ताव् अन्योन्यस्य धनुषी छित्त्वान्योन्यं विनेदतुः ॥
शक्तितोमरवर्षेण प्रावृण्मेघाव् इवाम्बुभिः ॥
क्षेमधूर्तिस् तदा भीमं तोमरेण स्तनान्तरे ॥
निर्बिभेद तु वेगेन षड्भिश् चाप्य् अपरैर् नदन् ॥
स भीमसेनः शुशुभे तोमरैर् अङ्गमाश्रितैः ॥
क्रोधदीप्तवपुर् मेघैः सप्तसप्तिर् इवांशुमान् ॥
ततो भास्करवर्णाभम् अञ्जोगतिमयस्मयम् ॥
ससर्ज तोमरं भीमः प्रत्यमित्राय यत्नवान् ॥
ततः कुलूताधिपतिश् चापम् आयम्य सायकैः ॥
दशभिस् तोमरं छित्त्वा शक्त्या विव्याध पाण्डवम् ॥
अथ कार्मुकम् आदाय महाजलदनिस्वनम् ॥
रिपोर् अभ्यर्दयन् नागम् उन्मदः पाण्डवः शरैः ॥
स शरौघार्दितो नागो भीमसेनेन संयुगे ॥
निगृह्यमाणो नातिष्ठद् वातध्वस्त इवाम्बुदः ॥
ताम् अभ्यधावद् द्विरदं भीमसेनस्य नागराट् ॥
महावातेरितं मेघं वातोद्धूत इवाम्बुदः ॥
संनिवर्त्यात्मनो नागं क्षेमधूर्तिः प्रयत्नतः ॥
विव्याधाभिद्रुतं बाणैर् भीमसेनं सकुञ्जरम् ॥
tāv anyonyasya dhanuṣī chittvānyonyaṃ vinedatuḥ ||
śaktitomaravarṣeṇa prāvṛṇmeghāv ivāmbubhiḥ ||
kṣemadhūrtis tadā bhīmaṃ tomareṇa stanāntare ||
nirbibheda tu vegena ṣaḍbhiś cāpy aparair nadan ||
sa bhīmasenaḥ śuśubhe tomarair aṅgamāśritaiḥ ||
krodhadīptavapur meghaiḥ saptasaptir ivāṃśumān ||
tato bhāskaravarṇābham añjogatimayasmayam ||
sasarja tomaraṃ bhīmaḥ pratyamitrāya yatnavān ||
tataḥ kulūtādhipatiś cāpam āyamya sāyakaiḥ ||
daśabhis tomaraṃ chittvā śaktyā vivyādha pāṇḍavam ||
atha kārmukam ādāya mahājaladanisvanam ||
ripor abhyardayan nāgam unmadaḥ pāṇḍavaḥ śaraiḥ ||
sa śaraughārdito nāgo bhīmasenena saṃyuge ||
nigṛhyamāṇo nātiṣṭhad vātadhvasta ivāmbudaḥ ||
tām abhyadhāvad dviradaṃ bhīmasenasya nāgarāṭ ||
mahāvāteritaṃ meghaṃ vātoddhūta ivāmbudaḥ ||
saṃnivartyātmano nāgaṃ kṣemadhūrtiḥ prayatnataḥ ||
vivyādhābhidrutaṃ bāṇair bhīmasenaṃ sakuñjaram ||
Они рассекли луки друг друга и закричали друг на друга, осыпая один другого дождём шакти и томар, словно дождевые облака водой. Тогда Кшемадхурти с силой пронзил Бхиму томарой в грудь и, рыча, ещё шестью другими. Бхимасена сиял с томарами, вошедшими в тело: его тело пылало гневом, и он был подобен лучистому солнцу, окружённому облаками. Затем Бхима старательно метнул во врага железную томару, прямо летящую и подобную цветом солнцу. Владыка Кулуты натянул лук, десятью стрелами рассёк томару и поразил Пандаву шакти. Тогда разъярённый Пандава взял лук, гремящий как великая туча, и стал стрелами мучить слона врага. Этот слон, истерзанный в битве потоком стрел Бхимасены, уже не мог удержаться, словно облако, разбитое ветром. Царственный слон Бхимасены бросился на того слона, как туча, поднятая и гонимая великим ветром. Кшемадхурти с усилием повернул своего слона и стрелами поразил напавшего Бхимасену вместе со слоном».
b5d28ad601ed · publicado 20 jun 2026, 3:46:54 UTC
Disponible enRUPasa de verso en verso con
Поединок становится чередой ударов и ответов: копьё, лук, стрела, слон против слона. Бхима принимает раны не как остановку, а как повод к ещё более яростному натиску.