तांस् तु दृष्ट्वा हरिगणाञ् शरवृष्टिभिर् अर्दितान् । अङ्गदं पृष्ठतः कृत्वा भ्रातृजं प्लवगेश्वरः ॥
अभिदुद्राव वेगेन सुग्रीवः कुम्भम् आहवे । शैलसानु चरं नागं वेगवान् इव केसरी ॥
उत्पाट्य च महाशैलान् अश्वकर्णान् धवान् बहून् । अन्यांश् च विविधान् वृक्षांश् चिक्षेप च महाबलः ॥
तां छादयन्तीम् आकाशं वृक्षवृष्टिं दुरासदाम् । कुम्भकर्णात्मजः श्रीमांश् चिच्छेद निशितैः शरैः ॥
अभिलक्ष्येण तीव्रेण कुम्भेन निशितैः शरैः । आचितास् ते द्रुमा रेजुर् यथा घोराः शतघ्नयः ॥
द्रुमवर्षं तु तच् छिन्नं दृष्ट्वा कुम्भेन वीर्यवान् । वानराधिपतिः श्रीमान् महासत्त्वो न विव्यथे ॥
निर्भिद्यमानः सहसा सहमानश् च ताञ् शरान् । कुम्भस्य धनुर् आक्षिप्य बभञ्जेन्द्रधनुःप्रभम् ॥
अवप्लुत्य ततः शीघ्रं कृत्वा कर्म सुदुष्करम् । अब्रवीत् कुपितः कुम्भं भग्नशृङ्गम् इव द्विपम् ॥
निकुम्भाग्रज वीर्यं ते बाणवेगं तद् अद्भुतम् । संनतिश् च प्रभावश् च तव वा रावणस्य वा ॥
प्रह्रादबलिवृत्रघ्नकुबेरवरुणोपम । एकस् त्वम् अनुजातो ऽसि पितरं बलवत्तरः ॥
त्वाम् एवैकं महाबाहुं शूलहस्तम् अरिंदमम् । त्रिदशा नातिवर्तन्ते जितेन्द्रियम् इवाधयः ॥
वरदानात् पितृव्यस् ते सहते देवदानवान् । कुम्भकर्णस् तु वीर्येण सहते च सुरासुरान् ॥
धनुषीन्द्रजितस् तुल्यः प्रतापे रावणस्य च । त्वम् अद्य रक्षसां लोके श्रेष्ठो ऽसि बलवीर्यतः ॥
महाविमर्दं समरे मया सह तवाद्भुतम् । अद्य भूतानि पश्यन्तु शक्रशम्बरयोर् इव ॥
कृतम् अप्रतिमं कर्म दर्शितं चास्त्रकौशलम् । पातिता हरिवीराश् च त्वयैते भीमविक्रमाः ॥
उपालम्भभयाच् चापि नासि वीर मया हतः । कृतकर्मा परिश्रान्तो विश्रान्तः पश्य मे बलम् ॥
tāṃs tu dṛṣṭvā harigaṇāñ śaravṛṣṭibhir arditān | aṅgadaṃ pṛṣṭhataḥ kṛtvā bhrātṛjaṃ plavageśvaraḥ ||
abhidudrāva vegena sugrīvaḥ kumbham āhave | śailasānu caraṃ nāgaṃ vegavān iva kesarī ||
utpāṭya ca mahāśailān aśvakarṇān dhavān bahūn | anyāṃś ca vividhān vṛkṣāṃś cikṣepa ca mahābalaḥ ||
tāṃ chādayantīm ākāśaṃ vṛkṣavṛṣṭiṃ durāsadām | kumbhakarṇātmajaḥ śrīmāṃś ciccheda niśitaiḥ śaraiḥ ||
abhilakṣyeṇa tīvreṇa kumbhena niśitaiḥ śaraiḥ | ācitās te drumā rejur yathā ghorāḥ śataghnayaḥ ||
drumavarṣaṃ tu tac chinnaṃ dṛṣṭvā kumbhena vīryavān | vānarādhipatiḥ śrīmān mahāsattvo na vivyathe ||
nirbhidyamānaḥ sahasā sahamānaś ca tāñ śarān | kumbhasya dhanur ākṣipya babhañjendradhanuḥprabham ||
avaplutya tataḥ śīghraṃ kṛtvā karma suduṣkaram | abravīt kupitaḥ kumbhaṃ bhagnaśṛṅgam iva dvipam ||
nikumbhāgraja vīryaṃ te bāṇavegaṃ tad adbhutam | saṃnatiś ca prabhāvaś ca tava vā rāvaṇasya vā ||
prahrādabalivṛtraghnakuberavaruṇopama | ekas tvam anujāto 'si pitaraṃ balavattaraḥ ||
tvām evaikaṃ mahābāhuṃ śūlahastam ariṃdamam | tridaśā nātivartante jitendriyam ivādhayaḥ ||
