावना च सरस्वती ॥
जम्बूनदी च सीता च गङ्गा सिन्धुश् च सप्तमी ॥
अचिन्त्या दिव्यसंकल्पा प्रभोर् एषैव संविधिः ॥
उपासते यत्र सत्रं सहस्रयुगपर्यये ॥
दृश्यादृश्या च भवति तत्र तत्र सरस्वती ॥
एता दिव्याः सप्त गङ्गास् त्रिषु लोकेषु विश्रुताः ॥
hemakūṭas tu sumahān kailāso nāma parvataḥ ||
yatra vaiśravaṇo rājā guhyakaiḥ saha modate ||
asty uttareṇa kailāsaṃ mainākaṃ parvataṃ prati ||
hiraṇyaśṛṅgaḥ sumahān divyo maṇimayo giriḥ ||
tasya pārśve mahad divyaṃ śubhaṃ kāñcanavālukam ||
ramyaṃ bindusaro nāma yatra rājā bhagīrathaḥ ||
dṛṣṭvā bhāgīrathīṃ gaṅgām uvāsa bahulāḥ samāḥ ||
yūpā maṇimayās tatra cityāś cāpi hiraṇmayāḥ ||
tatreṣṭvā tu gataḥ siddhiṃ sahasrākṣo mahāyaśāḥ ||
sṛṣṭvā bhūtapatir yatra sarvalokān sanātanaḥ ||
upāsyate tigmatejā vṛto bhūtaiḥ samāgataiḥ ||
naranārāyaṇau brahmā manuḥ sthāṇuś ca pañcamaḥ ||
tatra tripathagā devī prathamaṃ tu pratiṣṭhitā ||
brahmalokād apakrāntā saptadhā pratipadyate ||
vasvokasārā nalinī pāvanā ca sarasvatī ||
jambūnadī ca sītā ca gaṅgā sindhuś ca saptamī ||
acintyā divyasaṃkalpā prabhor eṣaiva saṃvidhiḥ ||
upāsate yatra satraṃ sahasrayugaparyaye ||
dṛśyādṛśyā ca bhavati tatra tatra sarasvatī ||
etā divyāḥ sapta gaṅgās triṣu lokeṣu viśrutāḥ ||
The great Hemakuta is called the mountain Kailasa; there King Vaishravana delights together with the guhyakas. To the north of Kailasa, toward Mount Mainaka, lies the great divine mountain Hiranyashringa, made of gems. On its slope lies a great, divine, beautiful and pleasant lake with golden sand, called Bindusaras; there King Bhagiratha, having beheld the Ganga Bhagirathi, dwelt for many years. There stand jewelled sacrificial posts and golden altars; having performed sacrifice there, the greatly renowned Thousand-Eyed one attained perfection. There the eternal Lord of Creatures, having created all the worlds, is worshipped in the company of assembled beings; with him are Nara and Narayana, Brahma, Manu, and Sthanu as the fifth. There the goddess who flows in three paths was first established; descending from the world of Brahma, she divides into seven streams: Vasvokasara, Nalini, Pavana, Sarasvati, Jambunadi, Sita, Ganga, and the seventh, Sindhu. Inconceivable is this divine design of the Lord: there, at the turn of a thousand yugas, a long sacrificial rite is performed. Sarasvati, in various places, is now visible, now invisible. These seven divine Gangas are renowned throughout the three worlds.
51cc7032efa0 · publicado 17 jul 2026, 20:37:17 UTC
Disponible enRUENPasa de verso en verso con
The account of Bindusaras and the seven streams of the Ganga binds cosmography to the order of sacrifice and the sacred. Water here is more than a natural element: it carries a descending grace, joining Brahmaloka, the earth, and the paths of purification, while remaining an inconceivable ordinance of the Lord.