Повествователь
प्रगृह्य विपुलां घोरां महीधर समां शिलाम् । चिक्षेप च महातेजास् तद् वधाय हरीश्वरः ॥
ताम् आपतन्तीं सहसा शिलां दृष्ट्वा महोदरः । असंभ्रान्तस् ततो बाणैर् निर्बिभेद दुरासदाम् ॥
रक्षसा तेन बाणौघैर् निकृत्ता सा सहस्रधा । निपपात शिलाभूमौ गृध्रचक्रम् इवाकुलम् ॥
तां तु भिन्नां शिलां दृष्ट्वा सुग्रीवः क्रोधमूर्छितः । सालम् उत्पाट्य चिक्षेप रक्षसे रणमूर्धनि । शरैश् च विददारैनं शूरः परपुरंजयः ॥
स ददर्श ततः क्रुद्धः परिघं पतितं भुवि । आविध्य तु स तं दीप्तं परिघं तस्य दर्शयन् । परिघाग्रेण वेगेन जघानास्य हयोत्तमान् ॥
तस्माद् धतहयाद् वीरः सो ऽवप्लुत्य महारथात् । गदां जग्राह संक्रुद्धो राक्षसो ऽथ महोदरः ॥
गदापरिघहस्तौ तौ युधि वीरौ समीयतुः । नर्दन्तौ गोवृषप्रख्यौ घनाव् इव सविद्युतौ ॥
आजघान गदां तस्य परिघेण हरीश्वरः । पपात स गदोद्भिन्नः परिघस् तस्य भूतले ॥
ततो जग्राह तेजस्वी सुग्रीवो वसुधातलात् । आयसं मुसलं घोरं सर्वतो हेमभूषितम् ॥
तं समुद्यम्य चिक्षेप सो ऽप्य् अन्यां व्याक्षिपद् गदाम् । भिन्नाव् अन्योन्यम् आसाद्य पेततुर् धरणीतले ॥
pragṛhya vipulāṃ ghorāṃ mahīdhara samāṃ śilām | cikṣepa ca mahātejās tad vadhāya harīśvaraḥ ||
tām āpatantīṃ sahasā śilāṃ dṛṣṭvā mahodaraḥ | asaṃbhrāntas tato bāṇair nirbibheda durāsadām ||
rakṣasā tena bāṇaughair nikṛttā sā sahasradhā | nipapāta śilābhūmau gṛdhracakram ivākulam ||
tāṃ tu bhinnāṃ śilāṃ dṛṣṭvā sugrīvaḥ krodhamūrchitaḥ | sālam utpāṭya cikṣepa rakṣase raṇamūrdhani | śaraiś ca vidadārainaṃ śūraḥ parapuraṃjayaḥ ||
sa dadarśa tataḥ kruddhaḥ parighaṃ patitaṃ bhuvi | āvidhya tu sa taṃ dīptaṃ parighaṃ tasya darśayan | parighāgreṇa vegena jaghānāsya hayottamān ||
tasmād dhatahayād vīraḥ so 'vaplutya mahārathāt | gadāṃ jagrāha saṃkruddho rākṣaso 'tha mahodaraḥ ||
gadāparighahastau tau yudhi vīrau samīyatuḥ | nardantau govṛṣaprakhyau ghanāv iva savidyutau ||
ājaghāna gadāṃ tasya parigheṇa harīśvaraḥ | papāta sa gadodbhinnaḥ parighas tasya bhūtale ||
tato jagrāha tejasvī sugrīvo vasudhātalāt | āyasaṃ musalaṃ ghoraṃ sarvato hemabhūṣitam ||
taṃ samudyamya cikṣepa so 'py anyāṃ vyākṣipad gadām | bhinnāv anyonyam āsādya petatur dharaṇītale ||
Великосияющий владыка обезьян схватил огромную страшную скалу, равную горе, и бросил её, чтобы убить Маходару. Увидев внезапно падающую неприступную скалу, Маходара невозмутимо разбил её стрелами. Рассечённая потоками стрел этого ракшаса на тысячу частей, скала упала на землю, словно смятённый круг грифов. Увидев разбитую скалу, Сугрива, охваченный гневом, вырвал шалу и бросил её в ракшаса на вершине битвы, а герой, покоритель вражеских городов, рассёк его стрелами. Затем разгневанный Сугрива увидел палицу, упавшую на землю; раскрутив эту сияющую палицу и показывая её врагу, он стремительно концом палицы убил лучших коней Маходары. С лишённой коней великой колесницы герой Маходара спрыгнул и, разгневанный, схватил булаву. Два героя, один с булавой, другой с палицей, сошлись в бою, ревя как быки, словно две тучи с молниями. Владыка обезьян палицей ударил по его булаве; разбитая булава упала на землю, как и его палица. Тогда сияющий Сугрива схватил с земли страшный железный пест, украшенный золотом со всех сторон. Подняв его, он бросил; Маходара тоже метнул другую булаву. Оба оружия, столкнувшись и разбившись друг о друга, упали на землю.
434995feb930 · publicado 22 jun 2026, 0:00:00 UTC
Disponible enRUPasa de verso en verso con
Поединок быстро переходит от дальнего боя к всё более тяжёлому и близкому столкновению. Оружие ломается одно за другим, и решать исход будут уже стойкость и мгновенная находчивость.