एवम् उक्तस् तु सुग्रीवो रामेणार्तेन वानरः । अब्रवीत् प्राञ्जलिर् वाक्यं सबाष्पं बाष्पगद्गदः ॥
न जाने निलयं तस्य सर्वथा पापरक्षसः । सामर्थ्यं विक्रमं वापि दौष्कुलेयस्य वा कुलम् ॥
सत्यं तु प्रतिजानामि त्यज शोकम् अरिंदम । करिष्यामि तथा यत्नं यथा प्राप्स्यसि मैथिलीम् ॥
रावणं सगणं हत्वा परितोष्यात्मपौरुषम् । तथास्मि कर्ता नचिराद् यथा प्रीतो भविष्यसि ॥
अलं वैक्लव्यम् आलम्ब्य धैर्यम् आत्मगतं स्मर । त्वद्विधानां न सदृशम् ईदृशं बुद्धिलाघवम् ॥
मयापि व्यसनं प्राप्तं भार्या हरणजं महत् । न चाहम् एवं शोचामि न च धैर्यं परित्यजे ॥
नाहं ताम् अनुशोचामि प्राकृतो वानरो ऽपि सन् । महात्मा च विनीतश् चा किं पुनर् धृतिमान् भवान् ॥
बाष्पम् आपतितं धैर्यान् निग्रहीतुं त्वम् अर्हसि । मर्यादां सत्त्वयुक्तानां धृतिं नोत्स्रष्टुम् अर्हसि ॥
व्यसने वार्थ कृच्छ्रे वा भये वा जीवितान्तगे । विमृशन् वै स्वया बुद्ध्या धृतिमान् नावसीदति ॥
बालिशस् तु नरो नित्यं वैक्लव्यं यो ऽनुवर्तते । स मज्जत्य् अवशः शोके भाराक्रान्तेव नौर् जले ॥
एषो ऽञ्जलिर् मया बद्धः प्रणयात् त्वां प्रसादये । पौरुषं श्रय शोकस्य नान्तरं दातुम् अर्हसि ॥
ये शोकम् अनुवर्तन्ते न तेषां विद्यते सुखम् । तेजश् च क्षीयते तेषां न त्वं शोचितुम् अर्हसि ॥
हितं वयस्य भावेन ब्रूहि नोपदिशामि ते । वयस्यतां पूजयन् मे न त्वं शोचितुम् अर्हसि ॥
evam uktas tu sugrīvo rāmeṇārtena vānaraḥ | abravīt prāñjalir vākyaṃ sabāṣpaṃ bāṣpagadgadaḥ ||
na jāne nilayaṃ tasya sarvathā pāparakṣasaḥ | sāmarthyaṃ vikramaṃ vāpi dauṣkuleyasya vā kulam ||
satyaṃ tu pratijānāmi tyaja śokam ariṃdama | kariṣyāmi tathā yatnaṃ yathā prāpsyasi maithilīm ||
rāvaṇaṃ sagaṇaṃ hatvā paritoṣyātmapauruṣam | tathāsmi kartā nacirād yathā prīto bhaviṣyasi ||
alaṃ vaiklavyam ālambya dhairyam ātmagataṃ smara | tvadvidhānāṃ na sadṛśam īdṛśaṃ buddhilāghavam ||
mayāpi vyasanaṃ prāptaṃ bhāryā haraṇajaṃ mahat | na cāham evaṃ śocāmi na ca dhairyaṃ parityaje ||
nāhaṃ tām anuśocāmi prākṛto vānaro 'pi san | mahātmā ca vinītaś cā kiṃ punar dhṛtimān bhavān ||
bāṣpam āpatitaṃ dhairyān nigrahītuṃ tvam arhasi | maryādāṃ sattvayuktānāṃ dhṛtiṃ notsraṣṭum arhasi ||
vyasane vārtha kṛcchre vā bhaye vā jīvitāntage | vimṛśan vai svayā buddhyā dhṛtimān nāvasīdati ||
bāliśas tu naro nityaṃ vaiklavyaṃ yo 'nuvartate | sa majjaty avaśaḥ śoke bhārākrānteva naur jale ||
eṣo 'ñjalir mayā baddhaḥ praṇayāt tvāṃ prasādaye | pauruṣaṃ śraya śokasya nāntaraṃ dātum arhasi ||
ye śokam anuvartante na teṣāṃ vidyate sukham | tejaś ca kṣīyate teṣāṃ na tvaṃ śocitum arhasi ||
hitaṃ vayasya bhāvena brūhi nopadiśāmi te | vayasyatāṃ pūjayan me na tvaṃ śocitum arhasi ||
Когда страдающий Рама сказал это, ванара Сугрива со сложенными ладонями и голосом, прерываемым слезами, ответил: «Я не знаю ни жилища этого грешного ракшаса, ни его силы, ни доблести, ни рода этого низкого существа. Но я обещаю правду: оставь скорбь, покоритель врагов. Я приложу такое усилие, что ты обретёшь Майтили. Убив Равану вместе с его свитой и удовлетворив собственную доблесть, я вскоре сделаю так, что ты будешь доволен. Довольно поддаваться слабости. Вспомни стойкость, которая есть в тебе. Подобным тебе не подобает такая лёгкость ума. Меня тоже постигло великое бедствие, рождённое похищением жены, но я не скорблю так и не оставляю стойкость. Я, простой ванара, не предаюсь такой скорби о ней; что же говорить о тебе, великодушном, смиренном и стойком? Слезу, которая пришла, ты должен удержать стойкостью. Ты не должен оставлять мужество, которое является границей сильных духом. В бедствии, в трудности дела или в страхе, ведущем к смерти, стойкий, рассуждая собственным разумом, не падает духом. А глупец, который всегда следует слабости, беспомощно тонет в скорби, как перегруженная лодка в воде. Я складываю ладони и из любви прошу тебя: прими мужество, не давай скорби промежутка. У тех, кто следует скорби, нет счастья, и их сила истощается. Тебе не подобает скорбеть. Я говорю это как друг, ради твоего блага, а не наставляю тебя свысока. Почти мою дружбу: тебе не следует скорбеть».
3aba408e0a1b · publicado 22 jun 2026, 0:00:00 UTC
Disponible enRUPasa de verso en verso con
Сугрива говорит Раме не сухую мораль, а слова друга, который сам знает потерю жены и изгнание. Его утешение ценно именно потому, что оно рождено из общей раны и ведёт к действию.