तं तु दृष्ट्वा महाव्यूहं तावकानां महारथः ॥
युधिष्ठिरो ऽब्रवीत् तूर्णं पार्षतं पृतनापतिम् ॥
पश्य व्यूहं महेष्वास निर्मितं सागरोपमम् ॥
प्रतिव्यूहं त्वम् अपि हि कुरु पार्षत माचिरम् ॥
ततः स पार्षतः शूरो व्यूहं चक्रे सुदारुणम् ॥
शृङ्गाटकं महाराज परव्यूहविनाशनम् ॥
शृङ्गेभ्यो भीमसेनश् च सात्यकिश् च महारथः ॥
रथैर् अनेकसाहस्रैस् तथा हयपदातिभिः ॥
नाभ्याम् अभून् नरश्रेष्ठः श्वेताश्वो वानरध्वजः ॥
मध्ये युधिष्ठिरो राजा माद्रीपुत्रौ च पाण्डवौ ॥
अथेतरे महेष्वासाः सहसैन्या नराधिपाः ॥
व्यूहं तं पूरयाम् आसुर् व्यूहशास्त्रविशारदाः ॥
अभिमन्युस् ततः पश्चाद् विराटश् च महारथः ॥
द्रौपदेयाश् च संहृष्टा राक्षसश् च घटोत्कचः ॥
एवम् एतं महाव्यूहं व्यूह्य भारत पाण्डवाः ॥
अतिष्ठन् समरे शूरा योद्धुकामा जयैषिणः ॥
भेरीशब्दाश् च तुमुला विमिश्राः शङ्खनिस्वनैः ॥
क्ष्वेडितास्फोटितोत्क्रुष्टैः सुभीमाः सर्वतोदिशम् ॥
taṃ tu dṛṣṭvā mahāvyūhaṃ tāvakānāṃ mahārathaḥ ||
yudhiṣṭhiro 'bravīt tūrṇaṃ pārṣataṃ pṛtanāpatim ||
paśya vyūhaṃ maheṣvāsa nirmitaṃ sāgaropamam ||
prativyūhaṃ tvam api hi kuru pārṣata māciram ||
tataḥ sa pārṣataḥ śūro vyūhaṃ cakre sudāruṇam ||
śṛṅgāṭakaṃ mahārāja paravyūhavināśanam ||
śṛṅgebhyo bhīmasenaś ca sātyakiś ca mahārathaḥ ||
rathair anekasāhasrais tathā hayapadātibhiḥ ||
nābhyām abhūn naraśreṣṭhaḥ śvetāśvo vānaradhvajaḥ ||
madhye yudhiṣṭhiro rājā mādrīputrau ca pāṇḍavau ||
athetare maheṣvāsāḥ sahasainyā narādhipāḥ ||
vyūhaṃ taṃ pūrayām āsur vyūhaśāstraviśāradāḥ ||
abhimanyus tataḥ paścād virāṭaś ca mahārathaḥ ||
draupadeyāś ca saṃhṛṣṭā rākṣasaś ca ghaṭotkacaḥ ||
evam etaṃ mahāvyūhaṃ vyūhya bhārata pāṇḍavāḥ ||
atiṣṭhan samare śūrā yoddhukāmā jayaiṣiṇaḥ ||
bherīśabdāś ca tumulā vimiśrāḥ śaṅkhanisvanaiḥ ||
kṣveḍitāsphoṭitotkruṣṭaiḥ subhīmāḥ sarvatodiśam ||
Having seen this great array of thy warriors, the maharatha Yudhishthira quickly said to Parshata, the commander of the army: "Behold, great archer, this array made like unto the ocean. And thou, Parshata, without delay set up a counter-array." Then the hero Dhrishtadyumna, O great king, created the exceedingly terrible Shringataka array, destroyer of hostile formations. At its horns stood Bhimasena and the maharatha Satyaki with many thousands of chariots, together with cavalry and infantry. In the center was the best of men — Arjuna, with white horses and the monkey on his banner; there too stood king Yudhishthira and the two Pandavas, sons of Madri. The other great archers, lords of men with their own armies, skilled in the science of battle formations, filled out this array. Behind stood Abhimanyu, the maharatha Virata, the joyful sons of Draupadi, and the rakshasa Ghatotkacha. Thus the Pandavas, O Bharata, having arrayed this great formation, stood in battle as heroes, eager to fight and seeking victory. The tumultuous sounds of drums, mingled with the roar of conches, battle-cries, claps, and shouts, grew terrible on every side.
17a048560e33 · publicado 17 jul 2026, 21:46:24 UTC
Disponible enRUENPasa de verso en verso con
Yudhishthira's response shows his royal composure: seeing the enemy's strength, he does not yield to fear but at once calls for a matching array. The Pandavas appear not as scattered heroes but as an ordered force of dharma, in which each one has his place.