भग्नं तु स्वबलं दृष्ट्वा भगदत्तेन धीमता ॥
घटोत्कचो ऽथ संक्रुद्धो भगदत्तम् उपाद्रवत् ॥
विकटः पुरुषो राजन् दीप्तास्यो दीप्तलोचनः ॥
रूपं विभीषणं कृत्वा रोषेण प्रज्वलन्न् इव ॥
जग्राह विपुलं शूलं गिरीणाम् अपि दारणम् ॥
नागं जिघांसुः सहसा चिक्षेप च महाबलः ॥
सविष्फुलिङ्गज्वालाभिः समन्तात् परिवेष्टितम् ॥
तम् आपतन्तं सहसा दृष्ट्वा ज्वालाकुलं रणे ॥
चिक्षेप रुचिरं तीक्ष्णम् अर्धचन्द्रं स पार्थिवः ॥
चिच्छेद सुमहच् छूलं तेन बाणेन वेगवत् ॥
निपपात द्विधा छिन्नं शूलं हेमपरिष्कृतम् ॥
महाशनिर् यथा भ्रष्टा शक्रमुक्ता नभोगता ॥
शूलं निपतितं दृष्ट्वा द्विधा कृत्तं स पार्थिवः ॥
रुक्मदण्डां महाशक्तिं जग्राहाग्निशिखोपमाम् ॥
चिक्षेप तां राक्षसस्य तिष्ठ तिष्ठेति चाब्रवीत् ॥
ताम् आपतन्तीं संप्रेक्ष्य वियत्स्थाम् अशनीम् इव ॥
उत्पत्य राक्षसस् तूर्णं जग्राह च ननाद च ॥
बभञ्ज चैनां त्वरितो जानुन्य् आरोप्य भारत ॥
पश्यतः पार्थिवेन्द्रस्य तद् अद्भुतम् इवाभवत् ॥
तद् अवेक्ष्य कृतं कर्म राक्षसेन बलीयसा ॥
दिवि देवाः सगन्धर्वा मुनयश् चापि विस्मिताः ॥
पाण्डवाश् च महेष्वासा भीमसेनपुरोगमाः ॥
साधु साध्व् इति नादेन पृथिवीम् अनुनादयन् ॥
तं तु श्रुत्वा महानादं प्रहृष्टानां महात्मनाम् ॥
नामृष्यत महेष्वासो भगदत्तः प्रतापवान् ॥
स विस्फार्य महच् चापम् इन्द्राशनिसमस्वनम् ॥
अभिदुद्राव वेगेन पाण्डवानां महारथान् ॥
विसृजन् विमलांस् तीक्ष्णान् नाराचाञ् ज्वलनप्रभान् ॥
भीमम् एकेन विव्याध राक्षसं नवभिः शरैः ॥
अभिमन्युं त्रिभिश् चैव केकयान् पञ्चभिस् तथा ॥
पूर्णायतविसृष्टेन स्वर्णपुङ्खेन पत्रिणा ॥
बिभेद दक्षिणं बाहुं क्षत्रदेवस्य चाहवे ॥
पपात सहसा तस्य सशरं धनुर् उत्तमम् ॥
द्रौपदेयांस् ततः पञ्च पञ्चभिः समताडयत् ॥
भीमसेनस्य च क्रोधान् निजघान तुरंगमान् ॥
ध्वजं केसरिणं चास्य चिच्छेद विशिखैस् त्रिभिः ॥
निर्बिभेद त्रिभिश् चान्यैः सारथिं चास्य पत्रिभिः ॥
स गाढविद्धो व्यथितो रथोपस्थ उपाविशत् ॥
विशोको भरतश्रेष्ठ भगदत्तेन संयुगे ॥
ततो भीमो महाराज विरथो रथिनां वरः ॥
गदां प्रगृह्य वेगेन प्रचस्कन्द महारथात् ॥
तम् उद्यतगदं दृष्ट्वा सशृङ्गम् इव पर्वतम् ॥
तावकानां भयं घोरं समपद्यत भारत ॥
एतस्मिन्न् एव काले तु पाण्डवः कृष्णसारथिः ॥
आजगाम महाराज निघ्नञ् शत्रून् सहस्रशः ॥
यत्र तौ पुरुषव्याघ्रौ पितापुत्रौ परंतपौ ॥
प्राग्ज्योतिषेण संसक्तौ भीमसेनघटोत्कचौ ॥
दृष्ट्वा तु पाण्डवो राजन् युध्यमानान् महारथान् ॥
त्वरितो भरतश्रेष्ठ तत्रायाद् विकिरञ् शरान् ॥
ततो दुर्योधनो राजा त्वरमाणो महारथः ॥
सेनाम् अचोदयत् क्षिप्रं रथनागाश्वसंकुलाम् ॥
ताम् आपतन्तीं सहसा कौरवाणां महाचमूम् ॥
अभिदुद्राव वेगेन पाण्डवः श्वेतवाहनः ॥
भगदत्तो ऽपि समरे तेन नागेन भारत ॥
विमृद्नन् पाण्डवबलं युधिष्ठिरम् उपाद्रवत् ॥
तदासीत् तुमुलं युद्धं भगदत्तस्य मारिष ॥
पाञ्चालैः सृञ्जयैश् चैव केकयैश् चोद्यतायुधैः ॥
भीमसेनो ऽपि समरे ताव् उभौ केशवार्जुनौ ॥
आश्रावयद् यथावृत्तम् इरावद् वधम् उत्तमम् ॥
bhagnaṃ tu svabalaṃ dṛṣṭvā bhagadattena dhīmatā ||
ghaṭotkaco 'tha saṃkruddho bhagadattam upādravat ||
vikaṭaḥ puruṣo rājan dīptāsyo dīptalocanaḥ ||
rūpaṃ vibhīṣaṇaṃ kṛtvā roṣeṇa prajvalann iva ||
jagrāha vipulaṃ śūlaṃ girīṇām api dāraṇam ||
nāgaṃ jighāṃsuḥ sahasā cikṣepa ca mahābalaḥ ||
saviṣphuliṅgajvālābhiḥ samantāt pariveṣṭitam ||
tam āpatantaṃ sahasā dṛṣṭvā jvālākulaṃ raṇe ||
cikṣepa ruciraṃ tīkṣṇam ardhacandraṃ sa pārthivaḥ ||
ciccheda sumahac chūlaṃ tena bāṇena vegavat ||
nipapāta dvidhā chinnaṃ śūlaṃ hemapariṣkṛtam ||
mahāśanir yathā bhraṣṭā śakramuktā nabhogatā ||