varadānāt pitṛvyas te sahate devadānavān | kumbhakarṇas tu vīryeṇa sahate ca surāsurān ||
dhanuṣīndrajitas tulyaḥ pratāpe rāvaṇasya ca | tvam adya rakṣasāṃ loke śreṣṭho 'si balavīryataḥ ||
mahāvimardaṃ samare mayā saha tavādbhutam | adya bhūtāni paśyantu śakraśambarayor iva ||
kṛtam apratimaṃ karma darśitaṃ cāstrakauśalam | pātitā harivīrāś ca tvayaite bhīmavikramāḥ ||
upālambhabhayāc cāpi nāsi vīra mayā hataḥ | kṛtakarmā pariśrānto viśrāntaḥ paśya me balam ||
Увидев отряды обезьян, измученные дождями стрел, владыка прыгунов Сугрива оставил племянника Ангаду позади и стремительно бросился на Кумбху в бою, как быстрый лев бросается на слона, ходящего по горному склону. Могучий Сугрива вырвал большие скалы, множество ашвакарн и дхав, а также другие разные деревья, и метнул их. Славный сын Кумбхакарны острыми стрелами рассёк этот труднопреодолимый дождь деревьев, закрывавший небо. Пробитые меткими и сильными стрелами Кумбхи, деревья сияли как страшные шатаґхни. Увидев, что Кумбха рассёк дождь деревьев, славный и великосильный владыка ванаров не дрогнул; внезапно пронзаемый и терпя эти стрелы, он вырвал лук Кумбхи, сиявший как лук Индры, и сломал его. Быстро спрыгнув и совершив труднейшее дело, разгневанный Сугрива сказал Кумбхе, похожему на слона со сломанным бивнем: «О старший брат Никумбхи, удивительны твоя доблесть, скорость стрел, стойкость и мощь — твоя ли это сила или Раваны? Ты подобен Прахладе, Бали, убийце Вритры, Кубере и Варуне; ты один родился вслед за отцом и стал ещё сильнее. Тебя одного, могучерукого, с копьём в руке, победителя врагов, боги не могут переступить, как страдания не переступают того, кто победил чувства. Благодаря дару твой дядя выдерживает богов и данавов, а Кумбхакарна доблестью выдерживает богов и асуров. Луком ты равен Индраджиту, могуществом — Раване; сегодня в мире ракшасов ты лучший силой и доблестью. Пусть сегодня существа увидят наше с тобой удивительное великое столкновение в битве, подобное битве Шакры и Шамбары. Ты совершил несравненное дело, показал искусство оружия и поверг этих страшноподвижных героев-обезьян. Из страха упрёка я не убил тебя, герой, когда ты уже совершил дело и утомился. Отдохни — и смотри мою силу».
bde4e4f483ac · publicado 22 jun 2026, 0:00:00 UTC
Disponible enRUPasa de verso en verso con
Сугрива хвалит противника не для лести, а как кшатрий, признающий реальную доблесть перед решающим боем. Его слова соединяют уважение к силе с уверенностью служителя Рамы.