Рама
ततो ऽतिकायं काकुत्स्थो रथस्थं पर्वतोपमम् । ददर्श धन्विनं दूराद् गर्जन्तं कालमेघवत् ॥
स तं दृष्ट्वा महात्मानं राघवस् तु सुविस्मितः । वानरान् सान्त्वयित्वा तु विभीषणम् उवाच ह ॥
को ऽसौ पर्वतसंकाशो धनुष्मान् हरिलोचनः । युक्ते हयसहस्रेण विशाले स्यन्दने स्थितः ॥
य एष निशितैः शूलैः सुतीक्ष्णैः प्रासतोमरैः । अर्चिष्मद्भिर् वृतो भाति भूतैर् इव महेश्वरः ॥
कालजिह्वाप्रकाशाभिर् य एषो ऽभिविराजते । आवृतो रथशक्तीभिर् विद्युद्भिर् इव तोयदः ॥
धनूंसि चास्य सज्यानि हेमपृष्ठानि सर्वशः । शोभयन्ति रथश्रेष्ठं शक्रपातम् इवाम्बरम् ॥
क एष रक्षः शार्दूलो रणभूमिं विराजयन् । अभ्येति रथिनां श्रेष्ठो रथेनादित्यतेजसा ॥
ध्वजशृङ्गप्रतिष्ठेन राहुणाभिविराजते । सूर्यरश्मिप्रभैर् बाणैर् दिशो दश विराजयन् ॥
त्रिणतं मेघनिर्ह्रादं हेमपृष्ठम् अलंकृतम् । शतक्रतुधनुःप्रख्यं धनुश् चास्य विराजते ॥
सध्वजः सपताकश् च सानुकर्षो महारथः । चतुःसादिसमायुक्तो मेघस्तनितनिस्वनः ॥
विंशतिर् दश चाष्टौ च तूणीररथम् आस्थिताः । कार्मुकाणि च भीमानि ज्याश् च काञ्चनपिङ्गलाः ॥
द्वौ च खड्गौ रथगतौ पार्श्वस्थौ पार्श्वशोभिनौ । चतुर्हस्तत्सरुचितौ व्यक्तहस्तदशायतौ ॥
रक्तकण्ठगुणो धीरो महापर्वतसंनिभः । कालः कालमहावक्त्रो मेघस्थ इव भास्करः ॥
काञ्चनाङ्गदनद्धाभ्यां भुजाभ्याम् एष शोभते । शृङ्गाभ्याम् इव तुङ्गाभ्यां हिमवान् पर्वतोत्तमः ॥
कुण्डलाभ्यां तु यस्यैतद् भाति वक्त्रं शुभेक्षणम् । पुनर्वस्वन्तरगतं पूर्णबिम्बम् इवैन्दवम् ॥
आचक्ष्व मे महाबाहो त्वम् एनं राक्षसोत्तमम् । यं दृष्ट्वा वानराः सर्वे भयार्ता विद्रुता दिशः ॥
स पृष्ठो राजपुत्रेण रामेणामिततेजसा । आचचक्षे महातेजा राघवाय विभीषणः ॥
tato 'tikāyaṃ kākutstho rathasthaṃ parvatopamam | dadarśa dhanvinaṃ dūrād garjantaṃ kālameghavat ||
sa taṃ dṛṣṭvā mahātmānaṃ rāghavas tu suvismitaḥ | vānarān sāntvayitvā tu vibhīṣaṇam uvāca ha ||
ko 'sau parvatasaṃkāśo dhanuṣmān harilocanaḥ | yukte hayasahasreṇa viśāle syandane sthitaḥ ||
ya eṣa niśitaiḥ śūlaiḥ sutīkṣṇaiḥ prāsatomaraiḥ | arciṣmadbhir vṛto bhāti bhūtair iva maheśvaraḥ ||
kālajihvāprakāśābhir ya eṣo 'bhivirājate | āvṛto rathaśaktībhir vidyudbhir iva toyadaḥ ||
dhanūṃsi cāsya sajyāni hemapṛṣṭhāni sarvaśaḥ | śobhayanti rathaśreṣṭhaṃ śakrapātam ivāmbaram ||
ka eṣa rakṣaḥ śārdūlo raṇabhūmiṃ virājayan | abhyeti rathināṃ śreṣṭho rathenādityatejasā ||
dhvajaśṛṅgapratiṣṭhena rāhuṇābhivirājate | sūryaraśmiprabhair bāṇair diśo daśa virājayan ||
triṇataṃ meghanirhrādaṃ hemapṛṣṭham alaṃkṛtam | śatakratudhanuḥprakhyaṃ dhanuś cāsya virājate ||
sadhvajaḥ sapatākaś ca sānukarṣo mahārathaḥ | catuḥsādisamāyukto meghastanitanisvanaḥ ||
viṃśatir daśa cāṣṭau ca tūṇīraratham āsthitāḥ | kārmukāṇi ca bhīmāni jyāś ca kāñcanapiṅgalāḥ ||