śūlaṃ nipatitaṃ dṛṣṭvā dvidhā kṛttaṃ sa pārthivaḥ ||
rukmadaṇḍāṃ mahāśaktiṃ jagrāhāgniśikhopamām ||
cikṣepa tāṃ rākṣasasya tiṣṭha tiṣṭheti cābravīt ||
tām āpatantīṃ saṃprekṣya viyatsthām aśanīm iva ||
utpatya rākṣasas tūrṇaṃ jagrāha ca nanāda ca ||
babhañja caināṃ tvarito jānuny āropya bhārata ||
paśyataḥ pārthivendrasya tad adbhutam ivābhavat ||
tad avekṣya kṛtaṃ karma rākṣasena balīyasā ||
divi devāḥ sagandharvā munayaś cāpi vismitāḥ ||
pāṇḍavāś ca maheṣvāsā bhīmasenapurogamāḥ ||
sādhu sādhv iti nādena pṛthivīm anunādayan ||
taṃ tu śrutvā mahānādaṃ prahṛṣṭānāṃ mahātmanām ||
nāmṛṣyata maheṣvāso bhagadattaḥ pratāpavān ||
sa visphārya mahac cāpam indrāśanisamasvanam ||
abhidudrāva vegena pāṇḍavānāṃ mahārathān ||
visṛjan vimalāṃs tīkṣṇān nārācāñ jvalanaprabhān ||
bhīmam ekena vivyādha rākṣasaṃ navabhiḥ śaraiḥ ||
abhimanyuṃ tribhiś caiva kekayān pañcabhis tathā ||
pūrṇāyatavisṛṣṭena svarṇapuṅkhena patriṇā ||
bibheda dakṣiṇaṃ bāhuṃ kṣatradevasya cāhave ||
papāta sahasā tasya saśaraṃ dhanur uttamam ||
draupadeyāṃs tataḥ pañca pañcabhiḥ samatāḍayat ||
bhīmasenasya ca krodhān nijaghāna turaṃgamān ||
dhvajaṃ kesariṇaṃ cāsya ciccheda viśikhais tribhiḥ ||
nirbibheda tribhiś cānyaiḥ sārathiṃ cāsya patribhiḥ ||
sa gāḍhaviddho vyathito rathopastha upāviśat ||
viśoko bharataśreṣṭha bhagadattena saṃyuge ||
tato bhīmo mahārāja viratho rathināṃ varaḥ ||
gadāṃ pragṛhya vegena pracaskanda mahārathāt ||
tam udyatagadaṃ dṛṣṭvā saśṛṅgam iva parvatam ||
tāvakānāṃ bhayaṃ ghoraṃ samapadyata bhārata ||
etasminn eva kāle tu pāṇḍavaḥ kṛṣṇasārathiḥ ||
ājagāma mahārāja nighnañ śatrūn sahasraśaḥ ||
yatra tau puruṣavyāghrau pitāputrau paraṃtapau ||
prāgjyotiṣeṇa saṃsaktau bhīmasenaghaṭotkacau ||
dṛṣṭvā tu pāṇḍavo rājan yudhyamānān mahārathān ||
tvarito bharataśreṣṭha tatrāyād vikirañ śarān ||
tato duryodhano rājā tvaramāṇo mahārathaḥ ||
senām acodayat kṣipraṃ rathanāgāśvasaṃkulām ||
tām āpatantīṃ sahasā kauravāṇāṃ mahācamūm ||
abhidudrāva vegena pāṇḍavaḥ śvetavāhanaḥ ||
bhagadatto 'pi samare tena nāgena bhārata ||
vimṛdnan pāṇḍavabalaṃ yudhiṣṭhiram upādravat ||
tadāsīt tumulaṃ yuddhaṃ bhagadattasya māriṣa ||
pāñcālaiḥ sṛñjayaiś caiva kekayaiś codyatāyudhaiḥ ||
bhīmaseno 'pi samare tāv ubhau keśavārjunau ||
āśrāvayad yathāvṛttam irāvad vadham uttamam ||
Seeing that the wise Bhagadatta had broken his army, the enraged Ghatotkacha rushed at him. Assuming a dreadful form, the monstrous man, with blazing mouth and burning eyes, as if aflame with fury, seized a vast spear capable of splitting even mountains. Desiring to slay the elephant at once, the mighty Ghatotkacha hurled that spear, engulfed on every side by sparks and flame. Seeing this fiery spear hurtling suddenly toward him in the battle, Bhagadatta let fly a beautiful, sharp, half-moon-headed arrow, and with that swift shaft cleaved the huge spear. The gold-wrought spear, cut in two, fell like a great thunderbolt loosed by Shakra dropping from the sky. Seeing the spear fallen, cut in half, that king seized a great shakti with a golden shaft, resembling a tongue of flame, and hurled it at