ईश्वर उवाच
इत्युक्तः शम्भुना रामः प्रसादप्रवणोऽभवत् । दिव्यरूपधरः श्रीमानद्भुताद्भुतदर्शनः
तं तथा रूपमालोक्य नरवानरदेवताः । न द्रष्टुमपि शक्तास्ते तेजसा महदद्भुतम्
भयार्तास्त्रिदशश्रेष्ठाः प्रणेमुश्चातिभक्तितः । भीता विज्ञाय रामोऽपि नरवानरदेवताः । मायामानुषतां प्राप्य स देवानब्रवीत्पुनः
शृणुध्वं देवता यो मां प्रत्यहं स्तोष्यते बुधः । स्तवेन शम्भुनोक्तेन देवतुल्यो भवेन्नरः
विमुक्तः सर्वपापेभ्यो मत्स्वरूपं समश्नुते । रणे जयमवाप्नोति न क्वचित्प्रतिहन्यते
भूतवेतालकृत्याभिर्ग्रहैश्चापि न बाध्यते । अपुत्रो लभते पुत्रं पतिं विन्दति कन्यका
दरिद्रः श्रियमाप्नोति सत्त्ववाञ्छीलवान्भवेत् । आत्मतुल्यबलः श्रीमाञ्जायते नात्र संशयः
निर्विघ्नं सर्वकार्येषु सर्वारम्भेषु वै नृणाम् । यं यं कामयते मर्त्यः सुदुर्लभमनोरथम्
षण्मासात्सिद्धिमाप्नोति स्तवस्यास्य प्रसादतः । यत्पुण्यं सर्वतीर्थेषु सर्वयज्ञेषु यत्फलम् । तत्फलं कोटिगुणितं स्तवेनानेन लभ्यते
इत्युक्त्वा रामचन्द्रोऽसौ विससर्ज महेश्वरम् । ब्रह्मादित्रिदशान्सर्वान्विससर्ज समागतान्
अर्चिता मानवाः सर्वे ऋक्षवानरदेवताः । विसृष्टा रामचन्द्रेण प्रीत्या परमया युताः
इत्थं विसृष्टाः खलु ते च सर्वे स्वं स्वं पदं जग्मुरतीव हृष्टाः । परं पठन्तः स्तवमीश्वरोक्तं रामं स्मरन्तो वरविश्वरूपम्
ityuktaḥ śambhunā rāmaḥ prasādapravaṇo'bhavat | divyarūpadharaḥ śrīmānadbhutādbhutadarśanaḥ
taṃ tathā rūpamālokya naravānaradevatāḥ | na draṣṭumapi śaktāste tejasā mahadadbhutam
bhayārtāstridaśaśreṣṭhāḥ praṇemuścātibhaktitaḥ | bhītā vijñāya rāmo'pi naravānaradevatāḥ | māyāmānuṣatāṃ prāpya sa devānabravītpunaḥ
śṛṇudhvaṃ devatā yo māṃ pratyahaṃ stoṣyate budhaḥ | stavena śambhunoktena devatulyo bhavennaraḥ
vimuktaḥ sarvapāpebhyo matsvarūpaṃ samaśnute | raṇe jayamavāpnoti na kvacitpratihanyate
bhūtavetālakṛtyābhirgrahaiścāpi na bādhyate | aputro labhate putraṃ patiṃ vindati kanyakā
daridraḥ śriyamāpnoti sattvavāñchīlavānbhavet | ātmatulyabalaḥ śrīmāñjāyate nātra saṃśayaḥ
nirvighnaṃ sarvakāryeṣu sarvārambheṣu vai nṛṇām | yaṃ yaṃ kāmayate martyaḥ sudurlabhamanoratham
ṣaṇmāsātsiddhimāpnoti stavasyāsya prasādataḥ | yatpuṇyaṃ sarvatīrtheṣu sarvayajñeṣu yatphalam | tatphalaṃ koṭiguṇitaṃ stavenānena labhyate
ityuktvā rāmacandro'sau visasarja maheśvaram | brahmāditridaśānsarvānvisasarja samāgatān
arcitā mānavāḥ sarve ṛkṣavānaradevatāḥ | visṛṣṭā rāmacandreṇa prītyā paramayā yutāḥ
itthaṃ visṛṣṭāḥ khalu te ca sarve svaṃ svaṃ padaṃ jagmuratīva hṛṣṭāḥ | paraṃ paṭhantaḥ stavamīśvaroktaṃ rāmaṃ smaranto varaviśvarūpam
Услышав это от Шамбху, Рама стал склонён к милости и, славный, принял божественный облик, дивный из дивных на вид. Узрев тот облик, люди, обезьяны и божества не были способны даже видеть его — так велик и дивен был блеск. Измученные страхом, лучшие из богов поклонились с великою преданностью; и Рама, узнав людей, обезьян и божеств устрашёнными, вновь принял человечность по майе и сказал богам: «Слушайте, о божества: мудрый, кто будет ежедневно восхвалять меня хвалою, сказанною Шамбху, — тот человек станет равным богам. Свободный от всех грехов, он достигает моей природы; обретает победу в битве и нигде не бывает поражён; не мучим духами, веталами, кртьями и планетами. Бездетный обретает сына, дева находит мужа, бедняк обретает достаток, станет исполненным силы и благонравным; и рождается у него славный, равный ему силою, — здесь нет сомнения. Беспрепятственность у людей во всех делах и во всех начинаниях; какое бы весьма труднодостижимое желание ни пожелал смертный — за шесть месяцев обретает его исполнение милостью этой хвалы. Какое благо во всех святынях и какой плод во всех жертвах — тот плод, умноженный на коти, обретается этою хвалою». Сказав так, тот Рамачандра отпустил Махешвару и отпустил всех пришедших богов во главе с Брахмою. Почтённые и отпущенные Рамачандрою, все люди, медведи, обезьяны и божества исполнились высшею радостью. Так отпущенные, все они обрели каждый своё место, весьма обрадованные, читая высшую хвалу, сказанную Владыкою, и памятуя Раму, чей вселенский облик превосходен.
b13e93322c09 · publicado 3 sept 2026, 4:14:07 UTC
Disponible enRUPasa de verso en verso con
Явленный облик тут же убран обратно — не из скромности, а потому что смотреть на него не смогли. Величие показано ровно настолько, чтобы подтвердить сказанное, и снято, как только начало мешать.