कुशद्वीपे तु राजेन्द्र पर्वतो विद्रुमैश् चितः ॥
सुधामा नाम दुर्धर्षो द्वितीयो हेमपर्वतः ॥
द्युतिमान् नाम कौरव्य तृतीयः कुमुदो गिरिः ॥
चतुर्थः पुष्पवान् नाम पञ्चमस् तु कुशेशयः ॥
षष्ठो हरिगिरिर् नाम षड् एते पर्वतोत्तमाः ॥
तेषाम् अन्तरविष्कम्भो द्विगुणः प्रविभागशः ॥
औद्भिदं प्रथमं वर्षं द्वितीयं वेणुमण्डलम् ॥
तृतीयं वै रथाकारं चतुर्थं पालनं स्मृतम् ॥
धृतिमत् पञ्चमं वर्षं षष्ठं वर्षं प्रभाकरम् ॥
सप्तमं कापिलं वर्षं सप्तैते वर्षपुञ्जकाः ॥
एतेषु देवगन्धर्वाः प्रजाश् च जगतीश्वर ॥
विहरन्ति रमन्ते च न तेषु म्रियते जनः ॥
न तेषु दस्यवः सन्ति म्लेच्छजात्यो ऽपि वा नृप ॥
गौरप्रायो जनः सर्वः सुकुमारश् च पार्थिव ॥
अवशिष्टेषु वर्षेषु वक्ष्यामि मनुजेश्वर ॥
यथाश्रुतं महाराज तद् अव्यग्रमनाः शृणु ॥
kuśadvīpe tu rājendra parvato vidrumaiś citaḥ ||
sudhāmā nāma durdharṣo dvitīyo hemaparvataḥ ||
dyutimān nāma kauravya tṛtīyaḥ kumudo giriḥ ||
caturthaḥ puṣpavān nāma pañcamas tu kuśeśayaḥ ||
ṣaṣṭho harigirir nāma ṣaḍ ete parvatottamāḥ ||
teṣām antaraviṣkambho dviguṇaḥ pravibhāgaśaḥ ||
audbhidaṃ prathamaṃ varṣaṃ dvitīyaṃ veṇumaṇḍalam ||
tṛtīyaṃ vai rathākāraṃ caturthaṃ pālanaṃ smṛtam ||
dhṛtimat pañcamaṃ varṣaṃ ṣaṣṭhaṃ varṣaṃ prabhākaram ||
saptamaṃ kāpilaṃ varṣaṃ saptaite varṣapuñjakāḥ ||
eteṣu devagandharvāḥ prajāś ca jagatīśvara ||
viharanti ramante ca na teṣu mriyate janaḥ ||
na teṣu dasyavaḥ santi mlecchajātyo 'pi vā nṛpa ||
gauraprāyo janaḥ sarvaḥ sukumāraś ca pārthiva ||
avaśiṣṭeṣu varṣeṣu vakṣyāmi manujeśvara ||
yathāśrutaṃ mahārāja tad avyagramanāḥ śṛṇu ||
In Kushadvipa, O lord of kings, there is a mountain studded with corals; it is called Sudhama, unassailable — the second is a mountain of gold. The third, O Kaurava, is called Dyutiman; the mountain Kumuda is the fourth; the fifth is called Pushpavan, the sixth is Kusheshaya, and the sixth of the finest mountains is Harigiri. Between these finest mountains the intervals double at each division. The first varsha is Audbhida, the second Venumandala, the third Rathakara, the fourth is reckoned Palana, the fifth Dhritimat, the sixth Prabhakara, the seventh Kapila: such are these seven groups of varshas. In them, O lord of the earth, gods, gandharvas, and peoples roam and take their delight; there no one dies. In them there are no bandits, O king, nor even tribes of mlecchas; all the people there are mostly fair and delicate, O earthly lord. O lord of men, now I shall tell of the remaining varshas as I have heard them; listen with a focused mind, O great king.'
73ad582f11f1 · publicado 17 jul 2026, 20:47:27 UTC
Disponible enRUENPasa de verso en verso con
Kushadvipa appears as a realm of ordered mountains and varshas, free of death, banditry, and savagery. This absence of violence and decay is bound up with a higher quality of life and with the presence of divine and celestial beings.