आपृच्छे त्वां महाराज सर्वेषाम् ईश्वरो ऽसि नः । प्रस्थितं दण्डकारण्यं पश्य त्वं कुशलेन माम् ॥
लक्ष्मणं चानुजानीहि सीता चान्वेति मां वनम् । कारणैर् बहुभिस् तथ्यैर् वार्यमाणौ न चेच्छतः ॥
अनुजानीहि सर्वान् नः शोकम् उत्सृज्य मानद । लक्ष्मणं मां च सीतां च प्रजापतिर् इव प्रजाः ॥
प्रतीक्षमाणम् अव्यग्रम् अनुज्ञां जगतीपतेः । उवाच रर्जा संप्रेक्ष्य वनवासाय राघवम् ॥
अहं राघव कैकेय्या वरदानेन मोहितः । अयोध्यायास् त्वम् एवाद्य भव राजा निगृह्य माम् ॥
एवम् उक्तो नृपतिना रामो धर्मभृतां वरः । प्रत्युवाचाञ्जलिं कृत्वा पितरं वाक्यकोविदः ॥
āpṛcche tvāṃ mahārāja sarveṣām īśvaro 'si naḥ | prasthitaṃ daṇḍakāraṇyaṃ paśya tvaṃ kuśalena mām ||
lakṣmaṇaṃ cānujānīhi sītā cānveti māṃ vanam | kāraṇair bahubhis tathyair vāryamāṇau na cecchataḥ ||
anujānīhi sarvān naḥ śokam utsṛjya mānada | lakṣmaṇaṃ māṃ ca sītāṃ ca prajāpatir iva prajāḥ ||
pratīkṣamāṇam avyagram anujñāṃ jagatīpateḥ | uvāca rarjā saṃprekṣya vanavāsāya rāghavam ||
ahaṃ rāghava kaikeyyā varadānena mohitaḥ | ayodhyāyās tvam evādya bhava rājā nigṛhya mām ||
evam ukto nṛpatinā rāmo dharmabhṛtāṃ varaḥ | pratyuvācāñjaliṃ kṛtvā pitaraṃ vākyakovidaḥ ||
Рама сказал: «О великий царь, я прошу у тебя разрешения; ты владыка для всех нас. Взгляни благосклонно на меня, отправляющегося в Дандакаранью. Отпусти и Лакшману: Сита также идёт за мной в лес. Хотя я удерживал их многими верными доводами, они не пожелали остаться. О дарующий честь, оставь скорбь и отпусти всех нас — Лакшману, меня и Ситу, как Праджапати отпускает свои создания». Рама спокойно ожидал разрешения владыки земли, и царь, глядя на Рагхаву, готового к лесной жизни, сказал: «О Рагхава, я ослеплён дарами, которые дал Кайкейи. Сегодня сам стань царём Айодхьи, даже если придётся отстранить меня». Когда царь сказал так, Рама, лучший из хранителей дхармы и искусный в речи, сложил ладони и ответил отцу.
a22444a860c7 · publicado 22 jun 2026, 0:00:00 UTC
Disponible enRUPasa de verso en verso con
Рама просит разрешения даже тогда, когда решение уже принято. Его послушание не механично: он даёт отцу возможность благословить путь, а не только страдать от него.