मुनिर् उवाच
ज्ञात्वा नयान् अपायांश् च भृत्यतस् ते भयानि च ॥
भक्त्या वृत्तिं समाख्यातुं भवतो ऽन्तिकम् आगमम् ॥
प्राग् एवोक्तश् च दोषो ऽयम् आचार्यैर् नृपसेविनाम् ॥
अगतीकगतिर् ह्य् एषा या राज्ञा सह जीविका ॥
आशीविषैश् च तस्याहुः संगतं यस्य राजभिः ॥
बहुमित्राश् च राजानो बह्वमित्रास् तथैव च ॥
तेभ्यः सर्वेभ्य एवाहुर् भयं राजोपसेविनाम् ॥
अथैषाम् एकतो राजन् मुहूर्ताद् एव भीर् भवेत् ॥
नैकान्तेनाप्रमादो हि कर्तुं शक्यो महीपतौ ॥
न तु प्रमादः कर्तव्यः कथं चिद् भूतिम् इच्छता ॥
प्रमादाद् धि स्खलेद् राजा स्खलिते नास्ति जीवितम् ॥
अग्निं दीप्तम् इवासीदेद् राजानम् उपशिक्षितः ॥
आशीविषम् इव क्रुद्धं प्रभुं प्राणधनेश्वरम् ॥
यत्नेनोपचरेन् नित्यं नाहम् अस्मीति मानवः ॥
दुर्व्याहृताच् छङ्कमानो दुष्कृताद् दुरधिष्ठितात् ॥
दुरासिताद् दुर्व्रजिताद् इङ्गिताद् अङ्गचेष्टितात् ॥
देवतेव हि सर्वार्थान् कुर्याद् राजा प्रसादितः ॥
वैश्वानर इव क्रुद्धः समूलम् अपि निर्दहेत् ॥
इति राजन् मयः प्राह वर्तते च तथैव तत् ॥
munir uvāca
jñātvā nayān apāyāṃś ca bhṛtyatas te bhayāni ca ||
bhaktyā vṛttiṃ samākhyātuṃ bhavato 'ntikam āgamam ||
prāg evoktaś ca doṣo 'yam ācāryair nṛpasevinām ||
agatīkagatir hy eṣā yā rājñā saha jīvikā ||
āśīviṣaiś ca tasyāhuḥ saṃgataṃ yasya rājabhiḥ ||
bahumitrāś ca rājāno bahvamitrās tathaiva ca ||
tebhyaḥ sarvebhya evāhur bhayaṃ rājopasevinām ||
athaiṣām ekato rājan muhūrtād eva bhīr bhavet ||
naikāntenāpramādo hi kartuṃ śakyo mahīpatau ||
na tu pramādaḥ kartavyaḥ kathaṃ cid bhūtim icchatā ||
pramādād dhi skhaled rājā skhalite nāsti jīvitam ||
agniṃ dīptam ivāsīded rājānam upaśikṣitaḥ ||
āśīviṣam iva kruddhaṃ prabhuṃ prāṇadhaneśvaram ||
yatnenopacaren nityaṃ nāham asmīti mānavaḥ ||
durvyāhṛtāc chaṅkamāno duṣkṛtād duradhiṣṭhitāt ||
durāsitād durvrajitād iṅgitād aṅgaceṣṭitāt ||
devateva hi sarvārthān kuryād rājā prasāditaḥ ||
vaiśvānara iva kruddhaḥ samūlam api nirdahet ||
iti rājan mayaḥ prāha vartate ca tathaiva tat ||
Мудрец сказал: «Узнав политические пути, опасности и страхи, которые приходят к тебе от слуг, я с преданностью пришёл к тебе, чтобы объяснить образ действий. Учители уже прежде называли этот недостаток царской службы: жизнь рядом с царём — путь для того, у кого нет другого пути. Говорят, что тот, кто связан с царями, связан словно с ядовитыми змеями. У царей много друзей и так же много врагов; от всех них, говорят, приходит страх к придворным, и даже от одного из них за миг может возникнуть опасность, царь. С царём невозможно быть совершенно безошибочно бдительным, но тот, кто желает благополучия, ни в коем случае не должен допускать небрежности. От небрежности царь может поскользнуться, а когда он поскользнулся, жизни уже нет. Обученный человек должен приближаться к царю как к пылающему огню; служить владыке жизни и богатства как разгневанной ядовитой змее, тщательно и всегда, думая: “Меня нет”. Ему следует опасаться дурного слова, дурного поступка, неверного положения, плохого сидения, плохой походки, жеста и телодвижения. Умилостивлённый царь, как божество, может исполнить все цели, но разгневанный, как огонь Вайшванара, сожжёт даже с корнем. Так сказал Мая, царь, и это действительно так».
d99c67b4eefb · publicado 20 jun 2026, 19:13:47 UTC
Disponible enRUPasa de verso en verso con
Служба царю описана как жизнь рядом с огнём: она может дать благо, но требует крайней внутренней дисциплины. Мудрец говорит это не для лести власти, а чтобы показать, насколько опасна среда, где одно движение может стать причиной гибели.