संजय उवाच
त्वद्युक्तो ऽयम् अनुप्रश्नो महाराज यथार्हसि ॥
न तु दुर्योधने दोषम् इमम् आसक्तुम् अर्हसि ॥
य आत्मनो दुश्चरिताद् अशुभं प्राप्नुयान् नरः ॥
एनसा तेन नान्यं स उपाशङ्कितुम् अर्हति ॥
महाराज मनुष्येषु निन्द्यं यः सर्वम् आचरेत् ॥
स वध्यः सर्वलोकस्य निन्दितानि समाचरन् ॥
निकारो निकृतिप्रज्ञैः पाण्डवैस् त्वत्प्रतीक्षया ॥
अनुभूतः सहामात्यैः क्षान्तं च सुचिरं वने ॥
हयानां च गजानां च शूराणां चामितौजसाम् ॥
प्रत्यक्षं यन् मया दृष्टं दृष्टं योगबलेन च ॥
शृणु तत् पृथिवीपाल मा च शोके मनः कृथाः ॥
दिष्टम् एतत् पुरा नूनम् एवंभावि नराधिप ॥
नमस्कृत्वा पितुस् ते ऽहं पाराशर्याय धीमते ॥
यस्य प्रसादाद् दिव्यं मे प्राप्तं ज्ञानम् अनुत्तमम् ॥
दृष्टिश् चातीन्द्रिया राजन् दूराच् छ्रवणम् एव च ॥
परचित्तस्य विज्ञानम् अतीतानागतस्य च ॥
व्युत्थितोत्पत्तिविज्ञानम् आकाशे च गतिः सदा ॥
शस्त्रैर् असङ्गो युद्धेषु वरदानान् महात्मनः ॥
शृणु मे विस्तरेणेदं विचित्रं परमाद्भुतम् ॥
भारतानां महद् युद्धं यथाभूल् लोमहर्षणम् ॥
saṃjaya uvāca
tvadyukto 'yam anupraśno mahārāja yathārhasi ||
na tu duryodhane doṣam imam āsaktum arhasi ||
ya ātmano duścaritād aśubhaṃ prāpnuyān naraḥ ||
enasā tena nānyaṃ sa upāśaṅkitum arhati ||
mahārāja manuṣyeṣu nindyaṃ yaḥ sarvam ācaret ||
sa vadhyaḥ sarvalokasya ninditāni samācaran ||
nikāro nikṛtiprajñaiḥ pāṇḍavais tvatpratīkṣayā ||
anubhūtaḥ sahāmātyaiḥ kṣāntaṃ ca suciraṃ vane ||
hayānāṃ ca gajānāṃ ca śūrāṇāṃ cāmitaujasām ||
pratyakṣaṃ yan mayā dṛṣṭaṃ dṛṣṭaṃ yogabalena ca ||
śṛṇu tat pṛthivīpāla mā ca śoke manaḥ kṛthāḥ ||
diṣṭam etat purā nūnam evaṃbhāvi narādhipa ||
namaskṛtvā pitus te 'haṃ pārāśaryāya dhīmate ||
yasya prasādād divyaṃ me prāptaṃ jñānam anuttamam ||
dṛṣṭiś cātīndriyā rājan dūrāc chravaṇam eva ca ||
paracittasya vijñānam atītānāgatasya ca ||
vyutthitotpattivijñānam ākāśe ca gatiḥ sadā ||
śastrair asaṅgo yuddheṣu varadānān mahātmanaḥ ||
śṛṇu me vistareṇedaṃ vicitraṃ paramādbhutam ||
bhāratānāṃ mahad yuddhaṃ yathābhūl lomaharṣaṇam ||
Sanjaya said: "O great king, this question befits you, but you should not fasten this blame upon Duryodhana alone. A man who suffers misfortune through his own bad conduct should not suspect another for that sin. O great king, whoever among men commits everything blameworthy, acting shamefully, becomes deserving of the condemnation of the whole world. The Pandavas, waiting upon your decision, together with their counselors endured humiliation from crafty men and long suffered it in the forest. Now hear, guardian of the earth, what I have witnessed directly: the horses, elephants, and heroes of immeasurable might, and also what has been revealed to me by the power of yoga. Do not set your mind on grief: this, without doubt, was ordained before, O lord of men, and was destined to happen exactly so. Having bowed to your father, the wise Parasharya, by whose grace I obtained unsurpassed, divine knowledge — superhuman sight, hearing from afar, knowledge of another's heart, of the past and the future, knowledge of disappearance and arising, ceaseless movement through space, and invulnerability to weapons in battle, through the boons of that great soul — hear from me in full detail this manifold, wondrous, and terrible war of the Bharatas, as it was."
be30d40bf2e0 · publicado 17 jul 2026, 20:47:27 UTC
Disponible enRUENPasa de verso en verso con
Sanjaya begins not with a description of the armies but with a moral correction: Dhritarashtra must not lay everything upon his son, for the catastrophe grew out of long complicity with adharma. Only after this does he claim the right to speak — as an eyewitness, and as one granted the gift of sight by Vyasa.