विवृत्य हि यथाकामं गृहद्वाराणि शेरते ॥
मनुष्या रक्षिता राज्ञा समन्ताद् अकुतोभयाः ॥
नाक्रुष्टं सहते कश् चित् कुतो हस्तस्य लङ्घनम् ॥
यदि राजा मनुष्येषु त्राता भवति धार्मिकः ॥
स्त्रियश् चापुरुषा मार्गं सर्वालंकारभूषिताः ॥
निर्भयाः प्रतिपद्यन्ते यदा रक्षति भूमिपः ॥
धर्मम् एव प्रपद्यन्ते न हिंसन्ति परस्परम् ॥
अनुगृह्णन्ति चान्योन्यं यदा रक्षति भूमिपः ॥
यजन्ते च त्रयो वर्णा महायज्ञैः पृथग्विधैः ॥
युक्ताश् चाधीयते शास्त्रं यदा रक्षति भूमिपः ॥
वार्तामूलो ह्य् अयं लोकस् त्रय्या वै धार्यते सदा ॥
तत् सर्वं वर्तते सम्यग् यदा रक्षति भूमिपः ॥
यदा राजा धुरं श्रेष्ठाम् आदाय वहति प्रजाः ॥
महता बलयोगेन तदा लोकः प्रसीदति ॥
यस्याभावे च भूतानाम् अभावः स्यात् समन्ततः ॥
भावे च भावो नित्यः स्यात् कस् तं न प्रतिपूजयेत् ॥
तस्य यो वहते भारं सर्वलोकसुखावहम् ॥
तिष्ठेत् प्रियहिते राज्ञ उभौ लोकौ हि यो जयेत् ॥
vivṛtya hi yathākāmaṃ gṛhadvārāṇi śerate ||
manuṣyā rakṣitā rājñā samantād akutobhayāḥ ||
nākruṣṭaṃ sahate kaś cit kuto hastasya laṅghanam ||
yadi rājā manuṣyeṣu trātā bhavati dhārmikaḥ ||
striyaś cāpuruṣā mārgaṃ sarvālaṃkārabhūṣitāḥ ||
nirbhayāḥ pratipadyante yadā rakṣati bhūmipaḥ ||
dharmam eva prapadyante na hiṃsanti parasparam ||
anugṛhṇanti cānyonyaṃ yadā rakṣati bhūmipaḥ ||
yajante ca trayo varṇā mahāyajñaiḥ pṛthagvidhaiḥ ||
yuktāś cādhīyate śāstraṃ yadā rakṣati bhūmipaḥ ||
vārtāmūlo hy ayaṃ lokas trayyā vai dhāryate sadā ||
tat sarvaṃ vartate samyag yadā rakṣati bhūmipaḥ ||
yadā rājā dhuraṃ śreṣṭhām ādāya vahati prajāḥ ||
mahatā balayogena tadā lokaḥ prasīdati ||
yasyābhāve ca bhūtānām abhāvaḥ syāt samantataḥ ||
bhāve ca bhāvo nityaḥ syāt kas taṃ na pratipūjayet ||
tasya yo vahate bhāraṃ sarvalokasukhāvaham ||
tiṣṭhet priyahite rājña ubhau lokau hi yo jayet ||
Когда люди защищены царём, они спят с открытыми дверями домов, как хотят, и со всех сторон свободны от страха. Если среди людей есть праведный царь-защитник, никто не терпит даже оскорбления, не говоря уже об ударе рукой. Когда владыка земли защищает, женщины без мужчин, украшенные всеми украшениями, бесстрашно выходят на дорогу. Когда владыка земли защищает, люди следуют дхарме, не вредят друг другу и поддерживают друг друга. Три варны совершают великие жертвоприношения разных видов, а сосредоточенные изучают шастру, когда владыка земли защищает. Этот мир имеет своим корнем хозяйство и всегда поддерживается тремя Ведами; всё это действует правильно, когда владыка земли защищает. Когда царь, взяв на себя лучшую ношу, великой силой несёт подданных, тогда мир умиротворяется. Если при его отсутствии существам грозило бы исчезновение со всех сторон, а при его наличии их существование становится устойчивым, кто не стал бы его почитать? Кто несёт его бремя, приносящее счастье всему миру, и стоит в том, что приятно и полезно царю, тот побеждает оба мира».
6471790a9e56 · publicado 20 jun 2026, 18:23:54 UTC
Disponible enRUPasa de verso en verso con
Брихаспати показывает положительную сторону царской защиты: она создаёт пространство доверия. Там, где страх отступает, люди могут открывать двери, идти по дорогам, совершать жертвы, изучать шастру и поддерживать друг друга.