dvau ca khaḍgau rathagatau pārśvasthau pārśvaśobhinau | caturhastatsarucitau vyaktahastadaśāyatau ||
raktakaṇṭhaguṇo dhīro mahāparvatasaṃnibhaḥ | kālaḥ kālamahāvaktro meghastha iva bhāskaraḥ ||
kāñcanāṅgadanaddhābhyāṃ bhujābhyām eṣa śobhate | śṛṅgābhyām iva tuṅgābhyāṃ himavān parvatottamaḥ ||
kuṇḍalābhyāṃ tu yasyaitad bhāti vaktraṃ śubhekṣaṇam | punarvasvantaragataṃ pūrṇabimbam ivaindavam ||
ācakṣva me mahābāho tvam enaṃ rākṣasottamam | yaṃ dṛṣṭvā vānarāḥ sarve bhayārtā vidrutā diśaḥ ||
sa pṛṣṭho rājaputreṇa rāmeṇāmitatejasā | ācacakṣe mahātejā rāghavāya vibhīṣaṇaḥ ||
Тогда Какутстха увидел издали Атикаю: тот стоял на колеснице, подобный горе, с луком в руке, и рычал как грозовая туча. Рагхава, увидев этого великого воина, сильно удивился; успокоив ванаров, он сказал Вибхишане: «Кто этот гороподобный, желтоглазый лучник, стоящий на широкой колеснице, запряжённой тысячей коней? Кто этот, окружённый острыми трезубцами, копьями и томарами, сияет как Махешвара среди духов? Кто этот, окружённый колесничными шакти, похожими на языки смерти, блистает как туча, охваченная молниями? Его натянутые золотоспинные луки украшают лучшую колесницу, как молния Индры украшает небо. Кто этот тигр ракшасов, лучший из колесничих, озаряющий поле битвы и приближающийся на колеснице солнечного сияния? На вершине его знамени сияет Раху, и он озаряет десять сторон стрелами, блестящими как солнечные лучи. Его трижды изогнутый, золотоспинный, украшенный лук, похожий на лук Шатакрату, гремит как туча. Его великая колесница со знаменем, флагом, анукаршей и четырьмя всадниками звучит как раскат грома. На ней стоят тридцать восемь колчанов, страшные луки и золотисто-рыжие тетивы; по бокам лежат два меча с рукоятями в четыре хасты и длиной в десять хаст. Стойкий, с красной шейной нитью, подобный великой горе, он как сама смерть с огромным лицом смерти, как солнце внутри тучи. Его руки, опоясанные золотыми браслетами, сияют как две высокие вершины Химавана. Его прекрасноглазое лицо с серьгами сияет как полная луна между звёздами Пунарвасу. О могучерукий, скажи мне, кто этот лучший из ракшасов, увидев которого все ванары, охваченные страхом, разбежались по сторонам?» Так спрошенный безмерносиятельным царевичем Рамой, великосияющий Вибхишана рассказал Рагхаве.
882e535d3da0 · publicado 22 jun 2026, 0:00:00 UTC
Disponible enRUPasa de verso en verso con
Рама не действует поспешно: он видит угрозу ясно, успокаивает своих и спрашивает того, кто знает врага. Даже в гуще войны разумная оценка и слушание верного советника остаются частью дхармы.