the rakshasa, crying, "Stand! Stand!" Seeing it flying toward him through the air like a thunderbolt, the rakshasa leapt up at once, caught it, and roared. Bracing it swiftly against his knee, O Bharata, he broke it; before the eyes of the lord of kings this seemed a wonder. Beholding this deed done by the mighty rakshasa, the gods with the gandharvas in heaven, and the sages too, were amazed. The Pandavas, great archers led by Bhimasena, made the earth resound with cries of "Well done! Well done!" Hearing that great roar of the joyful great souls, the valiant Bhagadatta, the mighty archer, could not bear it. Drawing his great bow, which sounded like Indra's thunderbolt, he charged with speed at the great chariot-warriors of the Pandavas, loosing bright, sharp iron shafts blazing like fire. He pierced Bhima with one arrow, the rakshasa with nine, Abhimanyu with three, and the Kekayas likewise with five. With a shaft loosed at full draw, feathered in gold, he pierced the right arm of Kshatradeva in the fight, and his fine bow, together with the arrow, fell suddenly from him. Then he struck the five sons of Draupadi with five arrows, and in wrath slew the horses of Bhimasena. With three arrows he cut down his lion banner, and with three more feathered shafts pierced his charioteer Vishoka; he, gravely wounded and tormented by Bhagadatta in the battle, sank down upon the platform of the chariot, best of the Bharatas. Then Bhima, the great king, though without his chariot yet the finest of charioteers, swiftly seized his mace and leapt down from the car. Seeing him with his mace upraised, like a peaked mountain, a terrible fear seized your warriors, O Bharata. At that very moment the Pandava came, whose charioteer was Krishna, the great king, slaying his foes by the thousand. He arrived at the place where those two tigers among men, father and son, Bhimasena and Ghatotkacha, scorchers of their enemies, were locked in battle with the lord of Pragjyotisha. Seeing the great chariot-warriors fighting, Arjuna hastened there, scattering arrows, O best of the Bharatas. Then King Duryodhana, the swift great chariot-warrior, quickly moved forward his army, full of chariots, elephants, and horses. The white-horsed Pandava charged swiftly at this vast army of the Kauravas, suddenly advancing. Bhagadatta, meanwhile, in battle upon that elephant, crushing the army of the Pandavas, rushed at Yudhishthira. Then a tumultuous battle broke out around Bhagadatta with the Panchalas, the Srinjayas, and the armed Kekayas, O honored one. And Bhimasena in the battle told Keshava and Arjuna everything as it had happened — of the great death of Iravan.
e35791c4264a · publicado 17 jul 2026, 21:47:11 UTC
Disponible enRUENPasa de verso en verso con
This part of the chapter joins two threads: the wondrous strength of Ghatotkacha astonishes even the gods, yet Bhagadatta does not break, and answers with precise martial skill. Arjuna's arrival with Krishna turns the scene toward the next turn: the personal grief over Iravan's death finally reaches his father.