संधायामित्रदलनं विचकर्ष शरासनम् । सज्यम् आयम्य दुर्धर्शः कालो लोकक्षये यथा ॥
संधाय धनुषि श्रेष्ठे विकर्षन्न् इदम् अब्रवीत् । लक्ष्मीवांल् लक्ष्मणो वाक्यम् अर्थसाधकम् आत्मनः ॥
धर्मात्मा सत्यसंधश् च रामो दाशरथिर् यदि । पौरुषे चाप्रतिद्वन्द्वस् तद् एनं जहि रावणिम् ॥
इत्य् उक्त्वा बाणम् आकर्णं विकृष्य तम् अजिह्मगम् । लक्ष्मणः समरे वीरः ससर्जेन्द्रजितं प्रति । ऐन्द्रास्त्रेण समायुज्य लक्ष्मणः परवीरहा ॥
तच् छिरः सशिरस् त्राणं श्रीमज् ज्वलितकुण्डलम् । प्रमथ्येन्द्रजितः कायात् पपात धरणीतले ॥
तद् राक्षसतनूजस्य छिन्नस्कन्धं शिरो महत् । तपनीयनिभं भूमौ ददृशे रुधिरोक्षितम् ॥
हतस् तु निपपाताशु धरण्यां रावणात्मजः । कवची सशिरस्त्राणो विध्वस्तः सशरासनः ॥
चुक्रुशुस् ते ततः सर्वे वानराः सविभीषणाः । हृष्यन्तो निहते तस्मिन् देवा वृत्रवधे यथा ॥
saṃdhāyāmitradalanaṃ vicakarṣa śarāsanam | sajyam āyamya durdharśaḥ kālo lokakṣaye yathā ||
saṃdhāya dhanuṣi śreṣṭhe vikarṣann idam abravīt | lakṣmīvāṃl lakṣmaṇo vākyam arthasādhakam ātmanaḥ ||
dharmātmā satyasaṃdhaś ca rāmo dāśarathir yadi | pauruṣe cāpratidvandvas tad enaṃ jahi rāvaṇim ||
ity uktvā bāṇam ākarṇaṃ vikṛṣya tam ajihmagam | lakṣmaṇaḥ samare vīraḥ sasarjendrajitaṃ prati | aindrāstreṇa samāyujya lakṣmaṇaḥ paravīrahā ||
tac chiraḥ saśiras trāṇaṃ śrīmaj jvalitakuṇḍalam | pramathyendrajitaḥ kāyāt papāta dharaṇītale ||
tad rākṣasatanūjasya chinnaskandhaṃ śiro mahat | tapanīyanibhaṃ bhūmau dadṛśe rudhirokṣitam ||
hatas tu nipapātāśu dharaṇyāṃ rāvaṇātmajaḥ | kavacī saśirastrāṇo vidhvastaḥ saśarāsanaḥ ||
cukruśus te tataḥ sarve vānarāḥ savibhīṣaṇāḥ | hṛṣyanto nihate tasmin devā vṛtravadhe yathā ||
Наложив стрелу, сокрушающую врагов, труднопобедимый Лакшмана натянул лук с тетивой, как время при гибели мира. Наложив её на лучший лук и натягивая, счастливый Лакшмана произнёс слово, достигающее его цели: «Если Рама, сын Дашаратхи, дхармичен, верен истине и не имеет соперника в мужестве, тогда убей этого сына Раваны». Сказав так, герой Лакшмана, губитель вражеских героев, натянул до уха эту прямую стрелу, соединил её с оружием Индры и выпустил против Индраджита. Прекрасная голова Индраджита со шлемом и пылающими серьгами, сорванная с его тела, упала на землю. Великая голова сына ракшаса, отрубленная от плеч, лежала на земле, подобная золоту и окроплённая кровью. Убитый сын Раваны быстро пал на землю, сокрушённый, в панцире, со шлемом и луком. Тогда все ванары вместе с Вибхишаной закричали, ликуя над его гибелью, как боги ликовали при убийстве Вритры.
bdefeae4e521 · publicado 22 jun 2026, 0:00:00 UTC
Disponible enRUPasa de verso en verso con
Решающая стрела Лакшманы основана на истине Рамы. Он не говорит: «если я силён», а призывает силу дхармы, правдивости и непревзойдённого мужества Рамы.